mánadagur 10. juli 2017síða 5

5 Mánadagur 6. januar 2014 · Nr. 2 Sosialurin Hugskot og viðmerkingar – send sms til 225000 Mánadagur 10. juli 2017 · Nr. 79 Danjal av Rana Fýra av størstu kommunalu byggi­verkætlanunum í Havn í nýggjari tíð vísa seg nú at hava trupulleikar við fukti, lek­um, roti og soppi. Í Fimi, fimleikahøllini í Gunda­dali, lekur vatn útifrá og inn, tá tað regnar. Hetta hevur við sær, at veggirnir í trappuskaktini eru vátir og málingin dettur av. Í skúlanum á Argjahamri er takkonstruktiónin vát. Tróður­pláturnar torna ikki sum tær eiga, heftini at festa tær við eru rustaðar og eing­ in útlufting er aftan fyri klædn­ingin. Hetta hevur við sær, at í nøkrum støðum er tjúk­ur blámusoppavøkstur og rot á klædninginum. Í skúalnum við Løg­ manna­breyt er líkt til at ein stórur partur av klædn­ing­ inum má gerast umaftur, tí ei heldur har er nøkur út­ lufting aftan fyri og tað hev­ ur ført til soppavøkstur og rot í fleiri støðum. Á Boðanesheiminum, eldra­býlinum yviri við Strond, er tekjan vát í fleiri støðum og tað lekur rund­an um vindeyga í fleiri kømur­ um. Felags fyri hesar fýra byggi­verkætlanirnar er, at tær allar eru lutfalsliga nýggjar. Tann elsta, Skúlin við Løgmannabreyt, er frá 2008. Tilsamans hava tær kostað Tórshavnar kom­ munu 554 milliónir krónur at byggja. Men longu nú er líkt til, at meirútreiðslur fara at standast av bygningunum. Fuktur er tó ikki nakar nýggjur trupulleiki í Før­oy­ um. Miðlahúsið hevur saml­ að ein lítlan lista yvir aðrar verkætlanir, sum hava havt trupulleikar við lekum, fukti, soppavøkstri og roti. Kommunuskúlin Í 2011 staðfestu kanningar av Kommunuskúlanum, at stórir trupulleikar vóru av soppa­vøkstri, fukti og inni­ klima í bygninginum. Skúl­in bleiv stongdur sama summ­ ar og næmingarnir spjaddir um í øðrum hølum í býnum. Kommunuskúlin var tann fyrsti av teimum stóru skúlu­ num í Føroyum og varð vígd­ur í 1957. Hann virkaði sum skúli fram til 2011. Upp á tað mesta, mitt í 60’árunum, hoyr­du 1.200 næmingar til skúlan. Seinastu árini hev­ur nógv kjak verið um, hvør lagna skúlans skuldi vera, men eftir umfatandi um­ væl­ingar er Bústaðir umsíðir far­ið at gera 37 nýmótans lestrar­íbúðir í skúlanum, sum hevur skift navn til Fin­sen. Løgreglustøðirnar Í 2011 mátti løgreglan flyta úr løgreglustøðini á Jónas Broncks gøtu í Havn, tí blámu­soppur varð staðfestur í bygninginum. Hon flutti tí yvir í ein bygning yvir við Strond, men í 2013 varð blámusoppur eisini stað­fest­ ur í nýggju hølunum. Síðani hevur løgreglan leitað eftir nýggjum hølum og nú er av­ gjørt, at gamli Føroya Banki í Húsagøtu, skal gerast til nýggja løgreglustøð. Men hvat – í januar í ár kom fram, at gjóst­ur, lekar, fuktur og blámu­sopp­ur eisini eru í gamla banka­ bygn­inginum í Húsagøtu. Skúladepilin í Hovi Tá skúladepilin í Hovi stóð liðugur at taka í nýtslu í 2009, kostaði hann 74 milliónir krónur, 14 millión­ir krónur meiri enn kostnaðarmetingin hjá Land­verki. Tað gekk tó ikki long tíð fyrr enn umfatandi byggi­sjusk bleiv stað­fest í skúlanum. Kost­naðar­ met­ingin fyri um­væl­ingar­ arbeiðið var eini 15 milliónir krónur, so samlaði prísurin á skúla­num fór at nærkast 90 millión­um. - Miðnámsskúlin í Hovi er illa bygdur og eftirlitið við bygg­ingini var ov vánaligt, skrivaði Majken Johansen, løg­frøðingur, sum løgtingið setti sum kanningarstjóra at kanna verkætlanina í Hovi, í 2012. Byggisjuskið í Hovi var so umfatandi, at tað var ikki fyrr enn í novembur 2014, at um­vælingin var liðug. Klæðingin á útveggunum mátti takast niður aftur og umvælast heilt inn til damp­ sperruna, og síðani setast upp­aftur. Aðrir skúlar, fongdir við blámu­soppi eru Studenta­ skúlin á Kambsdali, Stud­en­ ta­skúlin í Hoydølum, Skúl­in á Ziskatrøð og Mið­vágs og Sanda­vágs skúli. Harumframt hevur blá­ mu­soppur verið stað­festur í Eirargarði 16, hjá Føroya Skipara- og Navigatør­felag í Jekaragøtu 10, í Rús­drekka­ sølu Landsins á Smyrilsvegi og í Taks á Smyrils­vegi. SOPPURIN ER EIN AFTURVENDANDI TRUPULLEIKI Hetta er ikki fyrstu ferð, at blámusoppur ger um seg á føroyskum skúlum og øðrum almennum bygningum SOPPUR Skúladepilin í Hovi mátti umvælast fyri 15 milliónir krónur eftir umfatandi byggisjusk undir bygging Í 2011 máttu øll skúlabørnini í Kommunuskúlanum flytast í onnur høli, tí at skúlin var so illa fongdur av blámusoppi Løgreglan mátti fara úr gomlu støðini (ovast) í 2011, tí tjúkkur blámusoppavøkstur var í bygninginum. Í 2013 varð blámusoppur staðfestur í nýggju støðini (mittast), og longu áðrenn løgreglan er flutt inn, er soppur staðfestur í komandi løgreglustøðini (niðast)