týsdagur 1. mai 2018síða 59

27 Mánadagur 6. januar 2014 · Nr. 2 SOSIALURIN MAI 2018 k v i n n u b l a ð i ð HOYRNIN Á LÍVSSTÍLSMESSU Tíggju ár eru liðin, síðan Jutta Helgadóttir læt Føroya fyrstu privatu hoyriklinikk upp. Hetta hava verið tíggju ár við stórari tøkniligari menning og eini øktari tilvitan um hoyrn og hoyritól. At ansa eftir hoyrnini og leita sær hjálp, um hoyrnin er farin at bila, er vorðin ein natúrligur partur av okkara lívsstíli Hagtølini vísa, at tíggjundi hvør hoyrir so mikið illa, at tey hava brúk fyri hoyritóli. Hetta gongur ikki bara út yvir teirra egnu lívsgóðsku, men rakar eisini tey avvarðandi. Kortini eru tað framvegis ikki øll, ið hava varnast tað ella leita sær hjálp, men tíbetur er stór broyting hend á hesum økinum tey tíggju árini, Hoyrnin hevur verið til. "Fólk eru nógv meiri tilvitað um, at hoyrnin hevur alstóran týdning fyri trivnað, heilsu og vælferð. Stigmatiseringin av fólki við hoyritóli er eisini munandi minni í dag, enn hon var fyri tíggju árum síðan,” sigur Jutta Helgadóttir. Í dag er nógv meiri vanligt at yngri fólk taka hoyriroyndir og leita sær hjálp. Hetta er ikki, tí tey hoyra verri í dag, men tí at hugburðurin er broyttur. Ein grundin til hetta er ivaleyst, at Hoyrnin við boðskapinum “Eitt hoyritól er ikki eitt stórt ting”, miðvíst hevur víst á, hvussu hoyritól kunnu gera gerandisdagin betri. Vit hava eitt nú sæð Eivør fortelja, hvussu hoyritól hava givið henni ein betri gerandisdag, og bólkar sum Danny & the Veetos og Hamferð siga fólki, at tey skulu brúka hoyrivernd, tá ið tey spæla ella lurta eftir hørðum tónleiki. Tøkniliga menningin av hoyritólum ber eisini í sær, at í dag er nógv lættari og stutt­ ligari at brúka hoyritól. Hoyritólini eru vorðin nærum ósjónlig og digitala tøknin hevur við sær, at ljóðgóðskan er framúrskarandi í øllum umhvørvi. Harumframt kunnu tey knýtast saman við fartelefon, sjónvarp og onnur tól. Hoyrnin fokuserar bæði upp á fyribyrging og viðgerð og bjóðar tí eisini tónleikarum, hand­verkarum, pedagogum, sjófólki og øðrum, sum dagliga arbeiða í nógvum gangi, pro­fessionella hoyrivernd. Hetta er eisini eitt øki í stórari tøkniligari menning, og alsamt fleiri fólk velja at binda um heilan fingur og verja hoyrnina, áðrenn ov seint er. Hoyrnin er í dag heildarveitari av øll­ um, ið hevur við hoyrnina at gera, alt frá pro­fessionelt formstoyptari hoyrivernd og hjálpitólum til heimið til mest framkomnu hoyritólini og alt neyðugt tilhoyr. Sum nakað nýtt bjóðar Hoyrnin eisini rentufría fígging av hoyritólum, so tað er uppaftur lættari hjá fólki at útvega sær hoyritól. Hoyrnin verður við á stóru Lívsstíls- og sølumessuni í høllini á Hálsi 5. og 6. mai.