hósdagur 25. apríl 2019síða 15

VINNUBLAÐIÐ HJÁ MIÐLAHÚSINUM 7 apríl 2019 26 Danmark størst av norður­londum Av norðurlondum er Danmark langt fremst á ferðavinnuøkinum, tá ið hugsað verður um tal av gistingum, og øll arbeiðsplássini sum ferðavinnan skapar. Hagtøl frá Horesta vísa, at í 2018 gistu 27,5 milliónir útlendsk ferðafólk í Danmark. Í Norra, Svøríki og Finnlandi var talið av útlendskum gistingum 34 milliónir tilsamans. Talið av útlendskum gistingum vaks við 3,2 prosentum í Danmark í fjør. Miðalvøksturin fyri øll norðurlondini var 4,4 prosent. Tað vaks eisini í hinum norðurlondunum, og í Svøríki vaks talið við 7,2 prosent. Men enn er langt upp til talið av gistingum, sum Danmark hevur. Tølini í Føroyum, sum Hagstovan hevur, vísa, at útlendskar gistingar hækkaðu við 3.948 frá 2017-2018. Tilsamans vóru 119.511 útlendskar gistingar í Føroyum í fjør. Í prosentum svarar vøksturin til 3,4 prosent. – Tað eru fleiri parametur. Tað er part­víst neyðugt við eini sera góðari markn­að­arføring. Tú skal hava gott ferða­sam­band og flúgvarar, sum kunnu flyta ferðafólkini til og frá. Tú skal hava góð gistingarhús og góðar mat­stovur. So skalt tú eisini hava eina sera góða vøru. Tú skal hava nak­að unikt og fortelja gestunum tær góðu søgurnar. Katia vísir á, at leggingarprosentið á hot­ell­u­num í Keypmannahavn í dag er á 80 prosentum, og tað er sera høgt. – Tað vil eisini siga, at vit hava fleiri tíð­ar­skeið á árinum, har alt er út­selt. Tað er ikki bara í Føroyum, at nýggj gistingarhús verða bygd, fyri at fáa pláss fyri øllum ferðafólkunum. Í Dan­mark verður nógv útbygt. – Tað verða nógv nýggj hotel bygd í løtuni í Danmark. Hotelkømrini fara at vaksa fram móti 2021 við 50 pro­sent. Hetta er ein sera stór út­ bygg­ing, sigur Katia. – Men vit síggja eisini, at um vit fáa lut í tí vøkstrinum, sum er innan ferða­vinn­una í heiminum, so skulu vit eisi­ni megna at fylla hotelkømrini, sigur Katia. Ynskja somu treytir Tað eru ikki allir gestirnir, ið liggja nátt á gistingarhúsum. Nógvir nýta Air­bnb og aðrar líknandi møguleikar. Hvat við teimum? – Ja, tað eru nógvir Airbnb gestir. Fleiri milliónir í Danmark og tað veks­ur sera skjótt. Og hesir eru ikki við í hagtølunum. Vit halda at tað er órættvíst, at tað eru so ólíkar kapp­ ing­ar­treytir fyri gistingarhús í mun til Airbnb. Vit halda, at tey eisini skulu vera á marknaðinum, tí nógv ferðafólk ynskja hendan møgu­leik­ an, men vit ynskja bara somu treytir. Lítil brikkur á heimskortinum – Vit stríðast sjálvi í Danmark við at gera okkum kend. Vit eru lítil millum heims­ins tjóðir. Føroyar er nógv minni í mun til Danmark, so tit hava eina stóra avbjóðing at gera tykkum kend. Tit eru ein evarska lítil brikkur á heims­kortinum, og tit fara altíð at standa í avbjóðingini at gera tykkum kend um heimin. Men hinvegin, tá ið tit hava nak­ að heilt serstakt at vísa fram, sum onn­ur ikki hava, og ferðafólk leggja myndir út á sosialu miðlarnar, so er tað ein stór marknaðarføring í hes­ um, sigur Katia. Fýra prosent av útflutninginum Katia hevur verið fyrisitingarstjóri í Hor­esta í átta ár. Horesta er felagið fyri hotel, matstovur og ferðavinnuna í Da­n­mark. – Eg elski mítt arbeiði. Eg havi upp­livað allan vøksturin, og eg havi eisini roynt at skumpa undir menn­ ing­ina alt tað, sum eg havi kunna, sig­ur Katia. – Tað, sum eisini er gott, er at ferða­vinnan nú hevur fingið tað bein­ ið í samfelagnum, sum hon eigur at hava. Vit hava næstan 140.000 fólk í vinnu. Fleiri enn 40 milliardir krónur koma frá útlendskum gestum, tað vil siga 40 milliardir krónur í útflutningi, og tað svarar til umleið 4 prosent av saml­aða útflutninginum í Danmark, sigur Katia. Arbeiðsplássini verða verandi í landinum – Ferðavinnan er vorðin ein sera stór vinna, sum hevur stóran týdning fyri bú­skapin og fær nógv fólk í vinnu. Og hon fer at vaksa enn meir næstu árini. – Tá ið vit hugsa um tey ar­beiðs­ pláss­ini, sum eru innan ferðavinnuna, so skulu vit eisini vita, at tað ber ikki til at útflyta hesi arbeiðsplássini til eitt ann­að land í mun til ídnaðin og land­bún­að­in. – Ferðavinnan er eisini ein vinna, ið er dugnalig at fáa skapa størv til teir bólkar av fólkum, sum kanska ikki annars hava so lætt við at finna arbeiði. Ein kann til dømis vera upp­ vask­ari og stovugenta - eg havi roynt bæði - til at vera í matvinnuni ella eig­ari ella stjóri. Tú hevur møguleika at út­búgva teg innan nógv øki. Tú ar­ beið­ir við menniskjum, við nógv­um málum og møguleikarnir eru nógv­ir, sigur Katia K. Østergaard, fyri­sit­ing­ ar­stjóri í Horesta.. Østergaard, fyrisitingarstjóri í Horesta – Ferðavinnan hevur í grundin verið størsta vinnan síðani kreppuna í 2008 við yvir 30.000 nýggjum arbeiðsplássum. Eingin onnur vinna hevur skapt so nógv arbeiðspláss.