hósdagur 28. september 2017síða 33

VINNUBLAÐIÐ HJÁ MIÐLAHÚSINUM 9 September 2017 1 – Móttøkan í Íslandi hevur verið øgiliga góð, og hava íslendskar fyritøkur tikið væl móti nýggju rutuni. Vit vóru bangnir fyri, at hetta kundi minka um farmaflutningin við Norrøni, men hon er eisini vaksin eitt fingu vit nógv meira at gera, tí Føroyar endaðu í eini serstøðu, greið­ir Rúni Vang Poulsen frá. Felagið hevði upprunaliga ikki fyrireika seg til ein slíkan vøkstur í pelagisku útflutninginum, men við russiska boykottinum av ES og Norra sóu teir møguleikarnar og tillagaðu virksemi. – Vit sóu møguleikarnar at saman­tvinna okkara verandi Ro/Ro flutning við pelagiskan flutning. Tað varð gjørt við at kombinera Hvítanes við Norrøna, og settu vit á stovn eina linju til pelagiskan fisk úr Føroyum til Russlands, sum eingin annar hevði, greiðir stjórin frá. Á íslendska marknaðin Um sama mundi sum Russland lýsti boykott móti landbúnaðar- og fiskavørum úr ES og Norra, fór olju­prísurin í botn. Fyri eitt felag sum Smyril Line, har oljan er ein av teimum heilt stóru útreiðslunum, lat tað dyrnar upp fyri at víðka um virksemi og styrkja seg til framtíðina. – Eksternu prísirnir peika í okkara fyrimun og gera tað enn. Í dag er oljuprísurin nógv lægri enn í 2010. Hetta hevur stóran týdning fyri okkum, og tí er týdningarmikið at vaksa um fyritøkuna so nógv sum gjørligt, so vit eru minni útsett fyri framtíðar broytingunum í prísinum, sigur stjórin á Smyril Line. Tað hevur millum annað ført við sær, at felagið er farið at hyggja eftir møguleikanum at fáa fótin innum ís­lendska marknaðin, og hevur við keypinum við Mykines byrjað eina rutu millum Føroyar, Ísland og Hollands. – Vit eru longu í Íslandi við Norrøni, men hava ikki verið ein serligur stórur spælari. Tørvurin er tó har, so tí hava vit keypt Mykines, ið siglir frakt millum vestursíðuna á Íslandi, Holland og Føroyar. Hóast bæði Eimskip og Samskip hava heimstað í Íslandi, so kann Smyril Line við Mykines bjóða ís­ lendingum nakað nýtt. Smyril Line er nevniliga einasta felag, ið bjóðar ein Ro/Ro tænastu til íslendingar. – Mykines hevur pláss til einar 90 trailarar og 500 bilar. Tað ljóðar nógv, men íslendingar innflyta eina rúgvu av bilum, m.a. til leigu til ferðafólk, og í dag er tað soleiðis, at allir bilar til Íslands verða fluttir umvegis bingjur. Tað er eitt sindur av arbeiði, so vit sóu ein marknað har vit kundu bjóða nakað nýtt, greiðir Rúni Vang Poulsen frá. Harumframt kann felagið við nýggju rutuni bjóða íslendskum út­flytarum av fiskavørum eina tænastu, har vøran kemur skjótari á marknaðin enn við verandi rutum, og hava íslendskir útflytarar tikið væl ímóti tí. – Móttøkan í Íslandi hevur verið øgiliga góð, og hava íslendskar fyritøkur tikið væl móti nýggju rutuni. Vit vóru bangnir fyri, at hetta kundi minka um farmaflutningin við Norrøni, men hon er eisini vaksin, sigur Rúni Vang Poulsen. Mangla gistingarhús Umframt at reka ferðafólk- og farma­flutning, so eigur Smyril Line eisini gistingarhúsið Hotel Skálavík, og um alt gongur sum ætlan, so verður Hotel Skálavík ikki einasta gistingarhúsið hjá felagnum. – Vit royna tað vit kunna at økja um ferðafólkatalið í Føroyum, men vit eru avmarkað av manglandi gist­ ingarmøguleikum í Føroyum, greiðir Rúni Vang Poulsen frá. Tí hevur felagið hugt at møgu­ leikanum fyri at byggja nýtt gist­ ingar­hús, men hevur tað víst seg at vera meira trupult enn væntað. – Vit hava arbeitt við verkætl­ anunum, men tað er trupult at fáa gongd á tað í Føroyum, tí allar byggi­fyritøkur í Føroyum eru fult upp­tiknar. Men tørvurin er so heilt avgjørt har, og arbeitt verður enn við tí, sigur Rúni Vang Poulsen. – Starvsfólkini hava verið við allan túrin. So tað er stuttligt fyri tey at uppliva at fara frá botninum og til at vit nú eru Ársins Virki – Vit hava stytt steðgin í havnum, so vit hava meira tíð at sigla til næstu havn. Tað ger, at ferðin kann fara niður, ið merkir at oljuútreiðslurnar lækka og harvið fara eisini útreiðslurnar niður. Hetta, saman við at tíðirnar hava verið góðar og allir pílar peika uppeftir í samfelagnum, hevur gjørt stóran mun hjá okkum