hósdagur 21. februar 2019síða 13

FRÍGGJADAGUR 22. FEBRUAR 2019 SOSIALURIN 22 13 Koks er ein góð søga at fortelja Tey vóru hjartans fegin á Visit Faroe Islands, tá ið Koks fekk sínar tvær Michelin-stjørnur í vikuni ÁRNI GREGERSEN - Fólk eru imponeraði av, at vit kunnu hava eina matstovu á hes­ um støði – vit sum bert eru gott 50.000 fólk. Guðri Højgaard, stjóri á Visit Faroe Islands, fegnast saman við okkum øllum um, at Koks í vik­uni fekk tvær stjørnur í Mich­ elin-guidinum. - Hetta hevur ómetaliga stór­ an týdning, tá ið vit skulu branda Før­oyar og miðla okkara søgu, sig­ur hon. - Í fjølmiðlaarbeiðnum hjá okk­um er tað av alstórum týdn­ ingi, at vit hava eina góða søgu at for­telja. Koks er ein forvitnislig søga, sum samantvinnar so nógv: rá­vøru, ferðavinnu, mentan og design. Hon sigur, at fyri Visit Faroe Islands kemur tað væl við, at Koks fevnir so breitt, tí so skapar tað eisini stóran áhuga. Tá ið matstovan fyri tveimum árum síðani fekk eina stjørnu, merktist tað eitt sindur í hagtølunum. - Men tað er eitt serproddukt. Matstovan hevur pláss til eini 25 gestir hvørt kvøld, so í hag­tøl­ unum sæst tað kanska ikki so væl, men fólk undrast á, at tað ber til at hava eina slíka mat­ stovu í Føroyum, sigur stjórin í Visit Faroe Islands. Visit Faroe Islands arbeiðir við at miðla søguna um Føroyar. Í fjør høvdu tey umboð fyri 250 út­lendskar miðlar á vitjan í Før­ oyum. - Nógv av teimum vilja eisini for­telja søguna um Koks og tað er ein góð søga at fortelja kring heim­in, sigur Guðri Højgaard. Í heimsflokki Guðri Højgaard sigur, at Koks sjálv­andi nú er í heimsflokki. Mat­stovvan verður eisini í stór­ an mun brúkt í brandingini av Før­oyum. - Tað gera vit alla tíðina, sigur hon. Í næstu viku skipar Visit Faroe Islands fyri einum tiltaki í New York Har er Koks við og stendur fyri matinum, meðan Marius Ziska stendur fyri tónleikinum. Guðri Højgaard sigur, at tá ið føroyska matstovan fekk sínar tvær stjørnur í Århus, tá var tað ein góður og stórur dagur fyri Føroyar sum ferðamannaland. - Vit jublaðu saman við øllum føroyingum, sigur hon Ein slík hending frættist víða og hon ivast ikki í, at hetta fer at gera, at uppaftur fleiri ferðafólk fara at leita sær hendan vegin. Í ferðafólkavinnuni eru tey fult greið yvir, at nú á døgum er tað ein hópur av vælhavandi ferða­fólkum, sum ferðast kring heim­in at royna tær bestu mat­ stov­urnar. Í Føroyum hava vit hoyrt søg­ ur um ríkfólk, sum koma hendan veg­in í privatum flogførum, bert fyri at eta á Koks. Summi teirra nýta so høvi at vitja onnur støð í Føroyum. Eitt avkast av, at vit hava eina matstovu á so høgum støði, at hon dregur ferðafólk hendan­ vegin. Visit Faroe Islands hevur mið­ víst seinastu árini arbeitt fyri at vaksa um ferðafólkavinnuna.I løtuni verður sagt, at ferðavinnan hevur ein umsetning uppá einar 600-800 milljónir krónur um árið. Nýggi málsetningurin er, at um­setningurin av ferðavinnuni kom­andi árini skal fara uppá 1,5 milljard krónur. Viðurkenningin av Koks er ein stórhending, sum gera tað lættari at fortelja søg­una um tær 18 oyggjarnar í Norð­uratlants­ hav­inum. Góð 50.000 fólk, sum kortini eru í fremstu røð.