hósdagur 4. januar 2018síða 16

FRÍGGJADAGUR 5. JANUAR 2018 SOSIALURIN 2 16 MATUR: Pannukøkur TJÓÐHILD PATURSSON E itt nýtt ár og nýggj nýggj­ árs­lyfti - nei, nýggjársmál plagi eg at kalla tað. Fyri tveimum árum síðani var mítt nýggjársmál at skriva jóla­kort. Og eg kláraði tað - tá ið steym­urin fór á jólum 2016 fekk eg endiliga nóg nógvan frið á meg til at seta meg niður og skriva jóla­kort. EITT jólakort, men tað var nokk fyri at røkka málinum. At tað ikki bleiv sent fyrr enn á vári 2017 er ein onnur søga. Ok, eg skrivaði tvey jólakort hetta streymsloysis kvøld­ ið, men hitt seinna bleiv ongantíð sent, so tað telur ikki ordiliga við. Í ár ætlaði eg at vera eitt sindur raskari, og seta mær meira ‘verulig’ mál, tú veit, sovorðin man eigur at seta, fyri at betra seg sjálva: • Drekka færri øl • Roykja færri sigarettir • Fara fyrr í song • Halda mínar tíðarfreistir • Eta sunnari • Og alt hatta har. Tit vita, hvat eg meini. Men í skrivandi løtu er bara 2. január, og eg náddi at bróta øll í gjár. So eg havi sett mær nøkur meira realistisk mál í staðin. Í 2018 ætli eg mær nú at: • Vera mildari við meg sjálva og lættari fyrigeva mær mínar syndir • Baka fleiri pannikøkur So eg baki mær ein stóran stakk av pannukøkum og fyrigevi mær sjálvari allar syndirnar í gjár - ver vælkomið 2018. At baka fleiri pannukøkur kann tykjast sum eitt løgið nýggj­árs­ lyfti, men hugsa um tað, at baka pannukøkur er ótrúliga hugna­ ligt. At eta tær eisini. Um eg gerist ein góð pannukøkina, so verður kanska lættari hjá mær at bjóða fólki inn til kaffi? Hóast eg haldi meg vera rættuliga væl fyri sosialt, og havi lætt við at práta við fólk, so dugi eg ótrúliga illa at bara at bjóða fólki inn til kaffi. Tað ætli eg at gerast betri til - tí pannukøkumálið. Kanska fara tey at koma av sær sjálv­um um eg lati vindeyga upp meðan eg baki pannukøkurnar? … Fyri at gera tað ómakaleysari at baka pannukøkur, havi eg gjørt mær eina blanding klára - mjøl, baki­pulvur, salt, sukur, natron og kardamummu. Ein kopp av blandingini, ein kopp av mjólk og eitt egg - so eri eg komin hálvan vegin við pannukøkubakstrinum. Pannukøkublanding Til eyka hugnaligar morgnar, til spontan­ar vitjanir, til gráar dagar, til haga­túrar, til barnaføðingardagin, til mín føðingardag, til døgurða, til fjallfólk, til bindiklubban, til viku­ skiftið, til gerandisdag… ja, pannu­ køkur eru altíð eitt gott hugskot. • 10 koppar* av mjøl • 10 teskeiðir av bakipulvuri • 10 teskeiðir av kardamummu • 10 spsk av sukuri • 1 stórt nips av salti • 1 stórt nips av natron Tað ljóðar nógv fittari at siga kopp­ ar, heldur enn desilitrar. Pannu­ køkur eru ikki nøkur venjing í neyv­leika, so tað er ikki so farligt, hvussu nógvir desilitrar eru í ein­ um koppi. Mín koppur tekur á leið 2 dl. Blanda alt tilfarið saman í eini stórari krukku. Nú er altíð klárt at baka pannikøkur. 1, 2, 3. Til 4-6 pannukøkur 1. Hita pannuna til miðalhita 2. Brúka ein kopp av blandingini, ein kopp av mjólk og eitt egg. Rør væl saman. 3. Smyr pannina væl við smøri og baka pannikøkur. Eina fyri og aðra eftir. Lat vindeyga upp um tú ætlar tær kaffigestir - tey koma nokk inn á gólvið, tá ið tey kenna deiliga angan av kardemummu. NÝGGJÁRMÁLIÐ - BAKA FLEIRI PANNUKØKUR