hósdagur 31. august 2017síða 9

FRÍGGJADAGUR 1. SEPTEMBER 2017 SOSIALURIN 101 9 ANNIKA KUNOY IM ANNIKA@SOSIALURIN.FO V ígdis Skorheim greiðir frá, at hon væntaði, at hon fór at kenna djúpa gleði og nærleika til lítla barnið, tí tað eru tær kenslurnar, sum eru álagdar eini mammu, og sum bæði mamman sjálv og hini rundan um mammuna taka fyri givið. Hon varð tó tikin á bóli, tá hon misti alla orku og sat heima og græt meginpartin av tíðini. Hon fekk ongantíð ta hjálp, sum henni tørvaði, tí hon ikki visti, hvussu hon skuldi seta orð á stóru avbjóðingina og tunglyndið, sum nívdi hana. Nú verða allar mammur í Føroyum screenaðar, og letur tað til, at talan er um tunglyndi, so er hjálp at finna. Umráðandi er tó, at hjálpin kemur skjótt, tí so er barns burðar- tunglyndi til at fáa bilbugt við, sigur Sanne Storm, PhD. Á heimasíðuni hjá Gigni verður víst á, at umleið tíggju prosent av øllum mammum fáa barnsburðartunglyndi í samband við, at tær fáa eitt barn. Føroyskar kanningar frá 2012 vísa tó, at á leið 12 prosent av føroyskum mammum verða bólkaðar sum tunglyntar. Eitt, sum eyðkennir hesar mammur, er, at tær ofta líða í stilli og uttan at gera so nógv um seg. Hetta ger, at barnsburðartunglyndi ikki altíð verður so sjónligt, og mammurnar fáa tí ofta ikki ta hjálp, sum teimum tørva. BARNS BURÐAR TUNGLYNDI TEMA Á temasíðunum hesaferð er barnsburðartunglyndi á breddanum. Vit tosa við Vígdis Skorheim úr Klaksvík, sum stríddist við barnsburðartunglyndi í fleiri ár, eftir at hon hevði átt dóttur sína í 2011