hósdagur 9. mai 2019síða 21

FRÍGGJADAGUR 10. MAI 2019 SOSIALURIN 53 21 Koyrandi í desember 2020 Hóast tað varð skotið ígjøgnum týsdagin undir Skálafjørðinum, so tekur tað hálvtannað ár, áðrenn koyrandi verður – Sáttmálin hjá okkum við NCC sigur, at tað skal vera koyrandi í desember 2020. Sjálvt um hol er ígjøgnum, so er nógv arbeiði eftir at gera, sigur Teitur Samuelsen, stjóri í Eystur- og Sandoyartunlar. Hann vísir á, at higartil hevur tíðarætlanin hildið nøkulunda. Tað eru umleið 285 metrar eftir at spreingja millum Hvítanes og rundkoyringina. Væntandi verður komið ígjøgnum um mánaðarskiftið. Tilsamans verður tunnilin 11.250 metrar til longdar. Umleið fýra kilometrar eru asfalteraðir. Nú verður arbeitt við at leggja ein dúk undir loftið í tunlinum, so at vatn ikki kemur niður á vegbreytina. Síðani skulu nógvar tekniskar instalatiónir gerast. Millum annað ljós, pumpuskipan, viftur, trygdarútgerð og annað skal koma upp á pláss. Nakrir av longru tunlunum uttanlands hava rýmingarrúm ella rýmingarvegir, men tað verður eftir ætlan ikki gjørt í Eysturoyartunlinum. – Vit koyra eftir norskum stand­ardum, og har eru ikki nøk­ur krøv um rýmingarrúm ella rýmingarvegir. Vit hava tó verið í Íslandi og hugt, og har eru rýmingarrúm, sigur Teitur Samuel­sen. Um rýmingarvegir koma í fram­ tíðini, dugir hann tó ikki at siga. – Tað veit eg ikki, sigur Teitur Samuelsen. Borivognarnir fara til Sand­oyartunnilin Nú verður arbeitt báðumegin frá fyri at spreingja teir síðstu umleið 285 metrarnar millum Hvítanes og rundkoyringina. Tá ið liðugt er at spreingja, verður riggað av, og gjørt verður klárt at fara við borivognunum til Sandoyartunnilin. – Tað tekur tó sína tíð at rigga av og gera neyðuga fyrireiking­ ar­arbeiði, áðrenn borurin verð­ ur settur í. Eg ivist í, um tað verður byrjað at bora fyri Sand­ oyartunlinum áðrenn summ­ arferiuna, sigur Teitur Samuelsen, stjóri í Eystur- og Sandoyartunlar. Steinur frá seinasta skotinum – Hetta er ein steinur frá seinasta skotinum, sum var her móti Rókini. Eg fari at hava hann sum eitt minni, sigur Alfred Olsen, fyrrverandi løgtingsmaður, sum var ein av teimum, ið stríddist nógv fyri at fáa Eysturoyartunnilin til veruleika. FRANTS JENSEN FRANTS@SOSIALURIN.FO T á ið Alfted Olsen hevði verið inni við tunnils­ munnan og sæð, at hol var komið ígjøgnum, kom hann útaftur við einum steini. – Tá ið fyrsta skotið varð latið av til Skálafjarðaratunnilin á Strondum, fekk eg eg mær eisini ein stein, sum eg havi lagt við Gráastein í Saltnesi, og hesin fer at liggja við síðuna av honum, sigur Alfred Olsen. – Eg havi glett meg til hetta í eini 16 ár, og nú er tað veruleiki. Hetta hevur sera stóran týdning. Tað fer fullkomilig at broyta Skálafjørðin og alt meginøkið. Alfred Olsen var ein av teimum, ið bardist fyri at fáa tunnilin til veruleika. – Sjálvt um tað sá svart út onkuntíð, so misti eg ongantíð vónina. Onkutíð sá tað heilt gott út, og so var tað, sum um alt datt niðurfyri. Men tá ið so allir teir politisku flokkarnir og Gerhard Lognberg, sum var uttanflokka tá, skrivaðu undir avtaluna, at nú skuldi Skálafjarðatunnilin gerast, so visti eg, at tá var hann komin í hús. – Hetta er veruliga ein stórur dagur, sigur ein fegin Alfred Olsen. Millum 50 og 100 krónur hvønn vegin – Vit hava ikki sett endaliga prísin, men hann verður millum 50 og 100 krónur hvønn vegin, sigur Teitur Samuelsen, stjóri í Eystur- og Sandoyartunlar FRANTS JENSEN FRANTS@SOSIALURIN.FO H ann vísir á, at hes­in prísurin er fyri koyring við persónbili mill­um Eysturoy og Streymoy hvønn veg. Prísurin at koyra mill­um báðar armarnar á Skála­fjørð­in­ um verður umleið 20-25 krónur. Orsøkin til at gjald verður tikið fyri hvønn vegin, í mun til hinar undirsjóvartunlarnar, har eitt gjald er fyri báðar vegir, er, at fólk annars kunnu koyra annan vegin gjøgnum tunnilin og so koyra eftir verandi farleið hinvegin, vísir Teitur á. – Vit hava ikki sett nakran prís, um fólk hava hald. Prísurin fyri koyring við størri akførum er heldur ikki ásettur enn, sigur Teitur Samuelsen, stjóri í Eystur- og Sandoyartunlar. Alfred Olsen, Saltnes Teitur Samuelsen, stjóri í Eystur- og Sandoyartunlar. (Mynd: Álvur Haraldsen)