hósdagur 15. februar 2018síða 18

FRÍGGJADAGUR 16. FEBRUAR 2018 SOSIALURIN 20 18 Ímyndin av fullkomna kvi Tað er einki nýtt, at ímyndin av, hvussu ein fullkomin kvinnukroppur skal síggja út, broytist. Soleiðis hevur tað verið ta seinastu øldina. Hesi árini hava kvinnur eitt nú strembað eftir at vera diddarak sum Twiggy ella meira hyldligar sum Marilyn Monroe. Í dag verður dentur lagdur á sterk bein og vøddamiklan afturpart. MILDRIÐ JACOBSEN MILDRID@SOSIALURIN.FO 1950 Tað sæst aftur á kvinnukroppinum, at kríggið er liðugt. Tær fara aftur til leiklutirnar sum mamma, kona og húsmóðir. Eitt hyldligt skap við stórum barmi er ímyndin av kvennleika. Stiletthælar koma inn í mótamyndina. Størsta fyrimyndin í hesum áratíggjunum er Marilyn Monroe, sum brúkti klæðir í stødd 42. 1940 Kvinnurnr mugu aftur átaka sær arbeiði hjá monnunum, tí teir fóru í kríggj. Arbeiðslívið hjá kvinnunum sæst aftur í ímyndini av kvinnukroppinum. Nú hava kvinnurnar vøddar og breiðar herðar, og tær byrja at ganga í buksum. Síðst í áratíggjunum verður aftur farið til tímaglaskroppin og smølu miðjuna. 1930 Kvinnuliga útsjóndin verður aftur móti við serligum íblásti frá sjónleikakvinnunum í Hollywood. Kreppan í tríatiárunum sendir kvinnurnar aftur til kjøtpottarnar og í tað gamla kynsmynstrið. Tað er kortini framvegis umráðandi hjá kvinnunum at vera klænar. Teir fyrstu klædningarnir til kvinnur koma fram við sjónleikakvinnuni Marlene Dietrich á odda. 1920 Hetta tíðarskeiðið byrja kvinnurnar at uppføra seg meira sum menn. Tær byrja at drekka, roykja og arbeiða. Tær fara út á arbeiðsmarknaðin fyri menninar, sum verða sendir í kríggj. Kjólarnir verða stytti, og nú eru beinini í miðdeplinum heldur enn miðja og barmur. Hárið er stutt, og tað er nakað dreingjaligt yvir teimum. 1910 Kvinnur verða meira frígjørdar, tá tær fáa atkvøðurætt, og strømmu korsettini verða loysnað. Áherðsla verður kortini framvegis løgd á tann kvinnuliga kroppin við smalari miðju. TEMA: Kvinnukroppurin