mánadagur 6. august 2018síða 21

21 Mánadagur 6. januar 2014 · Nr. 2 Sosialurin Mánadagur 6. august 2018 · Nr. 89 Hugskot og viðmerkingar – send sms til 225000 Seinastu fýra vikurnar hevur Sosialurin varpa ljós á knæskaðar í føroyskum ítrótti. Serliga hevur verið talan um knæskaðar í fótbólti og hondbólti, ið eru millum mest útsettu ítróttargreinar til at fáa álvarsamar knæskaðar orsakað av síðuvegis rørslunum í spælunum. Samrøða hevur verið við fysioterapeutarnar, Brian Fossabrúgv og Bartal Dahl Andreassen, ið báðir hava royndir við ítróttarfólkum, ið hava havt álvarsamar knæskaðar. Fysioterapeutarnir siga, at fyribyrgjandi venjingar minka um vandan fyri at fáa álvarsamar skaðar, og at fyribyrgjandi venjingar verða raðfestar ov lágt úti í feløgunum. Eisini hevur samrøða verið við ítróttarfólkini, Jónas G. Djurhuus og Sigfríð S. Clementsen, ið hava havt hvør sína lagnu av knæskaðum. Jónas G. Djurhuus kom fyri seg eftir at hava slitið krossbandið, meðan Sigfríður S. Clementsen sum ungur og evnaríkur mátti leggja skógvarnar á hillina. Jónas G. Djurhuus heldur eins og fysioterapeutarnir at fyribyrgjandi venjingar verða raðfestar ov lágt úti í feløgunum, meðan Sigfríður S. Clementsen heldur at feløgini heldur raðfesta at keypa nýggjar leikarar til besta liðið ístaðinfyri at knýta ein fysiskan venjara afturat felagnum, sum kann minka um talið av skaðum. Hesa ferð er samrøðan við tekniska stjóran í Fótbóltssambandinum, Pætur Smith Clementsen. Pætur Smith Clementsen sigur, at Fótbóltssambandið tekur slíkar skaðar í størsta álvara, og at Fótbóltssambandið í løtuni er í ferð við at uppraðfesta fysiska partin hjá teimum ymsu landsliðunum og eisini í mun til at verða ráðgevandi út til feløgini. Resumé um knæskaða greinarnar Í fyrstu grein okkara skrivaðu vit, at vit høvdu søkt Landssjúkrahúsið um tøl av knæskurðviðgerðum seinastu árini, og um Landssjúkrahúsið hevði tøl sum kundi samanbera Føroyar við útlond. Serliga var tá hugsað um Danmark. Í fyrstu grein okkara greiddi Brian Fossabrúgv eisini frá, at tað í Føroyum eru lutfalsliga líka nógvar knæskurðviðgerðir sum í Danmark um árið. Men so einfalt er tað ikki. Tí við í hagtølunum yvir skurðviðgerðir í Danmark teljast eisini fleiri føroysk ítróttarfólk. Hjá ítróttarfólkum í Føroyum er vanligt, at tá tað er trupult at sleppa framat og bíðitíðin verður ov long, fara fleiri føroysk ítróttarfólk til Danmarkar at skurðviðgerðast. Tí er trupult at samanbera tal av skurðviðgerðum í Føroyum og í Danmark. Trupult við neyvum hagtølum at samanbera Kann Fótbóltssambandið stytta bíðitíðirnar? Í Føroyum eru tað ítróttarfólk, ið eru vorðin álvarsliga skadd, ið hava havt á orðið, at tey ymisku sambondini – so sum Fót­bólts­ sambandið, Hond­bólts­sambandið og Ítróttarsambandið – kundu hjálpt betur til, soleiðis at til bar at sleppa skjótari framat til skanningar og skurðviðgerðir, tá slíkir skaðar uppstanda. Pætur Smith Clementsen veit tó ikki at siga, um Fótbóltssambandið kann hjálpa til við at stytta bíðitíðirnar. - Akkurát tað við bíðitíð at sleppa fram­at og so víðari, havi eg einki innlit í. So eg dugi ikki at siga, um Fót­bóltssambandið kann gera nakað við at stytta bíðitíðirnar hjá fótbóltsspælarum, ið skulu kannast fyri álvarsamar skaðar og sum skulu skurðviðgerast, sigur Pætur Smith Clementsen at enda. andre@sosialurin.fo Ári Mohr Jónsson (HB) og Gert Hansen (Víkingur) eru tveir leikarar, sum hava fingið álvarsamar knæskaðar Leikarar í 18 árs aldrinum spæla ofta ov nógvar dystir um vikuna í longri tíðarskeið, og eins og venjingarintensiteturin fer upp, strekkir tíðin ofta ikki til at venja fyribyrgjandi venjingar • Manglandi planlegging av fysiska partinum og dosering í mun til einkulta leikaran • Manglandi styrkivenjing og fyribyrgjandi venjing • Manglandi venjing við høgum intensiteti – ov nógvir dystir til einkultar leikarar Høvuðsorsøkir til álvarsamar skaðar sambært Pætur í stuttum