hósdagur 23. mai 2019síða 11

FRÍGGJADAGUR 24. MAI 2019 SOSIALURIN 59 11 Út at eta við børnunum SOMWANG THAIFOOD – STRENDUR Eg kann gott finna upp á at fara ein biltúr við familjuni til Strendur bara fyri at royna tailendska matin hjá Somwang Thaifood. Her er ein góð atmosfera og tað heimligt at koma á vitjan. Eg bílegði altíð minst tríggjar ymiskar rættir, tí maturin er so góður og øðrvísi frá tí vit kenna í Føroyum. Um børnini ikki dáma matin, so ber eisini til at keypa kylling og kips. ANGUS STEAKHOUSE – TÓRSHAVN OG KLAKSVÍK Angus er eitt steakhouse har prístøðið er rímiligt. Tað er heimligt stað og har er pláss fyri øllum. Tú kanst koma í joggingbuksum og fáa ein góðan búff og sós. Eitt familjuvinarligt stað, ið børnini elska. BURGER KING – TÓRSHAVN Hetta er tann stóra amerikanska ketan. Ein amerikanskur klassikari, ið børn og vaksin elska. Tað er eitt stórt brand og fínt at fáa viðhvørt. MATSTOVAN SEVEN - TÓRSHAVN Man følir seg væl, tá man kemur inn í Seven. Sjálvtøkuborðið bjóðar eitt rímiligt fjølbroytt úrval av kinesiskum mati og okkurt er til bæði børn og vaksin. Eg kann viðmæla heimagjørdu várrullurnar og so elska børnini teirra nudlur. Tað er altíð stuttligt at síggja hvat tey borðreiða við á sjálvtøkuborðinum. Gastronomisk uppliving FÚTASTOVA - TÓRSHAVN Fútastova er tað fremsta innanfyri tann franska køkin í Føroyum. Matstovan hevur ein framúrskarandi høvuðskokk, ið gongur høgt upp í franska køkin, ið er eyðkendur við at leggja dent á góðan smakk. Tað leverar Fútastova. Smakksansurin fær veruliga roynt seg her. Á matseðlinum er millum annað østers, kaviar, foie gras og annað úr franska køkinum. ÁARSTOVA - TÓRSHAVN Her er aftur eitt stað har smakkur er í fokus. Áarstova bjóðar ein flotta laks, eina góða jomfrúhummarasúpan og eina væl vælsmakkandi rabarburtriflu. Tað er nokk kortini føroyski bógvurin, ið tey flestu kenna. Tey eru trúføst móti uppskriftini, so man veit altíð hvat man fær. Og tað man fær er altíð gott. Harumframt hevur Áarstova John Mikkelsen, ið sum vertur megnar at gera, at man altíð følir seg vælkomnan. KATRINA CHRISTIANSEN - TÓRSHAVN Tað sum tey í Katrinu Christiansen duga so væl er at borðreiða við smáum og stuttligum rættum, bygdar á føroyskar rávørur, ið hava ein ríkan smakk. Tey duga eisini væl at bróta upp úr nýggjum og finna upp á nýggjar rættir. Hon sum er nakað heilt fyri seg KOKS - LEYNAVATN KOKS kann ikki setast á ein lista við aðrar matstovur, tí hon er nakað heilt fyri seg. Hon er í einari verð fyri seg sjálva. Hetta er heldur ikki ein matstova, ið tann vanligi føroyingurin vitjar fleiri ferðir um árið. Men hugflogið hjá Poul Andrias Ziska er heilt ótrúliga flott. At eta á KOKS er ein uppliving ólík nøkrum øðrum, ið tú kanst uppliva í Føroyum. Hetta er Michelin-matur. Martin viðmælir: ikki fyrr, tá át man fyri at blíva mettur. Heimligur vøkstur Mangan er tað vaksandi talið av ferða­fólkum, ið víst verður til, tá ein frágreiðing skal finnast fyri hví so nógvar nýggjar matstovur síggja dagsins ljós. Martin Rest­ orff er ikki heilt samdur, tá hann verð­ur spurdur, um tað eru út­ lend­ingar, ið eru orsøkin til, at nógva virksemið nú ber seg. - Tað hongur saman við ferða­ vinnuni, men tað er ikki hon, ið fyll­ir matstovurnar í døgurða­ steðg­inum gerandisdagar. Tá tað er sagt, so eru tað ferðafólk, ið leita sær til Føroyar fyri at eta á KOKS, ið hevur sett okkum á heims­ kortið. Og nú eru so nógv matstøð, at tey flestu ferðafólkini steðga á nakr­ar dagar og royna fleiri støð, sig­ur hann. Samstundis sær man, at nógv fleiri føroyingar vitja mat­stov­ur­ nar í døgurðasteðgum. Nakað, ið var óhoyrt fyri nøkrum árum síð­ an, vísir Martin Restorff á. - Um tú fórt 30 ár aftur í tíðina og segði, at tú hevði etið vaflur í døgurðasteðginum, høvdu fólk rist við høvdinum eftir tær. Tá for man til hús at eta døgurða. Men nú er tað vanligt, at fólk eta matvaflur hjá Katrinu Christiansen. Tað er ein broyting, ið vit síggja í van­un­ um hjá føroyingum, sigur hann og heldur fram. - Føroyingar eta meira úti nú. Tað er stuttligt og sosialt. Mat­ pakk­in er býttur út við sushi frá Etika ella ein búff í Angus. Smyrji­ breyðs­búðin er eisini latið upp við mod­ernaðum smyrjibreyði og ramen suppu og Hafnia hevur sjálvtøkuborð. Býurin er í dag fullur av lívi í døgurðasteðginum. - Um tú fórt 30 ár aftur í tíðina og segði, at tú hevði etið vaflur í døgurðasteðginum, høvdu fólk rist við høvdinum eftir tær. Tá for man til hús at eta døgurða. Men nú er tað vanligt, at fólk eta matvaflur hjá Katrinu Christiansen