hósdagur 26. juli 2018síða 12

FRÍGGJADAGUR 27. JULI 2018 SOSIALURIN 85 12 SUMMAR OG SÓL Summar og sól: GANG Í NÁTTÚRUNI Søren Kirkegaard segði, at hann gekk seg frá trupulleikum og í gott lag. Ein gongutúrur ger gott, og tú kemur styrkt heimaftur. Er veðrið gott, ber til at velja sær ein lættan fjallatúr, men gongutúrur eftir sløttum, kanska í onkrum vøkrum øki, er eisini lívgandi. Lat tankarnar sveima, fá mót upp á avbjóðingarnar og njót vælveruna av kropsligum aktiviteti – ein tryggur vinnari! ET OG VER GLAÐ UR Matur er ikki bara føði og orka. Matur er eisini njóting. Matur kann vera list og stórar upplivingar. Eisini g e r a n d i s m a t u r kann njótast sum meira enn bert matur. Smyr tær eitt breyðstykki við góðum viðskera, steik góðan búff vikuskiftiskvøld, far út og royn onkran nýggjan mat ella ger tær tín yndisrætt heim. Minst til at njóta matin og tak tær stundir at kenna smakkirnar. FAR Á KONSERT Flestu okkara hava gott av tónleikaupplivingum. Føroyska summarið bjóðar endaleyst tal av konsertum, og øll kunnu finna okkurt, teimum dámar. Nógv fólk hava longu verið til stóru tónleikatiltøkini í summar, og onkur eru eftir. Eisini eru nógvir smærri konsertir og framførslur bæði á bygd og í bý. Yvirgev teg eina løtu til góðan tónleik og fá eina góða kenslu í kroppin. HITT GAMLAR VINIR Vit hava øll gamlar vinir, sum vit ikki síggja ofta ella frætta javnan frá. Summarið leggur upp til, at fólk hittast aftur, og tað kann vera gevandi at taka upp samband við onkran, tú kendi úr skúlanum, frá gamla arbeiðsplássinum, frá ítróttarkappingum ella í familjuni. Takið ein kaffikopp, prátið um gamlar dagar og fáið kensluna av, at tit hava nakað til felags. Ljósa tíðin er føgur. Nakrar vikur eru eftir summarinum, og summi hava framvegis summarferiu til góðar. Her hava vit nøkur uppskot um, hvussu tú kanst njóta løtur seinastu summartíðina NJÓT GÓÐAR