hósdagur 18. oktober 2018síða 15

FRÍGGJADAGUR 19. OKTOBER 2018 SOSIALURIN 121 15 JÓGVAN SKEEL NOLSØE F RUM er tónleikaverkætlan hjá songkvinnuni Jenný Augustudóttir Kragesteen, verkætlan hennara kann lýsast sum eitt samspæl millum tað tónleikaliga og tað visuella, listar­ liga. FRUM er umboðað av plátu­ felag­num Tutl, og hevur givið út fýra stakløg. Øll stakløgini eru væl um­tókt, hetta sæst aftur á nógvu av­spælingunum á eitt nú Spotify, Itunes og YouTube – m.a. hevur staklagið ‘Beat’ omanfyri 300.000 av­spælingar á miðlinum Spotify. FRUM trein inn á tónleikapallin í 2016, og kennir tískil væl til hvussu um­ráðandi tað er, at føra seg fram á talgildum stroymingstænastum, soleiðis at fólk varnast tónleikin hjá einum. -Eg byrjaði at geva tónleik út aftaná at stroymingstænastur sum Spotify og Itunes vóru komnar. So í roynd og veru kenni eg bara til tað, og tað hevur eisini loyst seg væl hjá mær. Serliga tí at Tutl, sum umboðar meg, hevur eitt gott samstarv við fólk, sum arbeiða innan hetta, fólk sum eitt nú gera playlistar á Spotify, sigur Jenný. Nýtir YouTube sum miðil at fevna um tað visuella Um ein hevur upplivað tónleikin hjá FRUM til eina beinleiðis fram­ førslu ella sæð eitt videolag til eitt av stakløgunum, so sær ein skjótt at nógvur dentur er lagdur á tað visuella. Tónleikurin skal virka fangandi, men tað skal eisini verða pláss til at leiða fólk inn í ein visuellan myndaheim. Av tí at Spotify miðilin bert er ein stroymingstænasta fyri tónleik, so er tað neyðugt at nýta aðrar miðlar fyri at fáa tað visuella sjónarhornið inn, eitt nú er YouTube miðilin væl egnaður til júst hetta, og tað gagn­ nýta Jenný og FRUM eisini. -Fyrst og fremst geri eg tað, tí at tað visuella hevur so nógv at siga fyri meg og tað hevur nógv at siga fyr heildina á verkinum. Eisini fyri at fólk kunnu leggja merki til ein og síggja, at eg eri meira enn bara tón­leikurin, tað trúgvi eg at fólk minnast betur. JOGVANSKEEL@SOSIALURIN.FO KENNIR BERT TIL TANN TALGILDA TÓNLEIKAHEIMIN SUNLEIF Á VIÐURKENDUM PLAYLISTA PÆTUR HJALMAR EVENSSON A t koma á Composer Weekly er ein viður­ kenn­ing í sær sjálvum, tí Composer Weekly brúkarin á stroymingstænastuni Spotify hevur næstan 24.000 fastar fylgjarar. Síðan playlistin av Sunleif Ras­ mussen hjá hesum brúkaranum varð kunngjørdur fyri 10 døgum síðani, hevur Sunleif Rasmussen merkt ein ávísan aktivitet um tónleikin hjá sær. Naxos of America, sum fæst við klassiskan tónleik, hevur m.a. víst áhuga fyri tónleikinum hjá honum, og hann er yvirraskaður av at vera komin á Composer Weekly playlistan. - Eg eri øgiliga yvirraskaður og fegin um hatta. Eg vildi ikki trúð, at tað vóru so nógv, sum lurtaðu eftir tónleikinum hjá mær. At koma á handan listan vísir, at fólk hava lurtað, sigur hann. Kann fáa góða ávirkan Sjálvur ásannar Sunleif Ras­mus­ sen, at hann ikki kennir so væl til Spotify og stroymingstænastur, men hevur tí spurt seg fyri hjá serkønum, um hvat hetta kann merkja fyri hann. - Tað kann jú merkja, at fleiri fara at lurta, og sum eg skilji, so kann hatta gera, at eg fari at fáa fleiri bíleggingar. Men fyri Sunleif Rasmussen geva hvørki fløgusøla ella stroyming av tónleiki nakra serliga inn­tøku. - Hvørki stroyming ella fløgusøla gevur nógvar pengar fyri okkum, sum eru í klassiskum tónleiki. Eg tjeni pengar, tá mín tónleikur verður spældur á konsertum, útvarpinum og sjónvarpinum, sigur Sunleif Rasmussen og leggur aftrat, at hann tjenar mest, tá hann fær honorar fyri verk, sum fólk bíleggja frá honum. Tølini av lurtingum, sum Tutl hevur atgongd til, vísa, at dagin eftir, Sunleif kom á hendan playlistan, fekk hann umleið 5.000 stroymingar í einum. Beint áðrenn lá talið undir 15 avspælningar um dagin. Tutl hevur bara givið ein part út av tónleikinum hjá Sunleif Rasmussen, og í dag er tað Dacapo Records í Danmark, sum gevur hansara verk út. Hesi tølini síggjast ikki í hagtølunum hjá Tutl, og tí kann roknast við, at samlaða talið er væl hægri. PATURE@SOSIALURIN.FO Tað kom óvart á tónaskaldið, Sunleif Rasmussen, tá 30 verk hjá honum fingu pláss á viðurkendum talgildum playlista fyri klassiskan tónleik