hósdagur 6. desember 2018síða 8

FRÍGGJADAGUR 7. DESEMBER 2018 SOSIALURIN 142 8 ver­andi retorikkin um ferða­ vinnu­na í Føroyum, sum var merkt­ur av ónøgd. - Mann loysir øgiliga fáar trupul­leikar við at brokka seg í fjøl­miðlum og sosialum miðlum. Mann loysir trupulleikar við konkret­um arbeiði, sum krevur eldhuga og nógva tíð og orku, sigur Guðrið Højgaard. Útlendsk ferðaráð eru imponerað Sigast má, at arbeiðið hjá Visit Faroe Islands hevur verið effek­ tivt, tí ferð eftir ferð vinna tey al­tjóða virðirslønir fyri síni átøk, sum eru í heimklassa. Fíni heiðurin í Politico 28 til Guðrið Højgaard er í øllum førum ein stað­festing av, at hon og Visit Faroe Islands hava gjørt okkurt rætt. Ein av grundgevingunum til heið­urin er, at Guðrið Højgaard hevur eina størri avbjóðing enn aðrir stjórar í øðrum ferða­ ráð­um. Hon skal ikki bara fáa ferðafólk til Føroya – hon hevur fyrst skulað sett Føroyar á heims­kortið. At hetta arbeiðið hjá Visit Faroe Islands hevur borið á mál, upplivdi Guðrið á til­takinum í Brússel í vikuni, har makt-elitan í Evropa var samlað til avdúkingina av Politico 28 lista­num. - Har vóru 150 fólk bjóðað til tiltakið, og eg tosaði ikki við ein einasta persón, sum ikki visti, hvat Føroyar var. Eg haldi ikki, eg yvirdrívi, um eg sigi, at eini 20 av teimum høvdu antin akkur­ át verið í Føroyum, ella ætlaðu tey sær, ella høvdu tey vinfólk, sum júst høvdu verið í Føroyum, for­telur Guðrið Højgaard, sum eisini sigur, at hetta er ein stór broyting í mun til fyri fáum ár­ um síðan. Hetta er beinleiðis effekt av arbeiðnum hjá Visit Faroe Islands á sosialu miðlun­ um. Ferðaráð í øðrum londum seta seg ofta í samband við Visit Faroe Islands, og spyrja, hvussu mann í Føroyum við so fáum fólk­um megnar at bera eina so posi­tiva ferðavinnu. - Vit hoyra dagliga frá fólki, sum eru imponerað av, at vit eru so smá og hava tann kvalitetin á tí, sum vit gera. Í dag er tað ikki so, at vit seta okkum í samband við ferðaráð sum Visit Copenhagen ella Visit Denmark fyri at spyrja, hvussu tey gera. Tað er umvent. Tey spyrja okkum, hvussu vit gera fyri at vera so sjón­lig á sosialum miðlum og vin­na allar hesar virðislønirnar, for­telur ný­ út­nevndi oyggja-evangelist­ur­in. - Tað er rættiliga paradoksalt, at lítlibeiggi knappliga hevur fing­ið eina sovorðna positión, sigur hon. Ferðavinnan heldur vinnuni og fólkatalinum uppi Guðrið Højgaard sigur, at stóra upp­merksemið um Føroyar í út­ lendskum miðlum hevur gjørt Før­oyar til eitt kul stað – bæði fyri ferðafólk og føroyingar. Ferða­vinnan skapar ein eftir­ spurn­ing úti frá, sum ger, at tað verður eitt størri grundarlag hjá føroyskum vinnufyritøkum at vera til. - Vøksturin ger, at tað kunnu vera nógv fleiri veitarar, sum kunnu bjóða ymsar vørur út. Hetta veri seg eitt nú matstovur, kaféir, upplivingar og listafólk. Í fleiri av teimum fínaru mat­ stovun­um í Føroyum eru millum 40 og 80 prosent av gestunum ferða­fólk. Um mann ikki hevði eina ferðavinnu, so høvdu allar hesar matstovurnar ikki klárað seg, og mann hevði ið hvussu er havt nógv færri, sigur Guðrið Høj­gaard. Tann globali trendurin er, at fólk flyta frá útjaðaranum og inn til býirnar, og áðrenn Visit Faroe Islands varð sett á stovn, var fólkafráflytingin stóri dis­ kurs­urin í Føroyum. Men nú er gongdin av álvara broytt, og hetta er sambært Guðrið m.a. orsakað av ferðavinnuni. - Við ferðavinnuni kunnu vit skapa nøkur onnur størv enn størv í fiski- og alivinnuni, og hetta eru fortreytir fyri, at ungir før­oy­ingar vilja flyta heimaftur eftir loknan lestur. Tað er meira hugaligt at búgva í einum staði, har ferðavinnan blómar. Mann fær eitt størri útboð til tey lokalu, og tað er tað, vit síggja í Før­oy­um, sigur hon. - Tað er einki, sum ger meg glað­ari, enn at hoyra positivar søg­ur frá ungdóminum, sum velir Føroyar til, ella frá t.d. lista­fólkum, sum selja sína list til ferðafólk. Góðar vónir um framtíðina Guðrið Højgaard hevur góðar vón­ir um føroysku ferða­vin­nu­ na, og serliga gleðist hon um, at Visit Faroe Islands í 2018 hevur fingið eina nýggja menn­ingar­ deild, har tvey fólk eru sett í starv, sum hava ábyrgd fyri inn­ lendis ferða­vinnu­menn­ing­ini. - Vit arbeiða full drøn á kassan við at gera eina menn­ ingar­strategi, sum verður liðug í februar. Har koma vit at gera nógv innlendis fyri at fáa eina so burðardygga ferðavinnu sum møgu­ligt, soleiðis at so nógv fólk, sum gjørligt, kunnu tjena uppá ferðavinnuna í Føroyum, sig­ur Visit Faroe Islands stjórin. Tey 28 fólkini á listanum hjá Politico verða sum sagt mett at “skapa, rista og førka” Evropa í næsta ár. So er spurningurin - hvus­su kemur Guðrið Højgaard at gera hetta? - Tað er ein góður spurningur, flenn­ir hon. Eg ynski, at Føroyar skal vera livandi og eitt gott stað at vera og fari at halda fram við at gera mítt besta fyri at fáa so nógv sum møguligt burt­ur­ úr ferðavinnuni, sigur Guðr­ ið Højgaard, sum væntar, at vaksandi uppmerksemið um Føroyar fer at lata fleiri hurðar upp, so nýggir útlendskir aktør­ ar fara at seta sjóneykuna á Før­ oy­ar innan heilt stutta tíð. PATURE@SOSIALURIN.FO Guðrið Højgaard er á Politico 28 í selskapi við fólk sum Jeremy Corbin, formanni í bretska Labour, Niklas Zennström, sum stovnaði Skype og Pedro Sánchez, forsætisráðharranum í Spania. Nummar 1 á listanum er Matteo Salvini, varðaforseti í Italia MYND: TRÓNDUR DALSGARÐ PERSÓNSSØGA: Guðrið Højgaard