hósdagur 9. mai 2019síða 19

FRÍGGJADAGUR 10. MAI 2019 SOSIALURIN 53 19 Fleiri lekar enn væntað – Arbeiðið hevur gingið væl, men tað hava tó verið fleiri lekar, enn vit høvdu væntað. Hetta hevur seinkað arbeiðinum nakað, sigur Kristian Stórhamar, verkætlanarleiðari hjá NCC í Eysturoyartunlinum Eysturoyarmegin FRANTS JENSEN FRANTS@SOSIALURIN.FO K ristian Stórhamar úr Trongisvági hev­ur ar­ beitt við tunlum mest sum alt sítt vaksna lív. Nú er hann verk­ætl­an­arleiðari Eystur­oyar­megin, tað merkir, at hann hevur ábyrgd av øllum tunnilsarbeiðinum, sum gongur fyri seg Eysturoyarmegin í Eyst­ uroyartunlinum. Bara arbeitt við tunlum Royndirnar við tunnilsarbeiði hevur hann nógvar. – Eg byrjaði at arbeiða við Vága­tunlinum. Síðan arbeiddi eg í Norðoyatunlinum, og eg havi eisini arbeitt við at gjørt ein tunnil í Norra fyri NCC. So ar­beiddi eg sjálvstøðugur í níggju ár uttanlands við tunnilsarbeiði. Eg fari eftir ætlan eisini at vera við at gera Sandoyartunnilin. – Eg havi næstan einki annað gjørt uttan tunlar, so eg trívist við tí, sigur Kristian Stórhamar og flennir. Tað eru umleið helvt um helvt føroyingar og norðmenn, sum arbeiðið í tunlinum. – Vit eru tríggir, sum ar­beiða her Eysturoyarmegin, sum eisini hava verið við í ar­beið­inum í Vágatunlinum og Norð­oya­tunl­in­ um. So vit hava nakað av roynd­ um, sigur Kristian Stór­ham­ar. Halda tíðarfreistina Í síðstuni hava arbeiðsmenninir rent seg í nógvar lekar, og tað hevur tarnað arbeiðinum nakað. Teir hava tí verið noyddir at tetta, og tað verður gjørt við at sproyta betong í. – Arbeiðið hevur gingið væl, men tað hava tó verið fleiri lek­ ar, enn vit høvdu væntað. Hetta hev­ur seinkað arbeiðinum nakað, men vit halda okkum tó nøku­ lunda til tíðarfreistina, sigur Kristian Stórhamar. Hann sigur, at tað gongur skjótari nú bara arbeitt verður móti Hvítanesi. – Nú eru vit akkurát lidnir at spreingja móti Rókini, so nú arbeiða vit bara móti Hvítanesi. Vit spreingja vanliga tvær ella tríggjar ferðir um døgnið. Tað velst eitt sindur um, um vit renna okkum í trupulleikar ella ikki, hvussu skjótt tað gongur, sigur verkætlanarleiðarin. 187 metrar undir havskorpuni Lægsta stað í Eystur­oyar­tunl­ inum verður 187 metrar und­ir havskorpuni, har hann er djúp­ astur. Í løtuni eru arbeiðs­menn­ in­ir komnir niður á næstan 180 metrar dýpd Eysturoyarmegin frá. Tunnilin er í minsta lagi 30 metrar undir havbotninum, men í flestu førum longri enn tað. Borað verður seks metrar inn í veggin hvørja ferð. Fyrr var tað fimm metrar og 10 centimetrar. Um lekar eru, verður 8 cm betong sprongt upp í loftið. Tá ið liðugt er at bora, verður løtt. Borivognurin, maskinur og annað verður flutt burtur, áðr­ enn sprongt verður. Síðani verð­ ur alt grótið koyrt út, áðrenn tað verður gjørt klárt aftur at spreingja næsta holið. – Tað eru ikki bara teir arbeiðs­ menninir, ið bora og spreingja, ið eru týdningarmiklir. Eisini teir, ið eru aftanfyri og veita útgerð bæði við el, luft, pumpum og øðrum, gera eisini eitt stórt arbeiði. Tað er gleðiligt, at vit kunnu nýta føroyskar undirveitarar til hetta arbeiði, sigur Kristian Stórhamar. Drekka gula mjólk og taka D-vitaminir Men hvussu er at arbeiða í myrkr­ inum langt undir jørð. – Fólk venjast við tað. Tað ræð­ ur bara um at drekka gula mjólk og taka D-vitaminir. Sjálvur eri eg nógv á skrivstovuni á Strond­ um, so eg eri ikki niðri í myrkr­in­ um allatíðina. Eg eri tó inni minst eina­ferð um dagin. – Øðrvísi er hjá teimum, sum arbeiða her allan dagin. Summir av teimum velja at vera inni næstan í 12 tímar, áðrenn teir koma út aftur. Teir hava matpakka við sær. Tað eru umleið helvt um helvt føroyingar og norðmenn, sum arbeiðið í tunlinum. Gingið væl hóast trupulleikar – Arbeiðið hevur gingið væl. Vit hava tó rent okkum í nakrar trupulleikar. Tað hava verið fleiri lekar, og tað er ein avbjóðing, sigur Mathias Hagestuen, formaður á tí eina holdinum hjá NCC í Eysturoyartunlinum, sum hevur arbeitt frá Strondum. FRANTS JENSEN FRANTS@SOSIALURIN.FO M athias Hagestuen hevur arbeitt við tunl­um í 40 ár. Hetta er tó fyrstu ferð, at hann hevur arbeitt í Før­ oyum. – Arbeiðið er tað sama, sum eg eri vanur við í Norra. Góðskan á grótinum er tó eitt sindur verri enn í Norra. Sjálvt um vit hava havt nakrar avbjóðingar, so hevur tað gingið væl, sigur hann. Mathias Hagestuen letur vær at arbeiðsumstøðunum. Hann arbeiðir 11 dagar út í eitt, 12 tímar um dagin. So hevur hann frí í 16 dagar, og tá fer hann til Norra. Sjey persónar eru á holdinum, sum hann hevur ábyrgd av. Tað eru fýra hold, ið skiftast. Mathias Hagestuen var ein av teimum, sum gekk ígjøgnum tunnilin týsdagin frá Strondum til Rókina, tá ið skotið varð ígjøgnum. – Eg haldi fram í Føroyum. Eg skal eisini vera við til at gera Sand­oyartunnlin, sigur hann. Mathias Hagestuen, formaður á tí eina holdinum í Eysturoyartunlinum. (Mynd: Jens Kristian Vang) Kristian Stórhamar, verkætlanarleiðari í Eysturoyartunlinum í borivogninum. (Mynd: Jens Kristian Vang)