hósdagur 7. juni 2018síða 19

FRÍGGJADAGUR 8. JUNI 2018 SOSIALURIN 64 19 2017.”, Heilsu- og Innlendismálaráðið, 8. november 2017 Víðari sigur ráðið, at sjúka er lógligt forfall. Eisini hjá leiðarum. Í summum førum kann ov nógv frávera vegna sjúku tó verða ein saklig orsøk til at siga einum starvsfólki/ leiðara út starvi, men í hesum førinum eigur man at fáa ávaring, og tað hevur Tór­hild Eysteinsdóttir Mohr ikki fingið. So­statt kann hetta argumenti ikki brúkast, held­ ur ráðið. Víðari verður eisini víst á, at eingi prógv eru fyri, at sjúkrameldingin hjá Tór­hild Eysteinsdóttir Mohr hevði neiliga ávirk­an á deild og sjúklingar. “Tað eru ongar ítøkiligar upplýsingar í málinum um, hvørt hetta málið fekk neiliga ávirkan á dagliga virksemi á deildini ella á sjúklingarnar. Sambært fundarfrágreiðingini frá fundinum tann 13. mars 2017 metti leiðslan, at støðan hjá starvsfólkunum var versnað, meðan Tórhild var sjúkrameldað. Mett verður, at tað kann verða trupult at lasta Tórhild fyri hetta, tá hon var sjúkrameldað og sostatt ikki var til arbeiðis í umrødda tíðarskeiðnum. Mett verður heldur ikki, at tað fyriliggja upplýsingar í málinum, sum stuðla undir, at støðan á deildini kundi metast at vera so ring, at Landssjúkrahúsið ikki kundi fara undir at arbeiða við trupulleikanum heldur enn at fara beinleiðis til uppsøgn. Soleiðis eru ongar konkretar upplýsingar í málinum um, á hvønn hátt virksemið á deildini var darvað, og/ella hvørji viðurskifti gjørdu, at farast mátti beinleiðis til eina uppsøgn”, Heilsu- og Innlendismálaráðið, 8. mars 2017 Somuleiðis sigur Heilsu- og Innlendis­ mála­ráðið, at Tórhild Eysteinsdóttir Mohr samstarvaði á nøktandi hátt við leiðsl­una, meðan hon var sjúkrameldað og tá hon kom aftur til arbeiðis. Við mill­ um annað hesum grundgevingum hevur Heilsu- og Innlendismálaráðið álagt Lands­ sjúkrahúsinum at taka málið uppaftur. Tað hevur Landssjúkrahúsið síðani gjørt og úrslitið er, at Tórhild Eysteinsdóttir Mohr fær løn sum deildarleiðari alt 2018. HON Kringvarpsstjórin vil einki siga Johnny í Grótinum ber seg und­an at gera fleiri viðmerkingar til tær tríggjar uppsagnirnar, sum eru til viðgerðar í tema­síð­unum hesaferð. Hann sig­ur í stutt­ari viðmerking, at hann hevur ikki fleiri við­merk­ingar til uppsagnirnar á Lands­sjúkra­húsinum, tí tað vil vera at gera seg inn á sín gamla arbeiðs­gev­ara. Viðvíkjandi upp­søgn­ini av Liljan Weihe vísir Johnny í Grót­in­um til triðja ætlan­ ar­skrivið til Liljan Weihe, sum tú kanst lesa í aðrari grein her á síð­unum. Vit høvdu viljað spurt Johnny í Grótinum, hvussu tað ber til, at hann í øllum trimum før­unum, sum umrødd eru her í blaðn­um, ikki gav eina ávaring ella átalu áðrenn hann sendi kvinn­urnar til hús. Vit høvdu vilja spurt, hvussu tað ber til, at hann í tveimum førum ikki gav gav kvinnunum møguleika at kenna allar orsøkirnar til hví tær vórðu uppsagdar. Vit høvdu vilja spurt, hví Johnny í Grótinum ikki tók leiðandi ljósmóður við í avgerðina um at umskipa føði­deildina og hví hann eftir av­gerð­ina ikki metti tað neyðugt at grund­geva fakliga fyri sínum valið. Vit høvdu vilja spurt, hví ein av umrøddu kvinnunum varð upp­søgd fyri eitt tíðarskeið, har hon ikki var til arbeiðis orsaka av sjúkra­melding. Vit høvdu viljað spurt, hvat Johnny í Grótinum hevur at siga um tær tríggjar niður­støðurnar, sum allar hava líkheitir – eitt nú, at tað ikki finst nøktandi dokumentatión fyri av­gerðunum hjá Johnny í Grót­in­um. Og vit høvdu vilja spurt, um Johnny í Grótinum sum stjóri hevði havt álit á einum starvs­fólki, sum seinasta árið hevði kostað arbeiðsgevaranum 2.5 milliónir krónur og tikið tríggjar skeivar avgerðir. Vit høvdu at enda viljað spurt, um Johnny í Grótinum heldur, at Føroya fólk framvegis kann hava álit á honum sum stjóra, eft­ir at triðja uppsøgn hansara er kolldømd. Johnny í Grótinum hevur fingið hesar og aðrar spurningar skriv­liga, men sigur, at hann ikki vil siga meira um málið enn tað, sum stendur í ætlanarskrivinum til Liljan Weihe.