mánadagur 19. juni 2017síða 4

Mánadagur 19. juni 2017 · Nr. 70 4 Sosialurin Hugskot og viðmerkingar – send sms til 225000 UNDIR FÝRA EYGUM Hvør er tín yndislutur? – Fyri nøkrum døgum síðani fóru innbrotstjóvar avstað við mínari teldu, og tí havi eg júst nú einki at skriva við. Tíbetur liggja míni handrit ikki á telduni, sum bert verður nýtt sum skrivireiðskapur. So eg ynski mær mest av øllum eina nýggja teldu, og hon er ávegis. Hvat land kundi tú hugsað tær at vitja? – Tað veldst um, hvat endamálið við ferðini skuldi verið. Tað kundi verið ein sólferia á grikskari oyggj við unnustuni og børnunum og bara slappa av. Tað kundi eisini verið ein stórbýarferð í Firenze, har mann kann vassa í áhugaverdum ferðamálum. Ella tað kundi verið við einum ryggsekki runt í Europa – tað hevði helst blivið tað mest minniliga av øllum. Eyðun Klakstein Fyri 20 árum síðani møtti Andrias Andreasen av Sela­ trað einum vinmanni á ólav­ søku. Hann var fluttur til Sønderborg at búgva og bað Andrias koma at vitja seg. Tá hevði Andrias siglt við Oknini í eitt ár, men hevði hug at royna okkurt annað. Hann keypti sær einvegis ferðaseðil til Danmark, fór at vitja vinmannin, og so varð hann hangandi í Danmark. Síðani hevur hann búð í Sønder­borg, har hann hevur etablerað seg við familju og arbeiði. Í januar mánaði útgav hann sína fyrstu skaldsøgu, sum er ein myrkur og ræð­ andi thrillari, sum kallast Lurian. – Eg havi altíð havt brúk fyri at úttrykkja meg og at skapa. Eg havi gjøgnum árini skift eitt sindur ímillum tón­ leik og skriving, og bæði geva mær nakað, sum eg havi tørv á. Eg hevði ikki tankar um endi­liga at geva nakað út, men tá ið eg hevði skrivað Lurian, royndi eg at senda handritið til eitt forlag, og tey vildu geva tað út, sigur Andrias Andreasen. – Skrivingin hevur í grund­ini altíð verið har, men ser­liga eftir at eg flutti til Dan­markar, fór eg at skriva meira. Eg havi eisini spælt nógv tónleik, og í báðum før­ um hevur motiva­tiónin hjá mær verið, at eg vil skapa nakað, sigur hann. Skrivar um morgunin Andrias Andreasen er út­ búgvin sosialpedagogur, og hann hevur í nógv ár starv­ ast á sosiala økin­um í Sønd­ er­borg – mill­um tey sosialt út­settu. Hann og danska unnust­ an eiga trý børn, sum eru 3, 8 og 11 ára gomul, og í meldri­num av familjulívi og arbeiðs­tímum roynir Andri­ as at finna pláss til at skriva. – Eg skrivi vanliga tíðliga um morgunin. Ofta fari eg upp klokkan fimm um morg­unin, og so skrivi eg í tveir tímar, áðrenn restin av familj­uni vaknar. Tað passar mær best at skriva um morgunin, tí tá kenni eg meg frískan og havi orku. Tá ið eg havi verið ígjøgnum ein arbeiðsdag og brúkt tíð saman við familj­uni, havi eg ikki orku til at seta meg at skriva um kvøld­arnar, sigur Andrias Andrea­sen. – Eg royni at skriva hvønn dag, tí tá gongur tað best at skriva. Um eg ikki skrivi í ein mánað, so skal eg brúka tíð til at skriva meg í gongd aftur. Tað besta er at vera í tí alla tíðina, tí tá kemur mest burturúr, og tá kenni eg á mær, at tað glíður best, sigur hann. Myrk søga Andrias Andreasen hevur skrivað mangt og hvat, og tað var eitt sindur tilvildarligt, at hansara fyrsta útgivna verk varð ein thrillari. Lurian er ein blóðug spenningssøga, sum fylgir einum seriu- dráps­mánni. Umhvørvið er myrkt og hart, og til tíðir kunnu detaljurnar tykjast ógvus­ligar at lesa. – Fyri nøkrum árum síð­ ani læs eg bara krimi-bøk­ur, og mær dámar væl krimi- søgur, har tær myrku síður­ nar koma til sjóndar. Eg haldi, at tað manglar ofta í krimi­søgunum, og eg vildi royna at skriva eina myrka spenn­ings­søgu, og tað bleiv til Lurian. Eg havi eisini havt onnur hugskot, men nú bleiv tað fyrst til hetta, sigur Andrias Andreasen. – Eg fái ymiskar reaktión­ ir upp á bókina, tí í støðum er hon rættiliga ógvuslig og blóðug. Summi siga, at tað er ov nógv av tí góða, meðan onnur dáma júst tað væl. Hann hevur við bókini roynt at seta seg inn í, hvussu ein psykopatiskur dráps­ mað­ur hugsar og agerar. – Tað er spennandi at skriva í einum myrkum umhvørvi og royna at skilja, hví onkur fólk kunnu gera nakað so ræðuligt, sum at drepa onnur fólk, sigur Andrias Andreasen av Selatrað, sum seinastu 20 árini búð í Sønderborg. Hann hevur nú givið sína fyrstu ræðandi og blóðugu skaldsøgu út, har hann fylgir einum ísakøldum drápsmanni ANDRIAS RÆÐIR SÍNAR LESARAR UM Andrias Andreasen Andrias Andreasen er av Selatrað. Eftir eitt ár til skips flutti hann fyri 20 árum síðani til Danmarkar at búgva. Hann hevur útbúgving sum sosialpedagog og hevur starvast á tí sosiala økinum í nógv ár. Hann býr saman við Karinu, og tey eiga trý børn. Tey búgva í Sønderborg. Trillarin »Lurian« er fyrsta skaldsøgan hjá Andriasi. Hann skrivar nú uppfylgjara til bókina umframt annað. Lurian er ein ræðandi og blóðug spenningsøga, sum gevur lesarunum eina kenslu av avmakt og andstygd