hósdagur 4. januar 2018síða 18

FRÍGGJADAGUR 5. JANUAR 2018 SOSIALURIN 2 18 MENTAN: Sjónleikur TJÓÐHILD PATURSSON E in rúgva av orðum, ið ikki heilt geva meining - fyri meg - nakað svoleiðis kenni eg Búa Rouch. Endaleys orð, kronglutt, útlendsk, háfloygd, refererandi til alt møguligt sum eg ikki veit hvat er. Eg eri ikki altíð vís í, um hann sjálvur skilur, hvat hann sigur, ella um tað er partur av hansara enda­ leysu sarkasmu at gera seg óskillig­ an. Gott at hann fór at dansa, tí tá sigur hann ikki so nógv, og er allar helst skilligari. Í øllum førum koma eingi óendaliga long og kronglutt orð upp ímillum hansara tanka og mítt forstáðilsi - hóast ironiski undir­tónin og ofta sarkastiski og prik­andi humorin ivaleyst krýpur sær orðaleysur ígjøgnum. Eg keypti atgongumerki til Above and Beyond í gjárkvøldið. Above og Beyond er eitt dansi­ stykk­ið um samanpælið millum menniskja og talgilda tøkni (um tit vilja hava tað meira háfloygt orða, kunnu tit lesa lýsingina á heima­ síðuni hjá Tjóðpallinum - eg fekk ikki so nógv við - men tit eru óiva øll meira vakin enn eg - høvdið á mær er enn í jólafrí). Fyri at siga tað sum tað er, so keypti eg mest atgongu­merki tí at eg kenni Búa Rouch - annan av dansarunum - og tí at eg plagi at fara til tað mesta, sum verður sýnt á Tjóðpallinum - vani/stuðul/prinsipp, kalla tað tað tit vilja. Men eftir samrøðuna, eg gjørdi við Búa í morgun, ja, so kann eg ikki siga annað, enn at eg eri heilt ótrúliga spent upp á sýning­ina. Eg átti at vita, at tá ið Búi kemur til Føroyar at framføra okkurt, so er tað, tí at hann veruliga held­ur, at tað er gott - og tað hann heldur vera gott, ja tað er í øllum før­um altíð spennandi; so mikið havi eg lært av at kenna kann øll tann­áringaárini. Hin expotentiella kurvin í menningini av talgildari tøkni Heiti á verkinum, Above and Beyond, sipar til tað expotentiellu kurv­ina í menningini av talgildari tøkni. Umframt tað ósamsvar, sum er millum ferðina av evolutiónini hjá menniskjanum og ta ferðina sum menningin av talgildari tøkni hevur. Tey bæði, Búi Rouch og Daphna Horenczyk, búðu bæði í Munchen á vári 2017, tá ið tey settu gongd á verkætlanina. Hugskotið spretti burturúr felags áhuganum í bókmentum um menniskja og talgilda tøkni. Tey bæði hava sjálv gjørt stykkið, við góðari listarligari veg­leiðing frá Ariel Cohen - sum millum annað hevur dansa í Bat­ sheva kompagnínum (googla tað: tað er rættuliga kul!). Eginleikarnir hjá tí talgilda - í rørslu Eg spyrji Búa, hvussu man um­ setir tankar til rørslu, tí eg skilji væl tað, hann sigur (hygga nú hon!), skilji væl tankarnar um spenn­ingin millum menningina hjá menniskjanum og tí talgilda; men eg dugi illa at ímynda mær, hvussu eg skuldi dansa tað? - Jú, vit byrjaðu at granska eginleikarnar hjá tí talgilda, og umsettu hesar egin­leikar til rørslur, sigur Búi, uttan at eg gerist stórvegis klókari. - Vit settu ymisk spjaldur á tað tal­ gilda, t.d. INSTANT, tú trýstur á teldil­in og beinanvegin verður tú yvirfloymd við myndum. Tað tal­ gilda hevur ongan uppbygnað og ongan niðurbygnað. Jú, nú byrji eg at skilja. - Tað er eisini ein øðilig upp­hópan av kunning. Nógvar smá­ar, lættar uppgávur, sum leggja seg lag oman á lag, soleiðis at uppmerksemið hjá okkum verður meira og meira stressað og pressað. Jú, hetta skilji eg eisini. Hugsi um summi av teimum eldru fólkunum eg kenni, sum stund­um kenna seg so býtt, tí øll tann nýggja tøknin stressar tey; og tá ið fólk royna at greiða teimum frá, hvussu tey skulu bera seg at, ja, so ljóðar alt so lætt, og tey kenna seg enn býttari. Men tey eru ikki býtt. Hóast øll stigini, ella løgini, ið Búi kallar tað, eru smá, ja, so hópa tey seg upp, og tað verður, uttan at vit merkja tað, eitt tjúkt lag av smáum uppgávum, sum vit skulu halda skil á. Í leikinum lýsa tey hesa kensluna av komplexum simplisiteti (aja, nú slapp ein háfloygd, útlendsk, kronglutt Búa- lig orðing inn í tekstin - rættlesarin mælir til samansett einfeldni) gjøgn­um eitt lætt putslispæl við 10 bóltum, sum síðani verður álagt fleiri og fleiri reglar og løg, sum samanlagt verður ræðuliga stress­andi og kevur nógv upp­ merksemi av leik­ ara­num. Huff, ja, nú ljóðaði hetta dansi­stykkið k n a p p u ­l i g a eisi­ni ógvu­ liga há­floyg - Stykkið sjálvt er ikki so artsy fancy. Vit hitta eina vís­inda­ kvinnu sum ger ymiskar roynd­ir við einum øðr­um menn­iskja. Søgur­ karm­urin ógvuliga greiður, viss­ar Búi meg um. Og eg andi lættað. Iphone meditatiónir Sambandið millum menniskjað og talgildu tøknina er ofta rættiliga útskeldað. Vit eru ov tengd at okkara iPhone. Hyggja ov nógv niður í skíggjan heldur enn uppá EINGIR PEIKI­ FINGRAR MEN PASSALIG PROVOKATIÓN ABOVE AND BEYOND VERÐUR EINANS SÝNDUR TRÍGGJAR FERÐIR: 4. januar kl 19.30 5. januar kl 19.00 6. januar kl 20.30 Sýningarnar eru allar á Tjóðpallinum, og atgongumerki kunnu keypast á www.tjodpallur.fo og við dyrnar. Eg skilti tó á lagnum at einans 60 atgongumerki verða seld til hvørja sýning - tvs. 180 atgongumerki íalt - so um tú ert snild, keypir tú atgongmerki á netinum framanundan… Og um tú ert rættur føroyingur, stillar tú teg við dyrnar at keypa atgongumerki, og verður standandi har, tí tað verður útselt. Koreografur: Daphna Horenczyk. Daphna Horenczyk Dance Projects Dansarar: Búi Rouch og Daphna Horenczyk Ljósdesign: Súni Joensen Tónleikur: Naduve Listalig ráðgeving: Ariel Cohen Rekvisittir: Ilya Kull Plakat og grafisk sniðgeving: Doris Maximiliane Würgert Tónleikur: Naduve, The Residents, Soulwax, Lady Gaga Umrøða av Above and Beyond á Tjóðpallinum - Í Above and Beyond eru eingir peikifingrar á lofti. Alt er meint við einum blinki í eyganum. Stykkið er ironisk og stundum fjollut, sigur Búi Rouch, ein av oddamonnunum