týsdagur 3. juli 2018síða 6

Mikudagur 4. juli 2018 · Nr. 75 6 Sosialurin Hugskot og viðmerkingar – send sms til 225000 Mentanarnátt verður á Tvøroyri 6. juli, og drúgv skrá er løgd fyri dagin, har eitt nú framleiðsluleiðarin á Varðanum Pelagic, Ólavur Bjarkhamar, fer at halda røðu klokkan 17. Við rúsi veksur vandin fyri at koma í bardaga - Tá tú ert rúsaður, ert tú í størri vanda fyri at koma í bardaga, fáa skaða, drekka ov nógv og/ ella fara í song við onkrum, sum tú ikki hevði ætlað tær Vilmund Jacobsen Nú summarið er í hæddini, og festi­valar og stevnur eru hvørt viku­skifti, eru ráðini hjá Gigni, sum veitir heilsutænastur til børn og ung, at hesi lata tónleikin vera “rúsin”, sum stovnurin tekur til. - Hevur tú verið til live-kon­ sert, veitst tú uttan iva, hvussu tón­leikurin bæði kann geva tær gásarhold og løtur av reinari sælu. Tón­leikurin gevur nevniliga ein rús í sær sjálvum, og hann kann best upplivast, um tú ikki drekkur rús­ drekka ella tekur rúsandi evnir. Gigni vísir á, at heilin er ikki full­ búnaður fyrr enn fyrst í 20-unum, og tað kann tískil verða skaðiligt at drekka alkohol, tá heilin ikki er liðugur at mennast. - Ungir heilar ávirkast eisini ógvus­ligari av alkoholi, og tá er lætt at gera mistøk og handla uttan vit og skil. Gigni mælir til, at børn og ung undir 18 ár ikki drekka alkohol, og at ung annars drekka so lítið sum til ber. - Sum ungur skalt tú finna teg sjálvan í einum nýggjum kroppi. Heilin mennist nógv, og tínir vinir broytast eins nógv og tú. Hetta setir stór krøv til tín, og tí er tað ein fyrimunur, at tú í skiftinum millum at vera barn og vaksin, fært royndir við at vera saman við øðrum ung­ um - uttan at vera doyvd/-ur av rús­ drekka ella rúsevnum. Í síni tilmæli um hesi viðurskifti, vísir Gigni á, at tá tú ert rúsaður, ert tú í størri vanda fyri at koma í bardaga, fáa skaða, drekka ov nógv og/ ella fara í song við onkrum, sum tú ikki hevði ætlað tær. - Kanningar vísa, at jú fyrr, tú byrjar at drekka, jú meira drekkur tú – eisini, tá tú gerst eldri. Tískil er gott ikki at drekka rús­ drekka. Um tú tó velur at drekka, eig­ur tú at bíða sum longst, drekka sum minst, drekka lítið í senn og ikki drekka ov sterkt. Gigni vísir á, at umráðandi er at drekka nógv vatn, men fyrst av øllum: - Tað ber væl til at hava tað stutt­ ligt uttan alkohol, vísir stovnurin á. Lítil grind gav stóran grindapart Vilmund Jacobsen Eftir midnátt fríggjakvøldið varð ein grind sædd úr Árna­ firði. Nakrir bátar loystu og fóru út til grindina. Tað gekk væl at reka, og grindin helt mest sum av sær sjálvari leiðina inn á Borð­ oyavík, har hon eisini legði bein­ini. Hetta var ikki nøkur stór grind, 29 hvalir tilsamans. Og tó fekst nógv burtur úr hjá teimum, sum tóku lut í rakstri og drápi. Grindin varð nevniliga býtt millum bátsmanningar og tey, sum tóku ímóti, tá grindin gjørdi landgongd. EABS-TILTAK: Tann 23. august klokkan 14 verður tiltak í Vinnuhúsinum um innflutningsmøguleikar úr Eurasiatisku Búskaparsamgonguni (EABS) í sambandi við, at umboð fyri felagsskapin vitja í Føroyum. Sjófuglurin økist - Fuglalívið seinastu 3-5 árini er ikki at kenna aftur, sigur maður, sum siglir nógv kring oyggjarnar Vilmund Jacobsen - Eg var ein stimitúr í Nólsoy sunnu­morgunin, og eg má siga, at fugla­lívið seinastu 3-5 árini er ikki til at kenna aftur. Tað sigur Jens Mortan Ras­ mus­sen, sum seinastu árini hevur siglt nógv millum oyggjarnar í Før­oyum. Hann vísir á, at myndirnar, hann tók í Nólsoyarfirði henda sunnu­morgun, ikki eru serliga góð­ar, tí her var tjúkt í veðrinum. - Tað var stuttligt at sigla henda túrin. Har vóru fleiri smærri og størri flokkar av teistum, lomviga og lunda - og eisini var ein flokkur av fullkubba. Jens Mortan Rasmussen sigur seg ikki vita, hvat fuglateljingar siga. - Men, tað er einki at ivast í, at fuglalívið økist við nógvari ferð. Vit, sum sigla nógv og hava áhuga fyri djóralívi, kunnu eisini staðfesta fleiri nýggjar leiðir, har fuglur reiðrast ella hevur tikið sær ”setur”, leggur hann aftrat. - Tað er einki at ivast í, at fuglalívið økist við nógvari ferð, sigur Jens Mortan Rasmussen