hósdagur 30. august 2018síða 22

FRÍGGJADAGUR 31. AUGUST 2018 SOSIALURIN 100 22 EYÐUN KLAKSTEIN S pælifilmurin Nina, sum før­oyski leikstjórin Maria Winther Olsen hevur skriv­að og leikstjórnað, verður við á stóru donsku filmsstevnuni CPH PIX, ið verður hildin frá síðst í september og nakað inn í oktober. Filmurin var frumsýndur í Norður­landahúsinum í juni, og síðani hevur verið arbeitt við at fáa filmin við á filmsstevnur kring heim­in. – Vit hava sent filmin til fleiri films­festivalar, og tað kann verða leingi at bíða eftir svari. Nú kom fyrsta svarið, tað var eitt »ja«. Eg eri sera glað fyri, at filmurin verður við á CPH PIX, tí tað er hóskandi, at danska premieran verður á hesum films­festivalinum, sigur Maria Winther Olsen. – Nú filmurin er sloppin við á CPH PIX, havi eg vónir um, at film­ urin eisini kann sleppa við á aðrar festivalar, sigur hon. Einsemi á bygd Spælifilmurin Nina snýr seg um unga rithøvundin Ninu, sum flytur til Føroya saman við sjekinum. Tey bú­setast á bygd – upptøkurnar eru gjørdar í Mikladali –  og har fer Nina at kenna seg einsamalla, tí maður­in starvast á sjúkrahúsi og er nógv burtur. Tá ið Nina hoyrir søgu­na um kópakonuna, fer hon at hugsa um sítt egna lív og fær eina svíð­andi kenslu av einsemi. Upptøkurnar til filmin vóru gjørd­ar á sumri í 2017, og síðani er eitt drúgt eftirviðgerðararbeiði gjørt. Filmurin varð frumsýndur í Norður­landahúsinum í summar, og før­oyingar fáa eitt einstakt høvi at síggja filmin í næstum. Nina verður við á filmsstevnuni hjá Films­felagnum, sum verður hildin í Havnar Bio frá 5. til 9. september. Vanliga mannagongd er, at film­ar av hesum slagnum hava eina frum­ sýning, og síðani eru teir við á films­ stevnum. Eftir tað verða teir sýndir í biografi, og síðani kunnu teir koma í sjónvarp og á stroym­ing­tænastur. – Eg eri spent at sleppa at vísa før­oyingum filmin, og sera nógv fólk spyrja, nær tey sleppa at síggja hann. Filmsfestivalarnir mugu fyrst fáa høvi at vísa filmin, og síða­ni kann hann fara í biografin. Eg rokni við, at føroyingar sleppa at síggja filmin næsta ár. Tey, sum eru skjót í vendingini, kunnu síggja film­in í Havnar Bio 5. september, sigur Maria Winther Olsen. Fegin Maria Winther Olsen arbeiddi í næst­an trý ár við at spælifilminum. Fólk, sum hava áhuga fyri films­ fram­leiðslu, fara vanliga á films­ skúla fyri at læra seg at gera film. Maria valdi bara at fara undir films­framleiðslu fyri at læra seg at gera film, og hon er fegin um fyrstu móttøkuna, sum filmurin hevur fingið. – Filmurin hevur fylt alt í mín­ um lívi í tvey ella trý ár, og tað er stórt, at tað lukkaðist at gera hann. Síðani frumsýningina hevur tað verið eitt tómrúm, tí filmsarbeiðið er liðug, men tíbetur hendir ymiskt annað í mínum lívi, sigur Maria Winther Olsen, sum er flutt til Før­ oya og er við barn. Nú kann hon í øllum førum fegn­ast um, at fyrsta filmsstevnan hevur boðið spælifilminum innar. CPH PIX er størsta filmsstevna í Dan­mark, sum í tvær vikur bjóðar um­leið 150 nýggjar filmar úr øllum heimi­num. NÚ FER NINA Á FESTIVAL Føroyski leikstjórin Maria Winther Olsen fegnast um, at hennara nýggi spælifilmur er sloppin við størstu donsku filmsstevnuna. Føroyingar mugu bíða til næsta ár at síggja filmin Nina í biografunum Marie T. Søderberg hevur høvuðsleiklutin í filminum Nina Maria Winther Olsen hevur skrivað og leikstjórnað filmin Filmurin Nina gongur fyri seg í føroyskari bygd