hósdagur 11. januar 2018síða 11

FRÍGGJADAGUR 12. JANUAR 2018 SOSIALURIN 5 11 at pedagogútbúgvingin er breið og sam­ansett fyri at brynja peda­ gog­arnar til eisini at taka sær av hesum týðandi uppgávum. Børnini eru ein íløga Børn í dag eru ikki, sum børn vóru fyrr, tá tey hvørki skuldi síggjast ella hoyrast. Barnaáskoðanin er ein onnur í dag. Nú verður hugt eft­ir hvørjum einstøkum barni, sum skal mennast so væl sum til ber, alt eftir hvussu barnið er, og hvørjar eginleikar tað hevur. - Børnini eru ein íløga, og vit skulu tryggja okkum, at børn okk­ ara verða so væl fyrireikað, sum til ber, til at liva og virka í dags­ ins samfelag, sum broytist øgiliga skjótt og nógv, sigur Annika Anthoniussen. Hon sigur, at tað arbeiðið, sum pedagogarnir gera, er umráðandi, um børnini skulu verða før fyri at lúka krøvini, sum verða sett einum samfelagsborgara í dag. Peda­gog­ ar­nir eru útbúnir til at strimbra og menna barnið, so tað hevur eitt grundarlag at standa á, tá tað skal taka í móti framtíðar avbjóðingum. - Nútíðarsamfelagið er krevjandi bæði hjá vaksnum og hjá børnum. Heimurin er latin upp, og vitan floym­ir inn yvir okkum, og stór krøv verða sett til ein vælvirkandi borg­ara í dagsins samfelag, sigur Annika Anthoniussen. Børn læra alla tíðina Barnaárini hava sera stóran týdn­ ing fyri menningina hjá barninum. Tað er umráðandi, at tey fáa tær avbjóðingarnar, sum tey skulu hava, og at tey sleppa at royna seg innan øll øki. Børn læra alla tíðina, og børn í einum virknum umhvørvi við útbúnum pedagogum læra nógv, utt­an at tey leggja tað til merkis. Annika Anthoniussen sigur, at eitt nú byrjar málmenning longu í vøggu­stovuni, og at børnini gjøgn­ um spæl læra støddir og skap. Eisini verður arbeitt á stovn­ un­um við evnum á spennandi og skap­andi hátt, har vitan verður flættað uppí. - Barnið hugsar ikki um, at tað lærir, hóast tað lærir nógv. Tað eru pedagogarnir tilvitaðir um, sigur Annika Anthoniussen og vísir á, at barnið spælir seg til lærdóm. Námsfrøðilig stevnumið Arbeiðið hjá pedagogunum í dag­ stovn­um verður lagt til rætt­is sam­bært námsfrøðiligu stevnu­ mið­un­um, sum hava støðið í enda­máls­greinini í løgtingslóg frá 10. mai í 2000 um dagstovnar og dag­røkt. Í stevnumiðunum, sum Menta­ mála­ráðið hevur orðað, verður víst á serligu førleikarnar sum náms­ frøð­ingar hava ognað sær í síni út­búgving. Stevnumiðini eru eisini grund­ ar­lagið undir einari ársætlan, har stovn­arnir skulu staðfesta, hvussu teir ætla at arbeiða tað komandi árið, og ársætlanin skal byggja á eina eftirmeting av pedagogiska arbeiðnum. Endamálið við námsfrøðiligu stevnumiðunum er at geva leið­ ar­um, námsfrøðingum og øðrum starvs­fólkum eina námsfrøðiliga stevnu at miða arbeiðið eftir, og tey eru ætlað at eggja til umhugsan um pedagogiska virksemið. D UM Tað tekur fýra ár at læra til pedagog. Pedagogútbúgvingin er ein bachelor­ útbúgving. Fyrsti bachelor­ árgangurin byrjaði á Fróðskaparsetri Føroya í 2008. Hesi árini eru 338 næmingar byrjaðir at lesa til pedagog á Fróðskaparsetrinum. Fráfallið er lítið. Pláss er fyri 35 næmingum hvørt ár. Í 1950 kom Drotning Ingridar barnagarður í Havn. Tann fyrsti barna­ garðurin í Eysturoynni kom í 1982. Á Tvøroyri varð fyrsti barnagarðurin bygdur í 1990. Í Sørvági kom fyrsti barnagarðurin í 1994.