mikudagur 7. juni 2017síða 15

15 Mikudagur 29. mars 2017 · Nr. 38 Sosialurin Hugskot og viðmerkingar – send sms til 225000 Mikudagur 7. juni 2017 · Nr. 65 Áki Bertholdsen Í roynd og veru líkist tað ongum, at Strandferðslan ikki hevur eitt eyka skip, sum kann setast í sigling har tað stendur á. Tað sigur Hilmar Eliasen, stjóri á Strandferðsluni. Strandferðslan leingi ar­beitt við eini ítøkiligari ætlan um at útvega eitt skip afturat, sum kann setast í sigling, har tað stendur á, eitt nú, tá ið skip fáa teknisk brek, ella vera fyri óhappi sum ger, at tey brádliga mugu takast úr sigling. Her verður hugsað um allar rutur hjá Strand­ferðsl­ uni, uttan suðuroyar­sigl­ing­ ina, tí ta siglingina er eitt slíkt skip ikki hóskandi til. Og stjórin heldur, at hann átti langt síðani at verið kom­in. – Øll reiðarí hava eitt eyka skip at taka til tá ið á stendur, og tað skuldu vit havt fingið fyri fleiri árum síðani, sigur Hilmar Eliasen. Tvey uppskot Men nú hevur Strand­ferðsl­ an so latið Sam­ferðslu­mála­ ráðnum tvey uppskot um skip, sum kunnu brúkast til endamálið. Jóan Petur Abrahamsen sigur, at tveir føroyskir veit­ arar eru bidnir um at koma við einum tilboði upp á hósk­ andi bátar. Teir umboða ávika­vist ein norskan og ein íslendskan veitara, sum kunnu lata bátar, ið vera mettir at vera hóskandi til endamálið. Nú stendur tað so til polit­iska myndugleikan at gera av, hvørjum tilboði, teir taka av, ella um teir taka av nøkrum tilboði yvir­høvur, sigur Jóan Petur Abra­ham­ sen. Talan er um hvør sín bát. Tann íslendski báturin er á stødd við Jósup, sum Strandferðslan mangan hev­ur leigað. Hann kostar ein­ar 13 milliónir og tekur 85 ferðafólk. Men hann hevur onki dekk. Tann norski báturin er heldur størri, hann tekur nøkur fleiri ferðafólk, hevur dekk og krana og kann hava eitt hagfar ella einar tveir bilar á dekkinum, skuldi tørvur verið á tí. Hann kostar einar 22,5 milliónir Báðir bátarnir kunnu sigla 22 míl við ferðafólki og tað er tað skjótasta loyvt er at sigla við ferðafólki. Men tómir sigla teir skjót­ ari og sostatt eru teir skjót­ ir at flyta úr einum parti av landinum í annan. Sam­ stundis er pláss til rørslu­ tarnað við bátunum. Misskilt Hilmar Eliasen heldur, at tað er eitt sindur misskilt at kalla hetta fyri avloysaraskip, tí fær Strandferðslan eitt skip afturat, hevði tað verið í sigling alla tíðina. Eitt er, at hevði Strandferðslan eitt skip afturat høvdu tey slopp­ ið undan at broyta fleiri rutur, tá ið okkurt hendur sum ger, at skip verða tikin úr sigling. Men stjórin sær eisini fyri sær, at skipið kann sigla ein túr um morgunin út í Hest. Tað er ein túrur, hestfólk hava saknað illa, tí sum ferðaætlanin er nú, ber tað ikki til at búgva í Hesti, men kortini kunna møta til arbeiðis í Havn klokkan átta. Hinvegin sigur Hilmar Eliasen, at Teistin siglur so nógv sum hann yvirhøvur kann, uttan at bróta lógir og reglur. – Í roynd og veru kann Teistin ikki sigla 10 minuttir meiri um dagin, tí so ger hann seg inn á altjóða treytir, sum vit eru bundin at halda, sigur stjórin í Strandferðsluni. Hann sigur, at mitt á degi kann eitt slíkt eykaskip eisini sigla til Nólsoyar, fyri at nevna eitt dømi. Tað hevði givið manningini á Ternuni væl betri til til at gera umvælingar umborð, og tað hevði so aftur stytt tíðirnar í dokk munandi. Harafturat brennur ein slíkur bátur munandi minni enn skipini og sostatt hevði tað spart Strandferðsluni rættiliga fitt í rakstrarútreiðslum. Hann kann harumframt sigla leigutúrar, og annars kann brúkast til at seta í rutu tá ið onkur bátur má takast úr sigling, ella tá ið ið serlig tiltøk eru onkustaðni. Eitt dømi er, tá ið ovastevna er í Nólsoy, tá kann Ternan sigla teir stóru túrarnar, men annars kann avloysaaskipið sigla í pendulfart. Og av tí, at hann siglur so skjótt, fer tað neyvan nakra­staðni at taka meiri enn hálvan tíma, so er hann klárur at seta í sigling, uttan at órógva aðra sigling, sum vit ofta gera nú, sigur Hilmar Eliasen. Talan hevur verið um at Strandferðslan kann leiga bát, tá ið tørvur er á tí, men Hilmar Eliasen sigur, at privatu bátarnir eru ofta upp­ tiknir, tá ið brúk er fyri tí. At leiga bátart er eisini dýrt, eitt nú upplýsti Henrik Old, landsstýrismaður, her­ fyri fyri okkum, Strand­ ferðslan hevði rindað 15.000 krónur um dagin fyri at leiga ein bát tá ið Ternan fór í dokk. Tað hevur eisini verið ført fram, at eitt leigað skið gevur ikki Strandferðsluni sama rásarrúm at leggja til rættis, sum tá ið hon eigur skipið, og eitt leigað skip er heldur ikki smíðað til endamálið, eitt nú hava skipini, Strandferðslan hevur leigað, ikki krana. HETTA HEVÐI LOYST EIN VELDUGAN TRUPULLEIKA – Fyri at siga tað sum tað er, so líkist ongum, at vit ikki hava eitt eykaskip, sigur stjórin á Strandferðsluni STRANDFERÐSLA Vil heldur leiga enn eiga Tað liggur ikki í kort­ un­um at vit skulu keypa ella byggja eitt skip afturat til Strand­ ferðsluna, í hvussu so er ikki í fyrstu syftu. Tað sigur Henrik Old, landsstýrismaður í sam­ ferðslumálum. Sum sagt í hinari grein­ini hevur Strand­ ferðslan latið honum eitt uppskot um tvey skip, ið Strandferðslan kundi hugsað sær at havt at tikið til og brúkt til sigling ymsastaðni í landinum, har tørvur verð­ur ár tí. Í eini stuttari við­ merk­ing sigur Henrik Old, at fyribils liggur tað ikki í kortunum, at byggja, ella at keypa eitt skip. Hinvegin ásannar hann, at Strandferðslan hevur harðliga brúk fyri einum skipi afturat. Men hann er meiri sinnaður at langtíðarleiga eitt skip, í hvussu so er í fyrsta umfari, heldur enn at byggja ella keypa eitt nýtt skip. – So kann støðan eft­ir­metast tá ið ein tíð er farin, og vit hava sæð, hvussu tað hilnast, leggur hann afturat. Serstakliga er hann hugaður fyri at einum skipi sum tí norska, ið Strandferðslan hevur skotið upp, og sum hev­ ur bæði krana og dekk. Sostatt kann tað veita útoyggjafólki eina nógv betri tænastu, enn eitt skip við ongum krana og ongum dekki. Henrik Old, landsstýris­ maður í sam­ferðslu­ málum VÆL ÚTGJØRDUR Norski báturin, Strandferðlsan heldur, hevði verið væl hóskandi, hevur krana og dekk, so at hann kann føra ein bil, ella tveir, ella smærri landbúnaðarmaskinur MINNI OG BÍLGARI Íslendski báturin er minni og bíligari enn tann norski Tað er eitt sindur misskilt at kalla hetta fyri avloysaraskip