hósdagur 28. mars 2019síða 33

VINNUBLAÐIÐ HJÁ MIÐLAHÚSINUM 9 Mars 2019 29 skipið kom í 1966, síggja vit, at talan er um 20 skip tilsamans. Í yvirlitinum niðan fyri sæst eisini, hvussu leingi hvørt skipið var partur av fyritøkuni, og her sæst eisini, hvørji skip framvegis sigla fyri Frakt og Sand. Í røðini – alt eftir, nær skipini eru komin – er raðfylgjan henda: Pilot (1966 -1968) Rókur (1968-1973) Ása II (1973-1976, sakk á Skálfjørðinum í 1976) Burgundia (1976-1989) Havsand (1985-2005) Burgundia II (1987-2000) Bulk Sky (1999-2008) Burgundia (2000-2013) Havsand (2004-2008) Havfrakt 2005 (hava skipið enn) Hav Tind 2007 (hava skipið enn) Hav Sund (2008-2013) Hav Nes 2010 (hava skipið enn) Hav Sand 2011 (hava skipið enn) Hav Sund (2013-2015) Hav Streym 2013 (hava skipið enn) Hav Atlantic 2015 (hava skipið enn) Hav Nordic 2017 (hava skipið enn) Hav Skandic 2017 (hava skipið enn) Hav Saga 2018 (hava skipið enn) Umleið 105 sjófólk Vit hava spurt Álv Højgaard, hvussu virksemið hjá Frakt og Sand meira ítøkiliga sær út í dag? - Umframt okkara níggju skip, hava vit trý onnur skip í sigling. Stjórin vísir á, at siglingin í dag er sera ymisk, men høvuðsvirksemi er flutningur av ymiskum mjøli, eitt nú fiskamjøli, soya og hveit til framleiðslu av alifóðuri. Stjórin sigur, at aðrar uppgávur hjá skipunum er at sigla við eitt nú sandi, endurnýtslujarni frá hús­ar­ haldum, vørum til taðing og mong­ um øðrum. Umleið 105 sjófólk eru knýtt at skipunum hjá Frakt og Sand. Tey níggju skipini hjá felagnum hava hesi lastaevni, sett í raðfylgju eftir stødd: Hav Tind (1150 tons), Hav­ frakt (1350), Hav Sand (1600), Hav Nes (2800), Hav Nordic (2800), Hav Skandic (2800), Hav Saga (2800), Hav Streym (3150) og Hav Atlantic (3750 tons). - Siglingarøkið hjá okkara skipum er úr norðara parti av Fraklandi, Belgia, Hálandi, Týsklandi, Danmark, Pól­landi, Baltisku londunum, Svøríki, Noregi, Bretlandi, Føroyum og Íslandi. Álvur Højgaard sigur, at umframt tey 105 sjófólkini, sum eru knýtt at skipunum, starvast átta á skriv­stov­ uni í Runavík og fimm fólk í Flekke­ fjord í Noregi.   Virksemið fimmfaldað Vit spurdu eisini stjóran, hvussu gongdin hevur verið í virkseminum seinnu árini? - Jú, her mugu vit ásanna og gleðast um, at Frakt og Sand hevur verið fyri stórum vøkstri seinastu 10 árini. Hesi árini er vøksturin á umsetningi, starvsfólkum og kapas­ it­etinum hjá skipunum fimm fald­ aður. Men, hvussu hava so lágu olju­ prís­irnir, sum verið hava í nøkur ár, ávirkað virksemið hjá felagnum? - Vit hava ikki mert so nógv til, at oljuvinnan hevur havt tað trupult seinastu árini. Vit hava kunna keypt olju nakað bíligari, men samstundis er norska krónan sera veik. Okkara virksemi er ikki beinleiðis knýtt at oljuvinnuni, men sjálvandi hava mink­andi ringvirkningarnir ávirkað nakað. Hvussu er so støðan í teirri vinnu, sum Frakt og Sand arbeiðir í, og hvørji eru útlitini? - Alivinnan hevur verið nokso støð­ug seinastu árini, og vit vænta tískil ikki nakra serliga upp-ella nið­ ur­gongd í nærmastu framtíð, sig­ur Álvur Højgaard. Tað er hørð kapping Nú virksemið hjá Frakt og Sand er vaksið so nógv seinastu tíggju árini, spurdu vit eisini, hvørjar væntanir eru fyri tey komandi árini – um væntandi er, at felagið fer at veksa enn meira í sjóvinnupartinum. - Vit hava ikki nakrar beinleiðis ætlanir júst nú, men vit fylgja sjálv­ andi við, hvat hendir á marknaðinum. Álvur Højgaard sigur, at tað eru ikki stórir marginalar í teirri vinnu, sum Frakt og Sand arbeiðir í. - Kappingin er hørð, og okkara størstu kappingarneytar eru út­ lendsk reiðaríir, sigur stjórin. Frakt og Sand hevur verið fyri stórum vøkstri seinastu 10 árini. Hesi árini er vøksturin á umsetningi, starvsfólkum og kapasitetinum hjá skipunum vorðin fimm faldaður Frakt og Sand eigur níggju skip, og haraftrat umsitir felagið trý onnur skip. Hetta er Hav Nes, sum felagið keypti í 2010 og sum lastar 2800 tons