mánadagur 23. oktober 2017síða 8

Mánadagur 2. oktober 2017 · Nr. 114 8 Sosialurin Hugskot og viðmerkingar – send sms til 225000 Danjal av Rana - Hetta er nokk so stórt, so eg má royna at liva upp til tað. Eg haldi ikki, at eg eri nøkur hetja. Eg kenni nógv onnur, sum vóru í uppskoti, sum høvdu uppiborið heiðurin at gerast ársins gerandishetja, sigur Høgni Kunoy Dávason. 13 ára gamli Høgni Kunoy Dávason fekk fríggjadagin heið­ urin sum Ársins Gerandishetja frá Fólkaheilsuráðnum. Fólkaheilsuráðið vildi heiðra onkran, sum gjørdi onkran mun í gerandisdegnum hjá øðrum og mill­ um tey tilnevndu fall valið á 13 ára gamla klaksvíkingin. Nógvir føroyingar munnu hava hoyrt um 13 ára gamla tae-kwon- do íðkaran, sum hevur systiska fibrosu, men kortini er venjari í egn­um felag. Sosialurin hevur havt samrøðu við hann og Kringvarp Føroya gjørdi sendingina Drong­ urin við svarta beltinum um Høgna. Sjálvur heldur hann, at tað er virk­ semi í Tae-Kwon Do felagnum, Hwarang Føroyar, sum hevur givið hon­um heiðurin. Tað tykist eisini, sum at Fólkaheilsuráðið hevur lagt dent á ítróttin, tí partur av grundgevingini fyri at geva Høgna heiðurin, var nevniliga virksemi í felagnum. Upp­skotsstillarin skrivaði millum annað, at “sjúkan hjá Høgna hevur havt við sær, at vit onnur venja sam­an við honum, og fáa harvið bæði betra okkara likamliga og sálar­liga heilsu. Tey hava lagt sál og orku í at venjingar eru (...) nærum árið runt.” - Vit meta, at Høgni við sínari familju hevur, hóast likamligar av­ bjóð­ingar, megna at gjørt nakað muna­gott innan heilsufremjan fyri seg sjálvan og onnur, skrivar Fólka­ heilsuráðið. - Eg hevði ikki fingið heiðurin uttan felagið, so okkurt skyldi eg teimum aftur, sigur Høgni Kunoy Dávason, sum eisini nýtti heið­urs­ lønina, 5.000 krónur, upp á útgerð til Hwarang Føroyar. - Eg skal til NM í Tae Kwon Do í Finlandi í januar og ætlaði at brúka peningin til tann túrin, men so skuldu vit til kapping í Danmark og høvdu brúk fyri elektroniskum hosum. So eg brúkti pengarnar til tað. Tað var tað rætta at gera í løtuni, sigur Høgni Kunoy Dávason. Høgni Kunoy Dávason og familj­ an flutti til Føroya fyri sløk­um trim­um árum síðani. Hann hev­ur syst­iska fibrosu, so onkran avbjóð­ ing­ar eru av at flyta, men hann held­ur at skiftið úr Danmark til Før­oya hevur gingið væl. - Eg haldi, at vit øll eru follin væl til í Føroyum. Tað er deiligt fyri fyrstu ferð at búgva so nær familj­ uni. Nú kunnu vit bara koyra 15 min­uttir, so eru vit í einum húsum full­um av systkinabørnum, greiðir hann frá. - Eg skal til kanningar í Danmark eina ferð um mánaðin, so tað krevur sítt, men annars eru eingir vansar við at vera í Føroyum. Læknarnir og sjúkrarøktarfrøðingarnir her eru dugnaligir, so eg merki ongan vansa av hesum. Eg haldi tað var ein góð avgerð at taka at flyta heim, sigur hann. Tað tók ikki langa tíð, frá at Høgni og familjan fluttu til Føroya til hann saknaði ítróttin hjá sær. Her vóru tó ongir aðrir taekwondo íðkarar í Føroyum, men hann visti ráð. Tað gingu bara fáir mánaðir, so setti hann Hwarang Føroyar á stovn og byrjaði at skipa fyri venj­ ingum í Søldarfjarðar skúla. Hann var ikki til staðar til hand­ andina sjálvur, tí saman við øðr­ um íðkarum úr Hwarang Før­oy­ar hevur hann luttikið í kapp­ing í Danmark um vikuskiftið. Úrslit­ un­um bilti heldur ikki, tí føroysku íðkararnir koma heima aftur við einum gullheiðursmerki, sjey silv­ ur­heiðursmerkjum og trimum bronsu­heiðursmerkjum. Í næstum fer hann sjálvur ann­ar úr Føroyum at luttaka í DM, sam­an við Dávid á Lakjuni. Í januar gong­ ur leiðin til NM í Finlandi. Síðani sats­ar hann upp á at vinna sær luttøku í EM í 2020. - Til tað krevst, at eg vinni heið­ urs­merki í nøkrum av stóru altjóða kappingunum í Evropa komandi ár­ini, so tað verður sera spennandi. Úr­slitini hava tó verið góð í sein­ ast­uni, so vónirnar eru góðar, sigur Høgni. Eyðsæð er, at evnini sum venjari eru á eini góðari leið hjá Høgna, nú hann sjálvur annar skal luttaka í DM, saman við unga Dávid á Lakj­ uni. - Tað er heilt spesielt, at eitt so ungt felag, bara trý ára gamalt, fær so góð úrslit, og at vit fáa ein før­ oying afturat í DM. Men Dávid er klárur til tað, sigur Høgni Kunoy Dávason. TAEKWONDO Taekwondo hevur sín uppruna í Korea, og í ítróttinum verður stórur dentur lagdur á tann asiatiska hugsunarhátint og lívstílin. Hesin fremur heilsu, vælverðu, virðing, lýdni og eyðmjúkleika. Hesi virðini eru rótfest í Taekwondo. - EG ERI EINGIN HETJA Eg kenni nógv onnur, sum høvdu uppiborið heiðurin sum ársins gerandishetja, sigur 13 ára gamli Høgni Kunoy Dávason, sum fekk heiðurin fríggjadagin.