hósdagur 2. november 2017síða 12

FRÍGGJADAGUR 3. NOVEMBER 2017 SOSIALURIN 128 12 ANNIKA KUNOY IM ANNIKA@SOSIALURIN.FO Í nakrar vetrar hevur 32 ára gamla Eva Andresen úr Havn upplivað, at hon er vorðin tunglynt, tá summarið er av, og dagarnir verða styttri. Hon upp­ livdi vetrartunglyndi fyrstu ferð fyri seks árum síðani, og hon kendi summi av eyð­ kenn­unum aftur, tí hon áður hevur upplivað tunglyndi ella depressión. Tey amboðini, ið hon lærdi at brúka, tá hon var í viðgerð fyri depressiónina, gangnýtir hon hvørja ferð, tað gongur ímóti myrkari tíðum. Umframt tað ansar hon eftir, at hon fær so nógv ljós sum gjørligt – bæði á gongutúrum og við ljósviðgerð, tá tørvur er á tí. Munur á tunglyndi og vetrartunglyndi Fyri 10 árum síðani upplivdi Eva Andresen eina depressión, og stríddist við tær kenslurnar, ið fylgdu við. Hon kendi nakrar av kenslunum aftur, tá hon síðani upplivdi vetrartunglyndi fyrstu ferð fyri á leið seks árum síðani. Umframt at kenna kenslurnar aftur, so dugdi hon eisini at skilja munin á eini vanligari depressión og tí, sum hon síðani identifiseraði sum vetrartunglyndi. – Ein depressión kennist djypri, tyngri og meir vónleys enn vetrartunglyndi. Ein depressión kemur innanífrá, og vetrartunglyndi kemur uttanífrá, staðfestir hon. Hóast tað er munur á at hava vetrar­tung­ lyndi og at hava tunglyndi, so líkjast kensl­ urnar eisini onkursvegna. Tó so er vetr­ar­ tung­lyndið tengt at árstíðini og veðrinum, ímeð­an ein kann uppliva depressión alt árið. Vetrartunglyndi er tí lættari at koma ígjøgn­ um enn tunglyndi, og tað ber eisini til at fyrireika seg og fyribyrgja nakað, áðrenn myrka tíðin kemur. Hon greiðir frá, at tá veturin byrj­ ar – og serliga tá klokkan verð­ ur flutt, og dagarnir verða styttri – byrjar vetr­ ar­tunglyndi. TEMA: Vetrartunglyndi 12 – Møðin kemur spakuliga, og verður møguliga verri fyri hvørt ár. Eg havi sera lítla orku um veturin og kenni meg tunga í høvdinum. Av tí sama missi eg motivatiónina, og lagið verður verri. Gerandisdagurin verður tí tungari at koma ígjøgnum, sigur Eva Andresen, sum stríðist við vetrartunglyndi. Vetrartunglyndi: EITT STÓRT MYRKT HOL