hósdagur 6. juli 2017síða 10

FRÍGGJADAGUR 7. JULI 2017 SOSIALURIN 78 10 Danjal av Rana U mfatandi skaðar eru á útvegg­in­um á Boða­ nes­heiminum. Tað sæst í kanningum, sum Arti­con hevur gjørt í samband við umvælingar. Kanningarnar vísa, at fuktur er staðfestur í tak­ kon­struktiónini og at lekar eru rund­an um vind­eyg­uni. Lekarnir hava gjørt um­fat­andi skaða á gips­ pláturnar í útvegginum. Í samband við, at Articon, sum bygdi Boðanesheimið, gjørdi ábøt­ur á tekjuni, blivu partar av tekjuni tiknir upp. Tá vísti tað seg, at konstruktiónin var vát. Stikk­ prøv­ar vórðu tiknir aðra­staðni í tak­inum og hesir vóru eis­ini rá- og vátligir. Kommunan heitti tí á Martin E. Leo sp/f at gera kann­ing av takinum. Boðanesheimið er eitt eldra­bú­ pláss, sum liggur yviri við Strond í Havn. Fyrstu av teimum 64 bú­fólk­ un­um fluttu inn í desembur 2012. Albert Isfeld og Gudmund Hansen teknaðu húsini. Boðanesheimið kostaði 130 milli­ónir krónur. Tað var fíggjað við millum annað at hækka skattin í Tórshavnar kommunu í eitt pro­ sent tey trý árini, byggingin fór fram. Skatturin bleiv tó ikki lækk­ aður niður á sama støði aftur fyrr enn seinast í 2015. Tekja og gipsplátur vátar 21 fuktroyndir vórðu tiknar 21 ym­ isk støð á tekjuni. Í nýggju av roynd­ unum var fuktinnihaldið hægri enn mest loyvda í eini takkonstruktión. Ráðgevandi verkfrøðingarnir siga, at trupulleikin við ov fuktigari bjálving er millum annað tann, at bjálvingarvirði versnar. Tískil eigur hetta at umvælast, mæla ráð­gevandi verkfrøðingarnir til. Teir viðmerkja eisini, at væntast má, at fuktinnihaldið er ov høgt aðra­staðni í tekjuni eisini. Á yvir­ lit­inum yvir hvar royndirnar eru tikn­ar sæst, at royndirnar við ov nógvum fukti eru spjaddar um alt takið. Articon varnaðist eisini, at lekar vóru rundan um vindeyguni og tók tí átta royndir inni á ymiskum kømurum fyri at vita, um fleiri lekar vóru. Articon skrivar til kommununa, at tað var heilt vátt í tveimum støðum, men at gipspláturnar næstan alla staðni eru eitt myrkar. Fakfólk, sum Miðlahúsið hev­ ur tosað við, halda ikki, at fukt­ innihaldið í takinum er nak­ar stórvegis trupulleiki. Víst verð­ur á, at tekjan er løgd uttan á kon­ struk­tiónina, so at fukt og annað í bjálv­ingini á tekjuni ávirka ikki kon­struktiónina. Tað er týdn­ ingarmikið at fáa bøtt um tætt­ leikan á tekjuni, men mest fyri at bøta um bjálvingina hjá bygn­ing­in­ um. Eisini letur til, at talan er um lokalar lekar. Lekarnir rundan um vindeyguni tykjast vera ein størri trupulleiki. Hesir hava ført til, at gipspláturnar hava tikið skaða og eru blivnar myrkar. Her siga fakfólk, at tað er eyðsæð, at fasadan ikki hevur tað gott. Eingin ivi er um, at hetta krevur nærri kanningar. Tekjan er vát, tað lekur rundan um vindeyguni og og gipsplátur inni á kømrunum eru somuleiðis vátar. Fimm ár eftir bygging hevur Boðanesheimið stóran tørv á umvælingum. TEMA: Byggigølur Boðanesheimið BYGGIÁR: 2012 ARBEIÐSTAKARI: ARTICON VÍDD: 5.500 M2 PRÍSUR: 130.000.000 KRÓNUR MANGLAR: FUKTUR, LEKAR. BOÐANESHEIMIÐ HÝSIR 64 BÚFÓLKUM VIÐ ELLISBREKUM OG VARANDI SJÚKUM, SUM HAVA TØRV Á RØKT. Her sæst, at væta er í konstruktiónini. Bjálvingarullin er vát og gipspláturnar inni í kømurunum vísa týðiligar fuktskaðar. FRAMSÍÐAN HEVUR TAÐ IKKI GOTT Tekningin vísir, hvar royndirnar á takinum eru tiknar. Reyðu og appelsinlittu royndirnar eru vátari enn loyvt er.