hósdagur 15. juni 2017síða 15

FRÍGGJADAGUR 16. JUNI 2017 SOSIALURIN 69 15 Tað ringasta er øll tey fólkini man missir – Tá man fer hvør til sítt, er tað eitt stórt netverk av fólki, sum man missur samstundis. Tað kennist ógvuliga svárt, sigur Sveinur Tróndarson BARBARA HOLM Tíðin aftaná hjúnaskilnaðin er hørð. Einamest tí, at tann vegurin ein gekk á, brádliga endar. Og tá vegurin endar og kósin má broytast, eru fleiri bond, sum skulu klippast. Summi í einum og summi yvir tíð. – Tann harðasti parturin er, at tú hevur umgingist fleiri fólk gjøgnum mong ár. Men aftaná hjúnaskilnaðin verður alt kvett av og tað leggur eitt tómrúm eftir sær, sigur Sveinur Tróndarson. Tá er umráðandi at hava í huganum, at tað er neyðugt at fyrihalda seg til tómrúmið. – Eg haldi ikki endeliga man skal leggja okkurt í tómrúmið. Man er meira noyddur at arbeiða við tí tómrúmið, sum man ivaleyst hevur ilt av fyrstu tíðina, sigur Sveinur Tróndar­ son. BARBARA@SOSIALURIN.FO Tíðin aftaná skilnaðin – “Bið tey, sum koma við ráðum, halda kjaft og fara avstað”. Tað plagi eg altíð at siga við tey, sum fara ígjøgnum ein hjúnaskilnað. Tí man kann bara gera tingini upp á sín egna máta, út frá sínum egnu fortreytum, sigur Sveinur Tróndarson. Kortini hevur hann nøkur ráð, sum hann heldur kunnu vera góð fyri onkran. – Finn tær fólk at tosa við, sum tú hevur álit á. Leita til tey nærmastu og fá teirra stuðul. – Tá tú so hevur onkran at tosa við, syrg fyri, at tey lurta eftir tær og tú ikki lurtar eftir teimum. Tí tú hevur tørv á at tosa um støðuna. – Bið tíni nærmastu um at royna at skilja tína støðu og tínar tankar og kenslur. – Tú kanst leita tær hjálp hjá einum óheftum parti – einum sálarfrøðingi til dømis. – Minst til at geva øllum rundanum tíð at arbeiða seg burturúr skelkinum og sorgini. Nøkur ráð til tey sum skulu skiljast Í og við, at tað eru fleiri hjúna­ skilnaðir í Føroyum, eru tað eisini fleiri samansettar familj­ ur, sum innihalda míni børn, tíni børn og okkara børn. Sveinur og Annika hava átta børn í mill­ um sín, men eingi børn sam­ an. Sveinur Tróndarson hevur nakrar royndir við sær um, hvussu ein roynir at fáa saman­ settar familjur at rigga. – Hav virðing fyri øllum í familjuni og legg teg skerflatan í byrjanini, tá ið tú heldur tað er neyðugt. – Ikki tvinga tínar reglur ella tínir mátar at gera tað upp á, niður yvir høvdið á øllum hinum, tí allar familjur hava sín máta og tað skal virðast. – Tosa pent um fyrrverandi makarnar. – Viðurkenn fyri børnunum, at støðan ikki altíð er so løtt. Tosa við tey um tað, tey føla og uppliva. Nøkur ráð til tær saman­settu familjurnar Betri fyri børnini at man er eydnusamur BARBARA HOLM Sveinur Tróndarson eigur fýra børn, harav trý eru biologisk. Unnusta hansara eigur fýra børn eisini, so millum teirra hava tey átta børn. Sveinur veit, hvat ein skiln­aður kann gera við børnini. Men hann er sannførdur um, at tað, sum man leggur í børnini, um man livur ólukkuliga saman fyri teirra skuld, er verri enn skilnaðurin. – Eg haldi tað umráðandi er, at man tosar við børnini um støðuna. At man alla tíðina greiðir frá og lurtar eftir teirra tankum, sigur Sveinur Tróndarson og vísir á eitt, sum hevur størstan týdning. – Man noyðist at tosa um hin partin á ein virðiligan og kær­ leiks­fullan hátt frammanfyri børn­unum. Tað ringasta er, um man tosar ljótt ella neiligt um hin partin. Tað er synd fyri børnini, um tey kenna seg noydd at verja ein av foreldrunum heima hjá hinum foreldrinum, sigur Sveinur Tróndarson. Hann er tó eisini vitandi um, at tað er ein stór sorg hjá børnunum, tá ið foreldur fara hvør til sítt. Tí tey fara altíð at verða splittað so ella so. – Tað er hart hjá teimum, at tey so missa annað foreldri alla tíðina. Tí tað er jú tað tey gera, sigur Svein­ ur Tróndarson. Hann ger greitt, at hann hevur ongar fakligar førleikar at meta um tað, men hansara royndir eru, at tosar man við børnini um støðuna, so skulu tey nokk koma heilskapað burturúr einum skilnaði. – Eg haldi ikki, at man kann vera saman fyri børnini. Tí tvey ólukkulig foreldur saman er ein ringur koktail. Og hóast man upp á ein máta missur foreldrini eitt sindur, tá ið tey fara hvør til sítt, so fær man kanska eisini tvey betri foreldur, um tey tá eru eydnusom, sigur Sveinur Tróndarson og stað­ festir, at hann tekur so hjartaliga synd í teimum, sum velja at liva ólukku­liga alt lívið. – Tað kann ikki vera rætt, at man skal gera tað móti sær sjálvum og sínari familju, sigur hann. BARBARA@SOSIALURIN.FO Skal man halda saman við maka sínum, fyri skuldina hjá børnunum? Nei er svarið, um tú spyrt Svein Tróndarson. - Tí ólukkulig foreldur fara altíð at seta neilig fingramerki í børnini, sigur Sveinur Tróndarson