hósdagur 14. februar 2019síða 6

FRÍGGJADAGUR 15. FEBRUAR 2019 SOSIALURIN 19 6 ÓLUVA NATTESTAD S øgan um Robert Thom­ sen vitnar um, at ein­ faldar dygdir sum arbeiðs­semi og trúfesti kunnu løna seg og føra nógv við sær. Aftaná at hava starvast í somu fyritøku í nærum tvey ára­ tíggju er bert 37 ára gamli Robert Thom­sen settur í starv sum samtaksstjóri fyri rakstur og HR í Arp-Hansen Hotel Group, sum er størsta hotelketa í Danmark mált upp á umsetning. Tað hevur kravt nógv arbeiði at koma hartil, men Robert hevur ongantíð ligið á løtu síðuni. Barnaskógvarnar sleit hann í kioskini hjá móðurini Mary Thomsen, sálu, beint við fót­bóltsvøllin í Norðragøtu, har hann longu sum smádrongur slapp at hjálpa til. Á tann hátt kom tænastuhugurin og virkis­ fýs­ni so at siga inn við móður­ mjólk­ini. – Mamma mín var øgiliga ágrýtin og virkisfús, og av tí sama sá eg nógv upp til hana. Hon setti krøv til mín frá eg var heilt ungur. Eg minnist til dømis, at hon legði serliga stóran dent á, at eg var tænastuhugaður, og at eg tók arbeiðið í álvara. Eg skuldi síggja hampiligur út og so framvegis. Hjá mær var tað var bara ein partur av gerandisdegnum at hjálpa til í kiosk­ini, men tað at eg byrjaði tíð­liga at arbeiða og slapp at fáa ábyrgd, tað hevur havt stóran týdning fyri meg, sigur Robert og heldur fram. – Eg lærdi nøkur grund­ leggj­andi ting, og at tað var um­ráðandi, at man altíð gjørdi sítt besta. Sjálvt um tað er stór­ur munur á at standa í einari kiosk í Norðragøtu og einum fýrastjørnaðum hotelli í Keyp­mannahavn, so eru somu treytirnar galdandi óansæð, hvat starv tú hevur ella hvørjari vinnu tú ert í. Aftan á 8. flokk fór Robert niður til Danmarkar á eftirskúla at gera fólkaskúlan lidnan. Fyrst gekk hann sum fleiri aðr­ ir føroyingar á Frydensberg í Mariager, ið hoyrir undir hvítu­ sunnurørsluna. Hereftir gekk hann eitt ár á kristna eftir­skúla­ num Alterna. Partur av skúla­ gongdini var, at næm­ing­arnir sjálv­ir skuldu arbeiða fyri at spara upp til uttanlandsferðir. – Tað var umráðandi, at for­ eldrini ikki skuldu gjalda ferð­ina fyri okkum. Tí arbeiddi eg einar tríggjar mánaðir á flaka­virki­ num í Gøtu fyri at spara upp til eina ferð til Suðuramerika. Tað var sunt hjá mær at koma vekk heimanífrá og blíva meira vaksin. Frá tænara til hotellstjóra Robert fór tó heim aftur til Før­ oyar í 1998 at taka HF-út­búgving í Kambsdali. Í 2000 bleiv hann liðugur, og sama ár flutti hann niður at lesa pedagogik og sálar­ frøði á universitetinum í Keyp­ mannahavn. Við síðuna av les­ naði­num arbeiddi hann sum tænari á hotellinum 71 Nyhavn. Robert ímyndaði sær, at hann skuldi arbeiða við børnum, men aftan á bert eina lestrarhálvu visti ungi gøtumaðurin, at hann skuldi okkurt annað. – Hotellvirksemi kveikti okkurt í mær tá, so eg gavst at lesa og byrjaði at arbeiða fulla tíð sum tænari. Tað kom tó til tað, at eg mátti taka støðu til, um eg vildi í læru sum tænari ella um eg skuldi fara ein annan veg. Tá fann eg útav, at eg vildi meira og eg var forvitin eftir at sleppa at royna okkurt nýtt innan hotellvirksemi. Aftan á síðulopið frá lesnaði­ num hevur tað bara gingið ein veg hjá Robert – uppeftir. Aftan á nøkur ár í tænarastarvinum bjóð­aði hann seg fram at fáa vaktir í hotellmóttøkuni, og arbeiðið var at byrja við sjálv­ boðið. Robert lærdi skjótt manna­gongdina og bleiv eftir eina tíð resep­tion­istur og seinni reseptións­stjóri. Eftir at hava starvast á 71 Ny­havn í átta ár bleiv hann vara­stjóri á hotellinum, og kom sostatt í læru hjá hotell­ stjóranum. Her før­leika­menti hann seg sum leiðari, og sum bert 29 ára gamal bleiv hann sjálvur stjóri á minsta hotellinum í sam­ takinum, Hotel Opera. Vendi milliónaundirskoti Frá Hotel Opera arbeiddi hann seg víðari uppeftir og fekk al­ samt meira ábyrgd. Í 2011 slapp hann veruliga at prógva sín dugna­skap, tá hann fekk til upp­gávu at standa á odda fyri at venda gongdini á fýrastjørnaða Imperial Hotel, sum tá gav millión­a­undirskot. Tað innibar millum annað at koyra 35 fólk. – Matstovan hjá okkum gav stórt undirskot, so vit koyrdu øll starvsfólkini og fingu ein uttan­ hýsis veitara at reka hana. Tað var ein lítið hugalig, men neyðug av­gerð. Tað sum var umráðandi fyri meg var, at vit fingu útveitt tær uppgávurnar, sum ikki vóru partur av kjarnuvirkseminum, sum er at veita kømur til kundar okkara. Úrslitið varð betrað við 72 pro­sentum bara í tíðarskeiðnum 2011-2014, og síðan hevur positiva gongdin hildið fram. Sostatt bleiv milliónaundirskotið vent til stórt yvirskot. Í fjør summar kom Robert í ovasta leiðslulagið hjá Arp- Han­sen Hotel Group. Formliga heiti er COO, Chief Operating Officer, sum kann umsetast til samtaksstjóra við ábyrgd fyri rakstur og HR. Nú situr hann á høvuðsskrivstovuni og er við til at menna og leggja lang­tíðar­ætlanir fyri samtakið, sum í dag umfatar 13 hotell við 4.350 kømr­um og millum 800 og 1000 starvs­fólk. Nýggjar avbjóðingar F e r ð a v i n n a n í Danmark og serliga Keypmannahavn er í stórum vøkstri, og hendan gongd­in førir bæði møguleikar og av­bjóðingar við sær. Alsamt fleiri fólk gista á hotellum, og prísirnar eru seinastu árini farnir stútt upp, hóast stórir Robert Thomsen: – Bert 37 ára gamal bleiv gøtumaðurin Robert Thomsen samtaksstjóri við ábyrgd fyri rakstur og HR í størstu donsku hotellketuni, Arp-Hansen Hotel Group, har hann hevur arbeitt nærum helmingin av lívinum TÆNARIN SUM BLEIV SAMTAKS­STJÓRI Ein ungur Robert á veg til Suðuramerika PERSÓNSSØGA: Robert Thomsen