hósdagur 15. februar 2018síða 16

FRÍGGJADAGUR 16. FEBRUAR 2018 SOSIALURIN 20 16 Kvinnukroppurin VENJI FYRI MÍNA EGNU SKULD 24 ára gamla Maria Dahl, sum seinastu árini hevur vant miðvíst fyri at fáa tímaglas­ kroppin, er ikki í iva um, hví hon brúkar so nógva tíð í venjingar­ miðstøðini. - Eg geri tað fyrst og fremst fyri meg sjálva. Men sjálvandi er tað deiligt, tá fólk halda, at kroppurin er vakur, sigur Maria Dahl, sum eisini leggur myndir av kroppinum hjá sær út á Instagram. MILDRIÐ JACOBSEN MILDRID@SOSIALURIN.FO - Tíðin í venjingarmiðstøðini er mín fríløta. Mann hugsar ikki um nakað annað, og tað føli eg, at eg havi brúk fyri, sigur Maria Dahl. Hon byrjaði at venja, eftir at hon hevði átt fyrsta barnið fyri 5 árum síðani. Hon venur einar fimm-seks ferð­ir um vikuna í umleið hálv­an­ annan tíma hvørja ferð. Tá hon byrjaði at venja, var endamálið at fáa aftur kropp­in, sum hon hevði áðrenn barns­burð­ in. Men tá ein tíð var fráliðin, sá hon myndir á sosialu miðlunum av tíma­glaskroppinum við stórari vødda­miklari rumpu, og tá setti hon sær fyri at venja fram í móti at fáa sovorðnan kropp. - Mær dámdi væl tann krops­ form­in. At hava vakra rumpu og ein flottan kropp, sigur Maria Dahl, sum als ikki hevði hugsað um, hvussu rumpan hjá henni sá út, fyrr enn hon sá myndirnar av stóru, føstu afturpørtunum á sosi­ alu miðl­unum. Maria Dahl, sum eigur tveir syn­ ir og gongur á hægri handils­skúla í Havn, sigur, at tað er sjálv­andi motiverandi, tá fólk siga vøk­ur orð um kroppin hjá henni. - So er tað ikki bara ein sjálvur, sum sær, at nakað er komið burtur úr allari venjingini, sigur hon. Men tað er ikki orsøkin til, at hon venur so nógv. - Eg venji fyri mína egnu skuld. Eg haldi, at tað hevur sera stóran týdn­ing, at mann venur, tí mann sjálv­ur vil tað, og ikki tí, at tað er eitt trýst útifrá, sigur Maria Dahl. Betri sjálvsálit Tá Maria Dahl byrjaði at síggja úrs­ lit av hørðu, miðvísu venjingini, byrj­aði hon eisini at leggja myndir av kroppinum út á Instagram. Hon ivað­ist als ikki, áðrenn hon legði myndir út. - Tað eru so øgiliga nógv, sum gera tað, og eg ivaðist ikki. Tað hev­ur heldur ongantíð verið nøkur nega­tiv reaktión. Tey flestu, sum eru á Instagram, eru ung, og tað er nokk so vanligt at leggja slíkar mynd­ir út har, greiðir Maria Dahl frá. Hon sigur, at kroppurin, sum hon hevur arbeitt so hart fyri at fáa, hevur givið henni betri sjálvs­ álit. - Tað er eisini gott at vera nøgd­ ur, tá mann hyggur í speglið. Tað er deiligt at hugsa um, at hesum havi eg arbeitt fyri og síggja, hvussu langt eg eri komin, og hvussu nógv eg havi fingið burtur úr tí, sum eg havi arbeitt við, sigur Maria Dahl, sum eisini venur allar aðrar partar av kroppinum. Maria Dahl sigur, at tað er ikki heilsuna, sum hon hugsar um, tá hon venur. Hjá henni snýr venj­ing­ in seg um útsjóndina. Hon leggur afturat, at tað er al­tíð okkurt við kroppinum, sum mann fegin vil broyta, og at mann nokk ongantíð verður heilt nøgdur. Bundin at venjing Hon greiðir frá, at tað eru nógv sum ikki skilja, at hon brúkar so nógva tíð í venjingarmiðstøðini. Men sjálv følir hon, at hon má sleppa at venja, tí hon hevur ov nógva orku í kroppinum til at spilla hana burtur. Maria viðgongur, at mann verð­ ur bundin at venjing. - Men tað er ikki upp á tann ringa mátan. Tað ger nakað gott við at ein at venja. Tann kenslan, at mann ikki hugsar um nakað annað, með­an mann venur, er fríandi, sig­ur Maria Dahl, sum fleiri ferðir hev­ur fingið áheitanir um at tekna seg til Fitness Føroyar kappingina. Enn hevur hon ikki teknað seg til kappingina, tí hon hevur ikki havt stundir til tað, men hon sigur, at tað verður møguliga eina ferð í fram­tíðini. Kroppurin nógv broyttur Maria Dahl hevur altíð verið kløn. Hon sigur, at kroppurin er sera nógv broyttur, síðani hon fór undir mið­vísu venjingina at fáa tíma­glas­ formin. Hon greiðir frá, at rumpan er broytt allarmest, og beinini sum heild. - Alt er blivið nógv størri. Fyrr var eg bangin fyri at fáa ov stór lør. Eg vildi bara hava rumpuna at síggja stóra út og ikki beinini. Men beinini fylgja við, og tað má mann bara taka við og góðtaka, sig­ur Maria, sum hevði kløn bein, áðr­enn hon byrjaði at venja. - Tað eru lørini og rumpan, sum eru broytt mest. Alt tað, sum er komið afturat, er vøddar, sigur Maria Dahl, sum ætlar sær at halda fram við miðvísu venjingini. Maria Dahl Maria Dahl á Instagram TEMA: Kvinnukroppurin