hósdagur 29. juni 2017síða 12

FRÍGGJADAGUR 30. JUNI 2017 SOSIALURIN 75 12 TEMA: Grindadráp ANNIKA KUNOY IM ANNIKA@SOSIALURIN.FO K aj Leo Holm Johannesen skrivaði 17. juni 2017 á Face­book vanga sínum: – Hví skulu føroyskir fjøl­miðlar vísa myndir frá sjálvum dráp­inum av grindahvali. Eg haldi, at tað er skeivt. Okkara land hevur eis­ini nøkur áhugamál, tá talan er um útflutning. Áhugamálini, sum Kaj Leo Holm Jo­hanne­sen tosar um, er sølan av fiski úti í heimi. – Eg tosi um okkara lívs­grund­ ar­lag sum land. Í Føroyum hava vit ein útflutningsbaseraðan búskap, og tað er vitalt fyri landið, at onki skað­ar okkara útflutning. Tí skal man vísa hógv mitt í drápinum, tá tað er nógv blóð, og tá feilir kunnu henda, staðfestir hann. Óneyðugt at varpa ljós á drápið – Eg veit, at vit hava rættin á okk­ ara síðu, og tí er ikki neyðugt, at markn­aðarføra drápið. Tað er onki tíð­indavirði í eini heilari myndarøð av einum drápi, tí vit hava altíð drip­ið grind, vit hava hagtølini og hava onki at goyma, sigur hann. – Eg skilji tað faktiskt ikki, tí eg veit, at nógv størri partur av okk­ ara keyparum verða frástoytt, tá vit marknaðarføra drápið hvørja ferð tað er, leggur hann afturat. Mugu hugsa okkum um Kaj Leo Holm Johannesen, leggur dent á, at hann ikki heldur, at nak­ að forboð skal setast fyri hvørki myndatøku ella deiling av mynd­ um. – Eg snakki ikki um forboð, men um at vit hugsa okkum um eina eyka ferð, áðrenn vit leggja harð­ lig­ar myndir út, sigur hann. Hann vísir á Danmark sum dømi, ið hevur veldig áhugamál í grísa­út­flutningi, tí har sleppur ong­in inn í slát­ur­húsini at taka mynd­ir með­an slátr­að verður. Or­ søk­in er, at tað ikki er natúrligt fyri fólk úr øðr­um lond­um – og serliga stór­bý­ar­menn­iskju – at síggja djór verða drip­in, og tað vekir áhuga á ein heilt annan hátt, enn tað ger hjá okk­um føroyingum. Vinnan verður ávirkað Sjálvur hevur Kaj Leo Holm Jo­ hanne­sen arbeitt nógv ár við sølu av fiski, áðrenn hann bleiv virk­in í politikki, og hann sigur seg vita við vissu, at sølan av fiski verð­ur ávirkað av myndum av grinda­ drápi. – Stórar fyritøkur og keyp­ara­ lond lata seg ávirka av slíkum, sig­ ur hann. – Tað er hent fleri ferðir, og tað er ongin ivi í, at tað hevur ávirkan, legg­ur hann afturat. Hann nevnir týskarar, ong­lend­ ingar og amerikanarar sum fólka­ sløg, ið fáa serliga ilt av mynd­unum av sjálvum grinda­dráp­inum, og legg­ur afturat, at hóast talan er um stór lond, so skulu vit føroyingar ikki bakka ein tumma, tá talan er um sið­venju okkara at drepa og eta grind. Tó, so er munur á at bakka og at provokera við vilja. – Vit skulu sjálvandi halda fast í rætti okkara at brúka tilfeingi, sum vit hava, men vit skulu eisini vísa ábyrgd, tá vit vita, at tað sum vit leggja út ávirkar tey, sum keypa okk­ara fiskavøru. Tí haldi eg, at tað er óneyðugt at blaka so nógvar mynd­ir út, tá tað skaðar okkara áhuga­mál, staðfestir hann. – Eg trúgvi ikki, at út­flutn­ing­ur­ in av fiski nakrantíð steðgar, held­ ur ikki tí vit drepa grind, men vit skulu vera varin við teimum mynd­ un­um, sum vit vísa, sigur hann. Umráðandi ikki at seta forboð Hóast Kaj Leo Holm Johannesen held­ur, at tað er óneyðugt at myndir verða vístar av grinda­drápi, so heldur hann ikki, at miðl­ar­nir skulu noktast í at leggja tær mynd­ ir­nar út, sum teimum lyst­ir. Hann heldur, at tað er um­ráð­andi ikki at seta forðingar fyri talufrælsi, men vís­ir enn einaferð á, at miðlarnir, eins og onnur, skulu hugsa seg væl um og hava í huga, hvat kann skaða landsins áhugamál, áðrenn tað verður lagt út. – Mær vitandi sortera fjølmiðlar hvønn tann einasta dag í øll­um møgu­lig­um øðr­um við­ur­skift­um, so hví ikki eisini í hes­um, spyr hann. – Tað, sum sorterast skal í, eru mynd­ir av sjálvum drápinum, og tað snýr seg bert um nakrar fáar min­utt­ir, júst tá blóðið sprænir. Hvat er tíðindavirði í einum grinda­ drápi, tá vit hava dripið grind síð­ ani ár 1500, spyr hann aftur. Spurdur um miðlarnir hava ábyrgd av at hugsa um, hvussu tíð­inda­flutningurin ávirkar út­ flutn­ing­in av fiski í Føroyum, sig­ur hann, at miðlar, eins og øll onn­ur, hava ábyrgd av at hugsa um lands­ ins áhugamál, men leggur afturat, at fjølmiðlarnir sjálvsagt sjálvir meta um, hvat verður lagt út og ikki. – Politikkarar, fjølmiðlar og øll onn­ur skulu hugsa seg eyka væl um, áðrenn drápsmyndir verða send­ar út í heim, tí alt verður miss­brúkt ímóti okkum, staðfestir hann. Útheimurin sjokkeraður Kaj Leo Holm Johannesen hevur av áhuga fylgt við í slíkum tíð­ inda­flutningi, og hann heldur, at vit føroyingar eru blivnir betur til at sort­era ófantaligar myndir frá. – Eg havi fylgt við av áhuga, og tosað við stórar fyritøkur, sum hava verið raktar av slíkum mynd­ um. Tað vísir seg, at bæði fyritøkur, sum keypa vøru okkara og kundar teirra reagera uppá myndirnar. Fyri tey flestu er ongin munur at síggja mynd av eini bumbu, sum sprongd verð­ur í Baghdad, og at síggja mynd av einum grindadrápi. Hjá teimum er tað ræðuliga ógvusligt at síggja, og nógv eru totalt sjokkeraði. Hann heldur, at vit mugu hava í huga, at fólk úti í heimi, sum ikki – Hví skulu føroyskir fjølmiðlar vísa myndir frá sjálvum drápinum av grindahvali, spyr Kaj Leo Holm Johannesen, sum heldur, at myndir av sjálvum drápinum eru óneyðugar, og vit øll – politikkarar og fjølmiðlar við – hava ábyrgd av lívsgrundarlagnum í samfelagnum, sum er útflutningur av fiski Myndirnar skaða útflutningin UMHEIMURI SJOKERA