mánadagur 20. august 2018síða 5

5 Mánadagur 6. januar 2014 · Nr. 2 Sosialurin Hugskot og viðmerkingar – send sms til 225000 Mánadagur 20. august 2018 · Nr. 95 hjá teimum greiða eisini frá, at tað tyktist teimum, sum blivu kvinn­ urnar sera fullar sera brádliga ella brád­liga ikki vóru til at hava við at gera longur. - Vit hava eisini hoyrt at hetta er hent fyri aðrar gentur, men tá hava vinfólk traðka til og hava fingið tey heim í song, áðrenn nakað meiri er hent, sigur hon. Kanningararbeiðið er torført Løgreglan hevur kannað málini, men sigur, at kanningararbeiði er torført. - Tað, sum er so forgjørt, er at rúsevnini fordampað ofta skjótt, so longu áðrenn genturnar vakna aftur, eru fáa spor eftir teimum. Tíbetur verða slík rúsevni verða eisini tikin upp í hárið á teimum, sum nýta tey. Tí vóna vit, at tær hárroyndirnar, sum vit hava sent til Danmarkar, kunnu geva okkum okkurt svar, sigur hon. Hon kann tí ikki í verandi støðu vátta, at kvinnurnar eru blivnaðar rúsaðar, men hon heldur tað vera merkisvert, at løgreglan brádliga skal fáa somikið nógvar fráboðanir um tað sama, tá tey ikki eru von at fáa slíkar fráboðanir. - Vit hava hoyrt um, at hetta skal vera hent áður, men ongantíð áður hevur nakar vent sær til okkara. Tí er tað merkisvert, at vit nú fáa fýra fráboðanir upp á líka nógvar mánaðir, sigur Hildur Hentze. Mugu venda sær til løgregluna Hon heitir á aðrar kvinnur, ið halda seg hava upplivað tað sama, um at seta seg í samband við løgregluna beinanvegin. - Tað er týdningarmikið, at vit fáa tikið royndir so skjótt sum gjørligt. Eg skilji væl, at tað kann vera sárt og torført at viðganga fyri sær sjálvum, hvat møguliga er hent, men kortini er týdningarmikið, at venda sær til løgregluna. Jú skjót­ ari royndir verða tiknar, jú betri verð­ur kanningararbeiðið, sigur hon. Hon greiðir frá, at tá kvinnurnar venda sær til løgregluna, verða tær tiknar út á Landssjúkrahúsið, har læknar taka blóð-, land- og hár­royndir av teimum. Nakrar mánaðir seinni skulu nýggjar royndir takast til samanberingar, greiðir hon frá. - Tað er tíverri ein trupulleiki, at kvinnurnar ofta ganga og ivast í eitt døgn ella meiri, áðrenn tær koma til okkara, men tá eru sporini eftir evnunum longu burtur, burtsæð frá kanska í hárinum, sigur hon. Hildur Hentze sigur, at kendasta evnið, sum verður nýtt í slíkum førum er rohypnol, eisini nevnt flótandi extasy. Hon sigur, at hon kennir ikki til, at hetta evnið verður nýtt til annað enn tað at doyva fólk. - Hetta verður rópt flótandi extasy, men tá fólk vilja rúsa seg, taka tey antin extasy í pulvurformi ella í tablettformi. Tær líkjast ofta smáum bommum, sigur hon. Vandin við rohypnol er júst, at tað er so torført at varnast, um nakar oysir okkurt í drykkin hjá tær. - Føroyingar eru góðtrúnir og hava stórt álit á fólki, so tey fæstu fáa seg at takka nei, um onkur bjóðar tær at drekka. Sannleikin er tó, at tað ikki er til at vita, um onkur hevur koyrt okkurt annað í glasið, greiðir hon frá. Ansið hvør eftir øðrum - Hetta vísir seg at henda úti í býnum, í morgunballum og ofta mill­um fólk. Sum sagt, vit før­oy­ ingar taka ofta ímóti, um onkru bjóðar okkum okkurt. Vand­in er, at tað skal ikki altíð so nógv til, fyri at rúsevnini skulu virka. Tí kann ein slurkur eisini vera nokk, sigur hon. Hon heitir tí á kvinnur um at ansa eftir hvørji aðrari. - Tað er umráðandi, at vit ansa eftir teimum, sum vit fylgjast sam­ an við. Fólk, sum vit hava tosað við, siga, at tær varnast ofta, at okk­ urt er galið við vinkonuni. Tí er umráðandi, um ein varnast, at vin­ konan brádliga tykist óvanliga full ella í ørviti, at taka sær av henni og royna at fáa hana heim. Tað kann sjálvandi vera, at hon bara hevur drukkið ov nógv, men tíverri kann tað eisini vera, at onkur roynir at fáa hana í eina støðu, har hon ikki fær vart seg, sigur Hildur Hentze. Hetta er rúsneyð­ tøka Norska sendirøðin Skam fekk nógv rós, fyri at taka hetta evnið upp í einum parti. Høvuðspersónurin Noora vaknaði ein morgun, uttan at minnast, hvat var hent kvøldið fyri, men við einum sterkum illgruna um, at hon var blivin misbrúkt kynsliga. Drugrape merkir neyðtøka ella neyðtøkuroynd, har neyðtakarin, uttan at ofrið veit av tí, hevur koyrt rúsevni í drykkin ella matin. Onkuntíð er kvinnan framvegis við vit, men veit ikki, hvat hon ger ella sigur ja til. Onkuntíð verður hon heilt burtur. Oftast er tað ofrið sjálv, sum fær illgruna um rúsneyðtøku, tí hon vaknar við eini kenslu av, at okkurt seksuelt er hent, uttan at hon minnist tað klárt. Hetta kunnu vera tekin um rúsneyðtøku: • Ein minnist einki eftir hendingina • Støðan samsvarar ikki við nøgdina av rúsdrekka, sum ein hevur drukkið • Hvørvisjónir ella løgnar kropsupplivingar • Kensluloysi í varrum og tungu • Kenslan av at vera serstakliga rúsað ella ómetaliga troytt Tað kann vera torført at prógva neyðtøkuna, um ein sjálvur einki minnist, serliga um ein ikki beinanvegin letur seg kanna. Tí er tað so týdningarmikið, at man skjótast gjørligt eftir at ein fær illgruna um rúsneyðtøku letur seg kanna á skaðastovuni, so blóðroynd og landroyndir kunnu takast. Spor av rúsevnunum kunnu síggjast í blóðnum ella landinum. Í dag ber eisini til at finna spor av rúsevnum í hárinum heilt upp í tríggjar mánaðir eftir neyðtøkuna. Oftast nýttu rúsevnini í slíkum førum eru: • GHB (Fantasy) • Rohypnol • Ketamin • Kokain • Soviheilivágur • Morfin • Kannabis/Hassj G R