hósdagur 1. mars 2018síða 16

FRÍGGJADAGUR 2. MARS 2018 SOSIALURIN 26 16 HALLUR AV RANA HALLUR@SOSIALURIN.FO T að er ein av teimum heilt royndu tónleikarunum innan føroyska tón­ leika­heimin, ið næsta viku­skiftið telist millum fav­oritt­ arnar at fara heim við fleir tón­ leika­virðislønum, tá ársins FMA- vinn­arar verða kosnir. Eyðun Nolsøe, sum fyri tretivu árum síðan etableraði seg sum ein av Føroya dugnaligastu og fremstu sangskrivarum í bólkinum Frændur, lat í fjør úr hondum fløg­una Dagur Legst At Degi. Á út­ gávuni vóru fjúrtan nýggir sang­ ir frá roynda tónasmiðinum úr Klaks­vík. Fløgan bleiv væl móttikin og um ársskiftið valdu ummælararnir í Kvørnini hana til ársins fløgu. Næsta vikuskiftið fæst greiða á, um FMA-dómsnevndin er samd, tí Dagur Legst At Degi er ein av fimm útgávum, ið er tilnevnd til Ársins Útgáva. Og harumframt er sangskrivarin úr Klaksvík eisini í uppskoti til Ársins sangara og Ársins sang fyri sangin Tað Er Løtan. - Tað er stuttligt at verða til­ nevndur. Har eru so nógv onnur nøvn, ið hava ríkiliga uppiborið at vinna, so tað er fløvandi, at man er komin upp í rúgvuna av til­nevndum, sigur Eyðun Nolsøe, tá Sosialurin fær orð á hann eftir, at tað er vorðið greitt hvør er til­ nevnd­ur til tær ymisku FMA- tónleikavirðislønirnar. Virkin í tretivu ár Tá Dagur Legst At Degi varð útgivin síðsta ár vóru tíggju ár liðin síðan Eyðun Nolsøe gav sína seinastu fløgu út, So Nógvar Røddir, og tretivu ár síðan hann fekk sítt tónleikaliga gjøgnumbrot í kenda klaksvíksbólkinum Frændur. Um hugt verður eftir til­nevn­ ing­unum í Popp/Rokk flokkinum er tað heldur eingin har, ið kem­ur upp á knøini hjá evnaríka klaks­ víkinginum, tá talan er um roynd­ ir. Hann ásannar tó, at tað kann vera ein avbjóðing at halda seg relevantan aftaná so nógv ár í tón­ leika­vinnuni. - Eg havi spælt tónleik øll hesi árini. Eg royni at fáa tað besta burt­urúr og fáa nýtt tilfar undan kavi av og á, so eg ikki bara fari út og spæli tað sama. Men tað er jú ikki lættari við árunum at halda seg relevantan og endurnýggja seg. Tað krevur nakað av einum, ásannar Eyðun Nolsøe. Av nýggju fløguni hjá Eyðuni Nolsøe er tað serliga sangurin ”Tað Er Løtan”, ið hevur verið nógv at hoyrt í útvarpinum. Í so máta er tað ikki óvæntað, at sangurin er tilnevndur í bólkinum Ársins sang­ur. - Hvør sangur verður væl dámd­ ur er ofta tengt at hvør sangur verð­ur spældur í útvarpinum. Fyrst blivu "Dagur legst at degi", ”Barnið, Bergið Og Blómurnar” og ”Líkamikið” spældir. Síðan fór ”Tað Er Løtan” í umfar. Men eis­ ini sangir, ið eru lítið spældir, so sum ”Stjørnudust”, "Á tíni slóð" og "Kom sig mær" eru sangir, sum mær dámar líka væl, greiðir Eyðun Nolsøe frá. Skrivaður til dóttrina Fáir tónleikarar hava skrivað eins nógv hitt, ið hava verið at hoyrt í føroyskum útvarpi seinastu tretivu árini sum Eyðun Nolsøe. Millum væl kendu hittini eru løg sum Til Tey Stressaðu, Mítt Land, 80’ini, Balladan um Jesús Escuan, Dansa og nú eisini Tað er Løtan, ið er upp­skoti til ársins sang á Faroe Music Awards. Spurdur um hvar íblásturin til sangirnar kemur frá, vísir hann á, at tað kann vera ymiskt. Nakrir sangir eru persónligir, meðan aðrir eru fiktivar søgur. - Íblásturin til sangirnir kemur úr ymiskum støðum. Summir eru rættiliga persónligir og koma frá jørð­ildinum, ið man sjálvur er í. ”Tað er Løtan” er t.d. skrivaður til hálvt­annað ára gomlu dóttrina hjá mær, Katrin. Tað er ein per­són­ligur sangur. Aðrir sangir kunna vera eitt tankaeksperiment, har roynt verður at fortelja eina fikt­iva søgu. Ella ein politisk ella lumma­ filo­sofisk viðmerking, sigur Eyðun Nolsøe. Felags fyri allar sangirnar er tó, at teir stava frá tí somu kreativu megini innan í. - Tað er ringt at greiða frá, men íblásturin kemur úr sama stað. Onkra­staðni í kensludýpinum, har man roynir at skapa nakað nýtt, ið trongir seg fram og tekur skap. Tankarnir eru sum ein streymur, sum man alla tíðina roynir at tappa burturúr, sigur Eyðun Nolsøe. Ein líðandi prosess Nýggja fløgan hjá Eyðuni Nolsøe er eisini úrslitið av eini langari prosess við hesari drívmegini. Tíð­ in var komin til at fáa nakað av tí skapta út, so at hann ikki brendi inni við tí. - At skriva nýtt tilfar er ein líð­ andi prosess, ið altíð fylgir mær. Haldi flestu tónasmiðir og tón­ leik­arar kenna til, at man alla tíðina situr og ger okkurt. Eg havi nógv eldri tilfar, ið ikki kom við á síðstu fløguna, og síðan er eisini nýtt tilfar komið, greiðir Eyðun Nolsøe frá. Tá hendan prosessin hevur virkað í eina tíð, og sangir og løg leggj­ast aftrat, so er tíðin komin at geva eina fløgu ella plátu út. - Til endans fyllir tilfarið so nógv, at best er at fáa tað út. Sam­ stundis vil man framleiða tað væl og framføra tað best møguligt. So er at geva eina fløgu út og vóna tað besta. Tað er ikki soleiðis hjá mær, at eg sigi, at um eitt hálvt ár skal eg vera liðugur við eina fløgu. Til­ farið legst líðandi afturat og fyrr ella seinni vónar man, at tað spyrst ein góð útgávu burturúr tí, sigur Eyðun Nolsøe. Viðurkenning Stóra Faroe Music Awards í Norð­ urlandahúsinum verður næsta vikuskiftið og tá verður eis­ini greitt, um Eyðun Nolsøe vinn­ ur ein av teimum FMA-tón­leika­ virðislønunum, ið hann er til­ nevnd­ur til. Tólv vinnarar skulu finn­ast og er Eyðun Nolsøe til­ FMA HITTIÐ BLEIV TIL DÓTTRINA - Tað er stuttligt at verða tilnevndur. Har eru so nógv onnur nøvn, ið hava ríkiliga uppiborið at vinna, so tað er fløvandi, at man er komin upp í rúgvuna av tilnevndum, sigur Eyðun Nolsøe, ið er tilnevndur til FMA-tónleikavirðislønirnar Ársins Sangari, Ársins útgáva og Ársins sangur. - Eg havi spælt tónleik øll hesi árini. Eg royni at fáa tað besta burturúr og fáa nýtt tilfar undan kavi av og á, so eg ikki bara fari út og spæli tað sama. Men tað er jú ikki lættari við árunum at halda seg relevantan og endurnýggja seg. Tað krevur nakað av einum.