týsdagur 7. august 2018síða 11

11 Mánadagur 6. januar 2014 · Nr. 2 Sosialurin Hugskot og viðmerkingar – send sms til 225000 Mikudagur 8. august 2018 · Nr. 90 TÍÐINDI Vilmund Jacobsen Uppsjóvarskipini, Norðborg og Christian í Grótinum, eru í løtuni á veg heim úr Grønlandi, har tey hava fiskað makrel í grøn­ lendskum sjógvi. Tað er reiðaríið í Klaksvík, sum í hesum førinum hevur av­talu við grønlendska felag­ ið, Royal Greenland. Kristian Martin Rasmus­ sen, reiðari, sigur, at Norð­ borg og Christian í Gróti­ num hava partrolað í grøn­lendskum sjógvi, og nú skipini eru á veg heim, hava tey fingið upp í frysti­ last­irnar, umframt 300-400 tons av feskum makreli heim við. Onnur royndin Hetta er onnur royndin hjá skipunum í grønlendskum sjógvi í summar, og henda sein­na royndin eydnaðist. Reiðarin vísir á, at hin fyrra royndin miseydnaðist, tí skipini høvdu langar tíðir við ongum fiski. - Á hesum seinna túri­num eydnaðist tað so, og skipini høvdu góðan fiski­skap í nakrar dagar. Makrelurin er stórur, men hann er eisini bleytur. Tí er kanska eitt sindur ivasamt, hvussu feski fiskurin, sum verður landaður til Pelagos í Fugla­ firði, fer at roynast. Kristian Martin Ras­mus­ sen vísir á, at Pelagos júst hevur keypt feskan makrel frá grønlendskum skipi, og sum skilst var fiskurin brúki­ ligur til matframleiðslu. - Tað er langur veg­ur at sigla heim úr Grøn­landi við feskum, og tá fiskurin har­ aftrat er bleytur, er trupult at siga framman­undan, hvussu fer at roynast. Reiðarin sigur, at alternativið til mat­vøru­ fram­leiðsluna á Pelagos, er Havs­brún í Fuglafirði, men hann sigur seg vóna, at megin­parturin av tí feska kann frystast og pakkast til útflutnings. - Nú skipini eru á veg heim, hevur Norðborg av­ høvdaðan makrel, mjøl og lýsi, og Christian í Grótinum hevur avhøvdaðan makrel og avskurð. Haraftrat eru tey 300-400 tonsini av feskum um­borð á Norðborg. Reiðaríið hjá Norðborg og Christiani í Grótinum kann eftir avtaluni við Royal Greenland fiska 1500 tons av makreli aftrat í grøn­ lendskum sjógvi, men tað er ivasamt, um skipini fara yvir aftur í hesum umfari. - Vanliga verður makrelur fisk­aður í grønlendskum sjógvi á summri og soleiðis, sum tað hevur verið seinnu árini, kann væntast, at makrel­urin í Grønlandi nú fer at verða liðugur. Kristian Martin Ras­ mussen væntar, at skipini fara at fiska makrel í før­oyskum sjógvi, tá tey loysa aftur um eina góða viku ella so. - Onkur roynd er gjørd í før­oyskum sjógvi, og her er makrelur at fáa nú, leggur hann aftrat. Nógv avlopstíð Reiðarin í Klaksvík sigur, at felagið hjá teimum í eini trý ár hevur havt avtalu við grønlendsk reiðarí um makrel­fiskiskap í grøn­ lendskum sjógvi. Í summar hava Norðborg og Christian í Grótinum verið einsamøll føroysk upp­ sjóvarskip í Grønlandi, men tað eru eisini onnur føroyska reiðarí, sum hava havt avtalur við grønlendsk feløg. Soleiðis hevur eitt nú Næra­berg hjá JFK gjørt túrar í grønlendskum sjógvi. - Vit hava avlopstíð, og okk­um vantar kvotur. Tá vit gera slíkar avtalur við grøn­ lendsk feløg, er tað fyri at fylla upp í tíðini, tá skipini annars einki hava at fiska. Við­hvørt kann tað eydnast og aðrar tíðir ikki – júst sum í summar, tá vit fyrst gjørdu eina miseydnaða roynd og síðan eina roynd, sum eydnaðist. Tá teinurin er so langur, er tað eisini ein stórur kjansur at taka at hava feskan makrel heim við, sigur Kristian Martin Ras­ mussen, reiðari. Hans og Páll føra Skipari á Norðborg hendan túrin er Hans Klakkstein, sum plagar at loysa Jón Ras­mussen av – og skipari á Christiani í Grótinum er beiggi Kristian Martin Ras­ mussen, Páll Rasmussen. HEIM ÚR GRØNLANDI VIÐ FULLARI FRYSTILAST - Norðborg og Christian í Grótinum hava avlopstíð, og okkum vantar kvotur. Tá vit fiska í Grønlandi eftir avtalu við grønlendsk feløg, er tað fyri at fylla upp í tíðini, tá skipini annars einki hava at fiska, sigur Kristian Martin Rasmussen, reiðari - Á hesum seinna túrinum eydnaðist tað, og skipini høvdu góðan fiskiskap í nakrar dagar. Makrelurin er stórur, men hann er eisini bleytur, sigur Kristian Martin Rasmussen, reiðari Norðborg (mynd) og Christian í Grótinum hava partrolað eftir makreli í grønlendskum sjógvi og eru nú á veg heim fullfermdir