mikudagur 29. mai 2019síða 10

FRÍGGJADAGUR 31. MAI 2019 SOSIALURIN 62 10 Arbeiða út í øllum veðri Við krympiplasti ber til hjá handverkarum og øðrum at arbeiða í øllum veðri – sjálvt um tað regnar ella er vindur. Tað er Rasmus Magnussen, ið hevur stovnað fyritøkuna Krympiplast FRANTS JENSEN – Krympiplast er ein dúkur, sum hevur eginleikan, at hann er ótrúliga seigur, sterkur og hevur stórar flatur. Tá ið hann er komin upp at hanga, verður hann hitaður við einum serligum hitara. Tá ið hann verður kaldur aftur, so krympar hann saman, so at hann festir seg, har tú hevur lagt hann. Talan kann vera um stilass, bát, hús ella annað, sigur Rasmus Magnussen, eigari av Krympiplast. Endamálið er, at til ber at arbeiða undir taki, óansæð hvussu veðrið er, um tað er vindur og regn. – Tað eru nógvir dagar, sum fara til spillis í Føroyum, tí at tú ikki fært arbeitt úti fyri veðri og vindi. Harumframt eru krøv eisini um vætu munandi herd. Tí er tað ikki líkamikið, um ullin er turr ella vát, tá ið hon fer inn í veggin. Tað sama við fugum og øðrum, sigur Rasmus Magnussen. Plast um Varðan Pelagic Fyritøkan byrjaði fyri trimum einum hálvum ári síðani. Sjálvt sum fyritøkan enn bara telur ein persón, so smæddist hon ikki at bjóða seg fram millum nógvar stórar fyritøkur á altjóða vinnumessuni Atlantic Fair, ið var í Klaksvík herfyri. Krympiplast hevði gjørt tjaldið, har skráset­ ingin til vinnumessuna fór fram. Tað eru mest fólk innan byggivinnuna, sum eru kundar hjá Krympiplast. – Tað størsta arbeiðið, eg havi gjørt higartil, var at krympa allar síðurnar á Varðanum Pelagic á Tvøroyri, tá ið tað varð bygt uppaftur. Tal­an var um 3.500 fermetrar av plast, sigur Ras­mus Magnussen. Hann nýtir mest stórar rullur av plasti, til dømis 12 x 30 metrar, sum viga 100 kg. Fyribils skilaveggur Krympiplast kann eisini nýtast sum ein fyribils skila­veggur. Til dømis úti á Fløtum í Havn. Har er ein long lon á fleiri hundrað metrar. Har verður krympiplast nýtt sum skilaveggur, so ikki er neyðugt at hita alt upp, tá ið ein part­ur er liðugur, og ein annar partur ikki er liðug­ur. Hetta er millum annað ein fyrimunur í málara­ arbeið­inum. – Krympiplast er ein kend vøra. Tey flestu, ið hava arbeitt á einum flakavirki, minnast, at plast varð lagt rundan um plattar, og so var tað hitað, so at tað lá tætt inn at plattinum. Hugskotið kom við bátinum – Hugskotið, at byrja fyritøkuna, kom, tá ið eg hevði tørv á at pakka bátin hjá mær inn, tí eg skuldi arbeiða uppá hann. Ein vanlig pre­send­ ing er trupul at nýta, tí tað loypur so nógv tilfar av. Og um tað er onkur bílig presending, so held­ur hon ikki í vindi. Tá kom hugskotið til krympi­plast, sigur Rasmus Magnussen. Hol á uttan at tað skrædnar Hann ráðgevur teimum, ið keypa, hvussu tað skal setast upp og festast. Keyparin ger ar­ beiðið við uppseting. Tá ið dúkurin er festur, fer Rasmus og hitar hann. – Tað er mín serkunnleiki at duga at síggja, nær hann hevur fingið nokk av hita. Tað kann vera trupult, um tað er vindur, men eg havi fingið fleiri royndir nú. Krympiplast riggar sera væl til føroyska veðurlagið. Eg havi ikki gjørt nógv­ar vánaligar uppsetingar higartil, sigur eig­ ar­in og flennir. Tilfarið er gjørt soleiðis, at til ber at seta hol á, uttan at tað skrædnar víðari. – Tá ið eg gjørdi krympiplast á Varðanum Pelagic, var tað eitt krav, at teir skuldu hava møgu­leika at seta hol í ymsastaðni, uttan at dúk­urin fór í luftina í vindi. Og tað eydnaðist sera væl. Dustveggur Krympiplast kann eisini nýtast til annað, mill­ um annað ein dustvegg. – Eg gjørdi til dømis ein dustvegg, tá ið Høll­in á Hálsi varð útbygd. Tá ið gamli veggurin varð tikin niður, so mátti okkurt setast upp ístað­in. Dustveggurin stóð uppi meðan arbeitt varð. Tað var bara fest í erva og í neðra. Tað helt eisini, tá ið hondbóltsspælarar lupu í tað. – Har var eisini tørvur á at fáa hurðar í. Eg festi lynlás, og vit skóru so út fyri tí. So bar til at ganga millum. Hurðin sjálv var bara hesin dúkurin, sigur Rasmus Magnussen. Lýkur brandkrøv Um plast er krympað, so ber tað ikki til at taka tað av og endurnýta tað á einum øðrum staði. Til ber tó at brúka dúkin aftur, um tað er eitt sind­ur minni í stødd, dúkurin skal leggjast út­ yvir. So kann Rasmus koma framvið og hita hann einaferð afturat, til hann formar seg eftir nýggja skapinum. Viðvíkjandi brandkrøvum, so lýkur hetta øll krøv sambært eigaranum. – Tað serliga er, at tað líkur brandflokk null, tað vil siga, at tað kann ikki koma eldur í plasti, sigur Rasmus Magnussen. Tað kostar eitt sindur at brúka henda dúkin. – Tað er nokk ymiskt, hvat fólk halda um prís. Tann tjúkki dúkurin verður seldur fyri 20 krónur fyri fermeturin pluss mvg, sigur Rasmus Magnussen. Við Jóannesar Paturssonargøtu í Havn hevur verið arbeitt í drúgva tí. Har hevur Krympiplast sett upp dúk, so at handverkararnir kunnu arbeiða turrir innanfyri Krympilpast hevur gjørt dúkin, ið var til skrásetingina á vinnumessuni Atlantic Fair, sum var í Klaksvík herfyri Rasmus Magnussen, eigari av Krympiplast, sýndi fram á Atlantic Fair í Klaksvík Tað eru nógvir dagar, sum fara til spillis í Føroyum, tí at tú ikki fært arbeitt úti fyri veðri og vindi