hósdagur 19. apríl 2018síða 12

FRÍGGJADAGUR 20. APRÍL 2018 SOSIALURIN 45 12 LÍVSSTILUR Velja Norrønu hvørt ár – Vit eru heppin at hava nógvar góðar og trúgvar kundar, ið ferðast við okkum ár undan ári, og fleiri eru løgst afturat seinastu árini, sigur Henny á Líknargøtu, sølu- og marknaðarstjóri hjá Smyril Line. Hon ásannar samstundis, at kappingin um ferðafólkini er harnað hetta seinasta árið MILDRID JACOBSEN MILDRID@SOSIALURIN.FO E ins og føroyingar eru raskir at taka av møgu­ leik­anum at ferðast bein­ leið­is við Atlantsflogi til ferða­mál sunnanfyri og til Edin­ burg, so eru teir eisini trúfastir at sigla við Norrønu. Henny á Líknargøtu, sum er sølu-og marknaðarstjóri hjá Smyril Line, sigur, at rutan hjá Norrønu er ikki broytt, og at trúgvu kundarnir hjá Smyril Line sostatt ferðast somu leiðir sum áður. Nógv tey flestu, sum ferðast við Norrønu, hava bil við, og størsti parturin fer til Danmarkar, har nógvum dámar sera væl at gista á frítíðardeplum. Nógv færri taka av tilboðnum hjá Smyril Line um at gista á frítíðardeplum í Týsklandi, hóast hesin marknaðurin og marknaðurin annars í Evropa er í vøkstri, greiðir Henny á Líknargøtu frá. Ymiskir kundar Summum málbólkum dámar væl busstúrar, sum Smyril Line skipar fyri í Danmark, Íslandi og Evropa, og somleiðis hava tey ferðafólk, sum ferðast á sertúrum so sum jóla­túrum, harmonikutúrum, sjó­ mans­túrum og tónleikatúrum. Undir­tøkan millum føroyingar er somu­leiðis góð, tá skipað verður fyri tematúrum fyri bæði yngri og eldri. – Vit hava nógvar trúfastar kund­ar kring Føroyar, ið ár um ár ferðast á føstu tematúrunum, sum vit skipa fyri, sigur sølu- og markn­ að­arstjórin hjá Smyril Line. Henny á Líknargøtu greiðir frá, at kundarnir eru sera ymiskir, men at nógvum dámar sera væl, at Smyril Line fyriskipar túrin og vegleiðir um gistingarhús og frí­ tíð­ardeplar. Hon heldur kortini, at ferða­mynstrið er lutvíst broytt, tí Smyril Line hevur fleiri kundar, sum keypa ferðaseðil við Norrønu og annars leggja sína egnu ferð til rættis. Tá er ofta talan um, at tey fara at vitja familju, flyta frá frítíðarstaði til frítíðarstað ella koyra suður gjøgnum Evropa. – Hesir kundarnir hava ikki altíð keypt alla ferðina undan fráferðini, men avgera heilt ella partvíst, hvar leiðin gongur, tá teir eru komnir til Danmarkar ella víðari í Evropa, sigur Henny á Líknargøtu. Kappingin um ferðafólkini harnað Sølu- og marknaðarstjórin hjá Smyril Line sigur, at kappingin um ferða­fólkini er hørð. – Tað er ongin loyna, at kapp­ing­ in um ferðafólkini er nógv harnað hetta seinasta árið, har vit hava sæð nógv lægri ferðaseðlaprísir enn fyrr, sigur hon. Hon leggur afturat, at vit hava góðar tíðir í Føroyum, og at hetta merkist eisini í ferðavinnuni. – Fólk ferðast meira, enn tey hava, samstundis sum kappingini eis­ini er harnað, sigur Henny á Líkn­argøtu. Ferðafólk ikki vælkomin allastaðni Barcelona Tað er ikki í øllum evropeiskum býum, at íbúgvarnir eru glaðir um tey mongu ferðafólkini, sum koma til býirnar á hvørjum ári. Millum býirnar, sum eru móðir av ferðafólkum, er eitt av yndisferðamálunum hjá føroyingum. Í Barcelona hevur eitt nú verið skipað fyri mótmælisgongum at gera vart við misnøgdina hjá íbúgvunum við tey ovurhonds nógvu ferðafólkini, sum streyma til býin á hvørjum ári. Cinque Terre Í teimum fimm bygdunum í Cinque Terre landspartinum í Italia stúra tey fyri umhvørvinum í økinum, sum er eitt tað best umtókta í landinum. Hálvtriðja millión ferðafólk eru í Cinque Terre á hvørjum ári, og í eini roynd at fyribyrgja umhvørvisdálking hava italskir myndugleikar boðað frá, at ferðafólkatalið verður avmarkað til hálvaaðru millión um árið. Santorini Eisini á grisku oynni Santorini eru tey um at ganga undir í ferðafólki. Í eini roynd at loysa trupulleikan ásettu myndugleikarnir í fjør, at í mesta lagi 8000 fólk frá ferðamannaskipum sleppa í land um dagin. Árini frammanundan hevur tað ikki verið óvanligt við 10.000 vitjandi av ferðamannaskipum um dagin á grisku oynni. Venesia Tey ovurhonds nógvu ferðafólkini í Venesia í Italia hava havt við sær, at prísirnir í býnum eru hækkaðir so nógv, at venesiabúgvar hava ikki longur ráð at leiga í sínum egna heimbýi. Serfrøðingar vilja vera við, at í 2030 fer ongin innføddur venesiabúgvi at búgva í umráðnum. Italski felagsskapurin Italia Nostra hevur mælt myndugleikunum til at banna øllum ferðamannaskipum í Venesia. (Kelda: culturetrip.com) Henny á Líknargøtu, sølu- og marknaðarstjóri hjá Smyril Line