mánadagur 4. mars 2019síða 6

Mánadagur 4. mars 2019 · Nr. 26 6 Sosialurin Hugskot og viðmerkingar – send sms til 225000 VOLKSWAGEN HELDUR STØÐUNA Aftur í februar og eisini higartil í ár er Volkswagen mest seldi bilur í Føroyum. Tað vísa hagtøl frá Akstovuni, sum hevur gjørt upp støðuna, nú fyrstu tveir mánaðirnir eru farnir av árinum. Volkswagen, sum var mest seldi bilur í Føroyum í fjør, liggur á fyrsta plássið við 63 seldum bilum. Á øðrum plássi kemur Renault við 55 og Toyota á triðja plássi við 50 seldum bilum. Rættuliga fitt av fólki hevði leitað sær í Gamla Seglhúsið í gjár, tá listaframsýningin við Arnold Vegghamar lat upp. Hanna Jensen, lands­stýr­ is­kvinna bar fram eina røðu, sum her verður endurgivin: »Arnold Vegghamar, fødd­ ur í 1937, vaks upp á vøkr­um stað, eitt stað, sum er grund­ in, hann byggir sína list á – bæði tað fysiska staðið, men eisini andaliga jørðildið, hann sprett­ur úr – hesi hevur hann vov­ið inn í málningar sín­ar á bæði livandi og still­ an, men víðgongdan hátt fram til hendan dag: Hamrarnir, hagagrótið, bát­ar­nir, Fugloy, mølin í Eiðs­ vík, húsfólkini, drýlurin, hug­ burð­ur og handalag teirra, ið sleptu, lokala jarðarferðin, grind­a­drápið, havið, hagin og ljós­ið, lýsið og litirnir, so­ leiðis sum hesi hava fest seg í hansara djúpt listarligu sál. Arnold var fyrst sjómaður og lærdi so handverk, men eg og mong við mær kenna hann best sum listamann, sum hann jú eisini er fyrst og fremst. Og hóast eg yndi hans­ara lyst, so er dagurin í dag og framsýningin her í Segl­hús­i­num mítt fyrsta høvi at hitta listamannin. Tí eri eg enn meira takksom at kunna siga nøkur orð til hesa fernisering. Sambært bókini um Vegg­ ham­ar, sum kom út á Lista­ savni Føroya í 2010, og sum Dagmar Warming skriv­aði, so hevur Arnold mest sum ongan av heimsins stóru myndlistamonnum sæð við egnum eygum, tó hann er ein av teimum sjálv­ur. Eg hugsi sjálvandi um kendu málningarnar eft­ir Van Gogh og t.d. fronsku im­press­i­on­ist­ arnar, sum ferða­fólka­hóp­ar­ nir valfarta til á hvørjum ári í Wash­ington, New York, París, Amst­erdam og aðrastaðni. Hetta er fyri mær eitt prógv um, hvussu sterk list er, og hvussu hon ikki for­nokt­ar seg sjálva, men sprík­ir fram í teimum, sum eru borin til at bera hana fram. Tí hvør kundi spátt, at hes­in Norðoyasonur, sum eins og hinir fór til sjós um fermingaraldur, skuldi ger­ast so sannførandi amboð list­ ar­innar? Tó, móðurin kendi við­kvæma sinnið, sum tykist vera treyt fyri at kunna lata upp á víðan vegg fyri sannari skap­an. Longu í 1957 sýndi Vegg­ hamar fram í Havn á ólav­ søku­fram­sýningini, og her standa vit í Klaksvík ein fagr­ an sunnudag í mars í Harrans ári 2019. Viðareiðismálarin hev­ur sostatt verið virkin al­ ment í skjótt 62 ár! Og tá hann búði burturi í Keyp­mannahavn og í Havn, kom hann nógv meira sam­an við listafólki í dagsins verki og nógv minni út til fram­ sýn­ingar; og tað tykist sum hann heldur seg til skap­ an­ina, hann er kallaður til - held­ur hondini á plónni og hygg­ur ikki aftur um seg, og rund­an um seg, men fram! Og kom fyri 20 árum síðani aft­ur til heimbygdina at búgva og virka. Hann hevur fingið und­ir­ vísing og hevur havt atgongd til heims­ins list og listasøgu, ser­liga gjøgnum bókaverk og sam­skifti, men hann er ann­ ars einastandandi – bæði meðan hann arbeiðir og í m.a. sínum litavali, har hann endurskapti føroyska lands­ lags­máln­ingin, og livir í fleiri týdn­ing­um tætt at sínum mynd­evnum og sínum verk­ um. Menniskju eru fá í hans­ ara samlaða listaverki – tey nærmastu og onkrar serligar hend­ingar í bygdini, eins og fuglaveiða, fiskiveiði , grind og berjadagar, sum eru fólk­ a­lív, eru við, men annars eru tað grótið, bátarnir og húsini á løriftinum, sum spæla leik­ lutin sum persónligheitir. Og júst tað gera tey: klóku ella innhugsandi húsini við fót­in á Malinstindi, spelknu bát­ar­nir á Eiðsvík við mølini í for­sýni og Fugloy í baksýni, tesk­andi hagagrótið í mongu æv­in­týrkendu høgum lørifts hans­ara, men eisini hin eins­ ligi varðin – hvat er tað hann sig­ur? Viðareiði fostraði soleiðis ein son, hvørs navn er tætt knýtt at myndevnunum, homr­unum, sum hann hevur mál­að úr ymiskari frásjón, við ymsari tøkni og heilt ym­isk­um fangandi litum gjøg­n­um árini. Eina rødd mynd­ar­innar, sum viðhvørt syng­ur duett við hin eisini ný­brótandi bygdamannin, skald­ið Chr. Matras. Eg hugsi um orðini: “Nú dimmir í blánandi líð­um”, “Og fjallið hvílist í kvirru” og “Nú skýmir um røk­ur og líðir”. Eisini hugsi eg um tónan og bygdalívið í yrkingini “Einki er sum summarkvøld við strendur”.« Eftir hetta frumfamførdi Rani Nolsøe spildurnýtt lag og bjóðaðu vertirnir annars lætt­ari ábit og okkurt lesk­ andi afturvið. Somuleiðis kundu øll njóta høvi at skoða teir 36 oljumálningar, sum Arn­old so hegnisliga hevur greitt úr hondum. Framsýningin, sum er ó­keypis at vitja, hongur uppi í allan mars mánaða og er opin mánadag til fríggj­a­dag frá 14:00 til 17:00 og sunn­u­ dagar frá klokkan 14:00 til 19:00. Arnold Vegghamar – Listamaður frá norðastu homrum Føroya søkir eftir journalistum – at byrja skjótast gjørligt í fulltíðarstarvi UM STARVIÐ Sum journalistur í Miðlahúsinum arbeiðir tú við at gera tilfar til ymisku miðlar okkara, fyrst og fremst Sosialin og in.fo. Tú dekkar tað, sum hendir og er vakthundur í samfelagnum. Tú verður partur av eini dynamiskari redaktión, sum arbeiðir við tíðindum at kalla allan sólarkringin. Tað er ein fyrimunur, um tú hevur journalistiska ella aðra viðkomandi útbúgving. Tú skalt hava royndir við tíðindaflutningi, og tú skalt tora at avdúka tað, sum onnur vilja halda dult. Tú skalt duga føroyskt væl og virðiliga bæði í skrift og talu og duga at skriva lætt og livandi og gott føroyskt mál. Arbeiða í toymum VIT VÆNTA: • at tú brennur fyri tíðindaflutningi • at tú hevur dirvi og áræði í tínum arbeiði. • at tú ert málsliga væl fyri • at tú hevur góðan telduførleika • at tú dugir og tímir at arbeiða sjálvstøðugt • at tú dugir at halda høvdið kalt • at tú hevur høgt trúvirði og góðan kritiskan sans • at tú dugir at arbeiða undir trýsti • at tú dugir at gera av, hvat er viðkomandi tíðindaflutningur • at tú ert klár/ur, tá ein søga skal forteljast VIT BJÓÐA: • Eitt fjølbroytt og spennandi arbeiðspláss • Møguleika fyri í stóran mun at skapa tín egna arbeiðsdag • Góðar starvsfelagar • Eitt spennandi og áhugavert starv, har eingin dagur er líka • Eitt starv, sum gevur tær innlit í øll viðurskifti í føroyska samfelagnum • Føroya bestu plasering – í Vágsbotni í Havn. LØN OG SETANARTREYTIR Talan er um fulltíðarstarv. Starvið verður lønt sambært avtalu. Hevur tú spurningar kanst tú ringja ella skriva teldupost til Eirik Lindenskov, ábyrgdarblaðstjóra á Sosialinum á 216409 og eirikur@ sosialurin.fo Umsóknir skulu sendast til eirikur@sosialurin.fo Um Miðlahúsið Sosialurin, sum er komin út síðani 1927, kemur út tríggjar ferðir um vikuna, mándag, mikudag og fríggjadag. Mikudag verður Sosialurin borin í hvørt hús í landinum. Tíðindi á FM1 verða send gerandisdagar klokkan 11, 12, 15, 16 og klokkan 17. Miðlahúsið hevur eisini drúgvastu roydir við tíðindum á internetinum, sum hevur verið ein nátúrligur partur av redaktiónini síðani 1997. Miðlahúsið eigur tíðindaportalin in.fo, sum telist millum Føroya størstu tíðindasíður. Í Miðlahúsinum starvast um 25 fólk. Hanna Jensen, landsstýriskvinna í skúla- og undirvísingarmálum, setti framsýningina í Gamla Seglhúsinum í Klaksík við málningum hjá Arnold Vegghamar