hósdagur 14. mars 2019síða 3

FRÍGGJADAGUR 15. MARS 2019 SOSIALURIN 31 3 Torleif skal leiða tunnilsverkætlan - Einir 15 metrar kunnu borast og spreingjast um samdøgnið, tá arbeiðið gongur allarbest, sigur verkætlanarleiðarin VILMUND JACOBSEN M askin­verk­frøð­ing­ urin, Torleif Waag­ stein, hevur starvast hjá Articon í eini 7-8 ár, og tað verður hann, sum verður verkætlanarleiðari, nú farið verður undir tunnilsverkætlanina millum Hvalba og Trongisvág. Nú arbeiðstakarasáttmálin mill­um Articon og Landsverk varð undirskrivaður hósmorgunin, var Torleif Waagstein eisini við til løtuna. Hann var eisini verkætl­an­ar­ leiðari, tá Articon bygdi Viðar­ eiðis­tunnilin. - Hvalbiartunnilin verður ein­ ar 500 metrar longri enn Viðar­ eiðis­tunnilin. Tað tók 10 mán­aðir at bora Viðar­eiðis­tunn­ilin, og alt arbeiðið tilsamans tók umleið 23 mánaðir. Torleif Waagstein vísir á, at tá Viðareiðistunnilin varð bygd­ ur, var hann har norðuri ein­ar tríggjar dagar um vikuna, og nú farið verður í holt við Hvalbi­ar­ tunn­ilin, verður hann eisini javn­ an har suðuri. - Sum verkætlanarleiðari kanst tú ikki bara sita á skrivstovuni, tó at vit hava góðar arbeiðsformenn at skipa dagliga arbeiði, sigur hann brosandi. Avbjóðingarnar líkjast Eins og tá Viðareiðistunnilin varð bygdur, og neyðugt varð at flyta stórar maskinur við skipi, verður eisini neyðugt at flyta tær stóru maskinurnar til Hvalbiar við skipi. - Hetta er í sær sjálvum ein avbjóðing, men alt letur seg gera við góðari fyriskiping og góðum vilja, leggur verkætlanarleiðarin aftrat. Longdin á Hvalbiartunlinum verður 2,5 kilometrar. Haraftrat skal tilkoyringarvegur gerast Trongisvágsmegin á 0,9 kilometrar – og Hvalbiarmegin á 2,3 kilometrar. Samlaði kostnaðurin verður sambært verklagslógini 272 milj­ ónir krónur, og umframt ar­beiðs­ takaraútreiðslur, fevnir saml­aða játtanin eisini um eitt nú projekt­ er­ing, verkætlanarleiðslu, ráð­gev­ ing, eftirlit og el-arbeiðstøku. 15 metrar um døgnið Torleif Waagstein sigur, at tá sjálvt arbeiðið at bora Hvalbiartunnilin er komið í gongd, fara tvey borilið at arbeiða 10 tímar hvørt um sam­ døgnið. - Borað verður Hvalbiarmegin og móti Trongisvági, og vit kunnu rokna við, at tá arbeiðið gongur all­arbest, kunnu einir 15 metrar bor­ast og spreingjast á tveimum vakt­um. Verkætlanarleiðarin vísir á, at hvør boring er fimm metrar, men tað verður ikki hvørt samdøgur, at skotið verður tríggjar ferðir. - Tað er ov bjartskygt at rokna við, at hetta verður miðaltalið fyri hvørt samdøgur, sigur hann. Torleif Waagstein vísir á, at ætl­anin er at koyra grótið út um tunnils­munnan, tá skotið er, og síð­an verður grótið tikið morg­ un­in eftir. Lokalir eisini við Verkætlanarleiðarin væntar, at einir 30-50 mans verða knýttir at byggingini av Hvalbiartunlinum. - Vit kunnu rokna við, at liðini verða nøkulunda tey somu, sum bygdu Viðareiðistunnilin, og síðan vóna vit, at onkrir lokalir eisini koma at hjálpa okkum. Torleif Waagstein leggur dent á, at helvtin av arbeiðnum snýr seg um at leggja til rættis, og stórur dentur verður lagdur á trygdina. - Tíverri høvdu vit eitt óhapp, tá vit bygdu Viðareiðistunnilin, har ein maskina koyrdi á fótin á ein­um manni. Tað er greitt, at alt fer at verða gjørt fyri, at trygdin und­ir øllum arbeiðnum verður í há­sæti, sigur verkætlanarleiðarin. Hóvasták um onkrar formalitetir Tað dró eitt lítið sindur út, tá arbeiðstakarasáttmálin millum Landsverk og Articon skuldi undirskrivast á tíðindafundi hósmorgunin VILMUND JACOBSEN T á stjórin í Articon, Jón Sigurdsson, hevði nær­ lisið sáttmálan miku­ kvøldið, legði hann til merkis, at her var feilur í onkrari ”samanteljing”, sum hann tók til. Hann hevði roynt at fingið fatur í rætta viðkomandi hjá Landsverki, men tað hevði ikki eydnast honum mikukvøldið. Tískil gjørdi hann vart við hetta, áðrenn undirskriftirnar vórðu feldar á pappírið hósmorgunin. Talan var tó bara um onkrar formalitetir og okkurt tekniskt, sum tikið varð til, áðrenn part­ arnir skrivaðu undir. Eingin ósemja var kortini um tað, sum skuldi rættast í arbeiðs­ takarasáttmálanum, og virkandi stjórin í Landsverki, Árant And­ rias­son, syrgdi fyri, at nevndi formal­itetur varð rættaður í ein­ari nýggjari útskrift av sátt­ mál­an­um. Góður hýrur Á tíðindafundinum spurdi onkur í skemti Jón Sigurdsson, um tað kanska vantaðu nakrar milj­ónir í hansara parti í sátt­mála­papp­ ír­inum. - Nei, tað er ikki tað. Formal­ itet­urin ger okkum heldur tvær miljónir fátækari, svaraði hann líka so skemtiliga aftur. Tað var gott lag á Landsverki, tá arbeiðstakarasáttmálin um nýggjan Hvalbiartunnil við til­ koyr­ingarvegum varð und­ir­ skriv­aður. Av tinglimum úr Suðuroy vóru bæði Bjarni Hammer og Krist­in Michelsen við til løtuna. Kristin Mikkelsen duldi ikki fyri, at ein nýggjur Hvalbi­ar­ tunnil heilt síðan 2011 hevur verið eitt av hansara hjartamálum. Torleif Waagstein var verkætlanarleiðari, tá Articon bygdi Viðareiðistunnilin, og nú skal hann leiða stóru verkætlanina við nýggjum Hvalbiartunli Virkandi stjórin í Landsverki, Árant Andriasson og stjórin í Articon, Jón Sigurdsson, hava skrivað undir arbeiðstakarasáttmála. Millum teir báðar stendur Heðin Mortensen, landsstýrismaður í samferðslumálum