hósdagur 5. apríl 2018síða 8

FRÍGGJADAGUR 6. APRÍL 2018 SOSIALURIN 39 8 kemur har frá, staðfestir hann. –Tað er umráðandi at hava í huga, at gongdin í lívinum ikki altíð verður soleiðis, sum vit ímynda okkum. Eg skuldi ikki vera á sjón­ um, men eg eri væl nøgdur við lívið og als ikki beiskur – heldur ikki inn á Gud, staðfestir hann álvarsliga. Hóast hann ikki hevur kent seg beiskan inn á lagnuna, sum mynd­ aði lív hansara á ein annan hátt, enn hann sjálvur ætlaði, so sigur hann, at hann hevur ivast nógv í, hvussu lívið hjá honum skuldi skuldi myndast eftir óhappið. – Eg hevði serliga nógvar ósvaraðar spurningar, tá eg var fyri­tíðarpensjónistur. At verða pensjónistur fyri tíð er als ikki gott, um ein ikki er rættiliga sjúkur. Tann tíðin steðgaði útviklingini hjá mær, og eg treivst ikki í tí, tí eg vildi avrika okkurt stórt, sum kundi brúkast til okkurt. Tað geri eg nú, sigur hann umhugsin. Vil umboða Føroyar Eftir at Hávard hevði roynt seg í triathlon saman við næmingunum, fekk hann hug at gera meir innan júst hesa ítróttagreinina. Hann tos­ aði við konu sína um ætlanirnar og skrivaði ein teldupost til Para­sport Føroyar. – Skal eg nakað við hesum ítrótt­inum, so skal tað vera fyri Før­oyar. Hóast eg bert havi búð ein trið­ing av lívi mínum í Føroyum, so kenni eg meg sum føroying, sigur Hávard. Hann hevur kappast í fleiri altjóða Paratriathlon kappingum og millum annað vunnið bronsu heiðursmerki, tá ITU (altjóða triath­lon sambandið) skipaði fyri Para­triathlon World Cup í Florida í oktober fjør. Av tí at Føroyar ikki hava lima­ skap í ITU, kappast Hávard undir donsk­um flaggi í ITU kappingum, men tá tað kemur til paralympiskar kapp­ingar ynskir Hávard at kapp­ ast undir Merkinum, og er tað í hes­um sambandi at samstarv við Para­sport Føroyar er komið í lag. Málið er paralympisku leikirnir í Tokyo í 2020, og kappingarnar eru ein liður í at vinna sær nóg mikið av stigum til luttøku. Hávard fær stigini frá 2017 við sær í puljuna, men verða 2018 og 2019 avgerandi fyri, um tað fer at eydnast at røkka málinum. Hann greiðir frá, at kropsliga er hann darvaður av høgra armi, ið ikki tolir kulda, tá hann svimur, og armurin órógvar eisini á súkkluni, tí Hávard skal taka støðu til, um hann skal hanga ella vera inn at kroppinum. – Skal eg súkkla langt, so má eg brúka styrki til at halda honum inn at kroppinum, og tað havi eg ikki vøddar til. Tí venji eg styrkivenjing tvær ferðir um vikuna fyri at styrkja ryggin, greiðir hann frá. Vónar at fáa stuðul Um dagarnar er Hávard í Føroyum á vitjan við tí endamáli at styrkja sambandið við Parasport Føroyar, netverka og venja í Føroyum. – Eg fari at luttaka í Sprint triath­lon, sum verður í Havn, eg fari at súkkla runt í Føroyum og svimja í Suðuroy. Eg skal eisini halda onkrar fyrilestrar og vóni, at eg fái tosað við onkrar fyritøkur og funnið útav, um áhugi er í at stuðla mær, sigur hann. Og Hávard vónar, at onkur sær týdningin í, at Føroyar verða um­ boð­aðar á paralympisku leikunum í Tokyo 2020 í triathlon og tí velur at stuðla. – Parasport Føroyar stuðla mær, men eg havi tørv á meiri stuðli til ferðing og útgerð. Tað skal nógvur peningur til fyri at luttaka á høgum stigi, sigur hann Eisini hevur hann gjørt avtalur við kenningar úr Bretlandi um, at hann leggur myndir út á sosiala miðilin Instagram, tá hann súkklar í hugtakandi føroysku nattúruni. – Eg vil fegin umboða Føroyar, og Føroyar og føroyingar mugu tí eisini vita, hvør eg eri, sigur hann um ferðina til heimlandið. – Eg vil sjálvsagt eisini vera við til at varpa ljós á parasportin og eg havi eina vón um at veita íblást­ur, soleiðis at onkur annar við kropsligum breki eisini velur at koma í gongd við triathlon ella annan ítrótt. Eg vil fáa fólk úr pass­ ivit­etinum, fáa tey at vilja eitthvørt og síðani fullføra tað, sigur hann ágrýtin. PERSÓNSØGA Eg havi elskað fótbólt heilt frá at eg sum smádrongur lá á køksborðinum og lurtaði, tá dystir hjá LÍF vórðu varpaðir í útvarpinum. Beiggi mín og fleiri aðrir í Vatnhamar familjuni spældu fótbólt, og eg fylgdi væl við og var íðin Øll skulu ikki eydnast í øllum, men øll eydnast í onkrum”