týsdagur 22. august 2017síða 11

11 Mikudagur 23. august 2017 · Nr. 97 Sosialurin Hugskot og viðmerkingar – send sms til 225000 KJAK Hevði væntað mær meira Tilboðið frá Atlantsflogi er neyðugt Heðin Mortensen býráðslimur Nú skjótt átta mánaðir eru farnir, síðani nýggjur meiri­ luti tók við í Tórshavnar bý­ ráð, má tíverri staðfestast, at talan hevur verið um eitt aft­ ur­stig fyri og annað eftir. Rok og ósemjur hava myndað komm­un­una bæði úteftir og inn­eftir, og ótryggleiki og rok millum borgarar er úr­slit­ið. Nýhugsan er púrt eing­in! Málini, sum eru farin eft­ ir liðini, hava verið nógv í tali. Fyrst var tað ætlanin hjá NCC at gera ein skúrbý við Vel­ba­stað­vegin til 40 arb­eiðs­fólk, sum bleiv slept, tá mót­mæli komu. So var tað inn­koyringsvegurin til Havn­ina, ið brádliga ikki kundi brúkast, og í staðin skuldi tunnil borast fyri 300 milli­ón­ir krónur, men eisini tann ætlanin bleiv slept, og nú skal so aftur gerast vegur. Síðani bleiv sáttmáli gjørd­ur við tunnilsfelagið og NCC um grót úr Eyst­ur­oy­ ar­tunl­in­um, men hesin sátt­ máli er ongantíð samtyktur av býráðnum – og hartil royn­ir núverandi meiriluti at skylda upp á gamla meiri­ lut­an, hóast núverandi bý­ ráðs­leiðsla eigur hetta mál við høvd og gørnum! Virða ikki bygdirnar Oman á tað heila, hava tær syrgt fyri, at alt hetta grótið úr Eyst­ur­oyartunlinum skal koyr­ast inn á Sund, har fjør­ an verður oyðiløgd fyri at rúma eini grót­rúgvu, eing­in ætlan ann­ars er fyri. Ei und­ ur í, at kaldbaksfólk ilsk­ast og kenna seg illa viðfarin, tí bý­ráð­ið hevur slett ikki viljað hoyrt tey og teirra mót­mæli. So var tað Nóls­oy­ar­sigl­ ing­in, har eitt eyka gjald brád­liga mátti leggj­ast á Strand­ferðsl­una mitt í ár­in­ um, so tað var um reppið at kost­að nólsoyingum ein túr. Sjálv­andi var alt á gosi, og tí­ bet­ur kom so ein loysn, har komm­un­an bakkaði, so túr­ ur­in ikki verður mistur kort­ ini. Men rumblið kundu vit gott verið fyriuttan! Heldur ikki fólkið í Hesti er slopp­ið undan, tí har blóm­ar bý­ráð­ið við síni líka­ sælu, nú brúk er fyri økt­um túra­tali, so ungfólk kunnu trív­ast í oynni. Tá nú hes­ in bý­ráðs­meiri­lut­in skal kopi­era alt, sum vit gjørdu í gamla meirilutanum, mátti ver­ið upp­lagt at hildið fram við arb­eið­in­um at samráðast við Strand­ferðsluna um ein morg­un­túr aftrat. Óseriøsitetur Sjálvandi er neyðugt hjá ein­ um nýggj­um meiri­luta at mark­era seg – og kanska ikki minst, tá tú tek­ur við eftir ein so ser­stak­liga virknan meiri­luta, sum í 12 ár hevur fing­ið eina rúgvu av skafti. Tað, sum ørkymlar mest, er at tal­an alla somlu tíðina er um heita luft, tí einki hevur ver­ið lagt fyri býráðið av tí, ið verð­ur sent upp. Her snýr alt seg bara um at flyta fokus og einki annað. At býráðið brádliga vil hava gongd á íbúðarbygging og ætl­ar, at arbeiðarafeløg, bank­ar og onnur skulu fíggja, er eitt sindur løgið, tí tað er í grundini nakað, borg­a­r­stjór­in og meirilutin einki hev­ur við at gera. Og so oman á tað heila at krevja, at íbúð­ar­bygg­ing skal fremjast eft­ir einum ári, er tað reina tvætl. Annika Olsen var sjálv lands­stýr­is­kvinna, tá eldra­ øk­ið varð smoygt niður yvir høvd­ið á kommununum, so tað hevði klætt henni at víst eitt sind­ur størri eyðmýkt, tá hon nú sum borgarstjóri úttalar seg um júst hetta øki. At sleingja um seg við leys­ um tank­um um at byggja fleiri ell­is- og røktarheim er bein­leiðis óseriøst, tá hetta onga­staðni er viðgjørt í bý­ ráð­n­um yvirhøvur! Havnin sovnar Men hvat hevur so bý­ráðs­ leiðsl­an gjørt? Hvat er komið burt­ur­úr? Nei, ikki tað stóra, má tí­verri ásannast, tí hesar fyrstu skjótt átta mánaðirnar av hes­um skeiðnum hevur ver­ið rok um eina rúgvu av mál­um, samstundis sum einki innihald hevur verið í nøkr­um. Henda býráðssamgongan setti sær annars høg mál, og tær vóru ikki so lítið bragd­ lig­ar, tá tær løgdu sam­gongu­ av­tal­una fram. Men veru­ligu uppgávurnar verða slett ikki loystar og úrslit eru púrt eingi! Tvørturímóti hevur talan bara verið um nakr­ar ússaligar royndir at kopi­ era undanfarna býráð, sam­ stund­is sum bara tað er sett í gongd, sum undanfarna bý­ ráð longu hevði avgreitt. Hetta er bæði synd og skomm fyri okkara høv­uðs­ stað, tí alt hetta keglið í ger­ and­is­deg­num, fjølmiðlum og á heima­síðuni hjá býráðnum gagn­ar ongum. Havnin eigur at lyfta seg upp um sovorðið, og eg má tíverri staðfesta, at eg hevði veruliga væntað mær meira enn hetta! Meðan vit bíða, noyðast borg­ar­ar­nir at klóra sær í nakk­an­um og spyrja seg sjálv­ar, um býráðið er til fyri teirra ella sína egnu skyld, tí eingin kann liva við, at Havn­ in spakuliga verður rurað í svøvn. Sjúrður Skaale Undir øsingini farnu dag­ar­ nar hava fleiri spurt hvørji fólk­ini eru, sum hava fingið nýggja kortið frá Atlantsflog. Í Degi & Viku í kvøld kom so eitt navn á - mítt. So eg skal stutt forklára hví eg havi sagt ja takk – og hví eg ikki bara haldi tað, At­ lants­flog ger, vera rætt, men eis­ini neyðugt. At fáa ókeypis rundstykki hev­ur ongan týdning. Og eg drekki ikki í flúgvaranum. At fáa tvey kuffert við hevur held­ur ongan týdning – eg havi aldrin nakað kuffert. Giti at hetta heldur ikki hev­ur týdning fyri hini, sum hava fingið kortið. Tað sum HEVUR ein viss­an týdning er, at eg við nýggja kortinum sleppi und­an køini í lufthavnini Kas­trup. At sleppa undan henni hevur ongan sum helst týdning fyri tann, sum ferðast eina ella tvær ferðir um árið. Null. Men hjá mær kemur tað væl við, tí um várið og heystið flúgvi eg ofta heim eina ferð um vik­ una. Sum er nú má eg altíð fara í øgi­liga góðari tíð av kont­ ór­in­um á Christi­ans­borg, tí eg veit aldrin hvussu long henda góða bíðirøð er. Nú kann eg arbeiðsdagurin ár kont­ór­inum vera út ímóti ein­um tíma longur. Hetta er kanska ein luk­ us­trupulleiki, sum verður loyst­ur – men hann verður loyst­ur. Og eg sigi ja takk. Gagnar øllum Eg flúgvi bara við At­lants­ flog, og tað haldi eg eisini, at teir flestu "frequent flyers" helst vilja. Men nógv hava eitt Euro­ bonus kort frá SAS, sum ger, at tey sleppa undan hesi góðu bíðirøð, hava atgongd til eina lounge – osv. Nu fær mann ikki longur Euro­bonus poeng við at flúgva við Atlantsflog, tí fe­ lag­ið er koyrt úr skipanini. Tvs. at vissi tey, sum hava nevndu rættindini, vilja varð­veita tey - so mugu tey skifta frá Atlantsflog til SAS. Og so missir Atlantsflog altso nakrar sera lukrativar kund­ar. Kundar, sum í mong­ um førum koyra millum 50 og 100.000 krónur inn í fe­ lag­ið árliga. Og tað gongur út yvir øll. Tí jú fleiri tey eru, sum flúgva ofta við dýrum ferðaseðlum – jú fleiri kunnu eisini flúgva við bíligum ferðaseðlum. Við nýggja skipanini kann At­lantsflog bjóða tað sama sum SAS. Tað merkir, at fleiri "fre­quent flyers" framvegis fara at velja Atlantsflog - og inn­tøkurnar frá teimum gagna øllum. Kapping Tá SAS kom søgdu nógv – sum rætt er at kapping er góð. Og kappingin er á øllum front­um – hon er eisini um teir kund­arnar, sum flúgva oft­ast og rinda mest fyri sín­ ar ferðaseðlar. SAS dyrgir eftir hesum kund­um. Sjálvandi. Vissi At­ lants­flog ikki sleppur at vera við í hesi kappingin, so tapa teir hana. Sjálvandi. Og so miss­ir felagið inntøkur. Eg veit ikki hvørjum tað skuldi gagn­að. At kortið skal eita "Merk­ ið" er kanska óheppið. Men tað verð­ur broytt, skilst. At kort­ið skal geva ókeypis mat og drekka er eisini púra óneyð­ugt. Men tað eru smá­ ting. Tað avgerandi er, at At­ lants­flog má kunna bjóða "fre­quent flyers" tað sama sum kappingarneytin. Ikki neyðugt Eg kenni meg ikki sum tað "luksus­dýr" og tann "VIPara", sum mong hava um­røtt okk­ um, sum hava fing­ið nýggja kortið. Men tað ger ger­an­ dis­dagin eitt sindur lættari – og tað ger freistingina at fara frá føroyska felagnum minni. Men tann dag eg ikki eru fólka­tingsmaður meir, havi eg ong­an sum helst tørv á has­um kortinum longur. Og vissi tann, sum tá fer at sita á fólka­tingi, fer at flúgva líka ofta sum eg, so unni eg hon­ um ella henni hjartaliga at fáa hetta kortið. Veruligu uppgávurnar verða slett ikki loystar av meirilutanum í Tórshavnar býráð, sum bara hevur gjørt nakrar ússaligar royndir at kopiera undanfarna býráð, tí nýhugsan er eingin! Jú fleiri ið flúgva ofta og dýrt, jú fleiri kunnu flúgva bíliga