hósdagur 27. juni 2019síða 12

FRÍGGJADAGUR 28. JUNI 2019 SOSIALURIN 73 12 Beinta vendi sær til KRIS: - KRIS hevur havt alt at siga fyri meg - Eg føli tað sum eina frígering, hvørja ferð eg hoyri dømi um fólk, sum hava fingið tað gott aftur, aftan á at hava verið fyri tí sama sum eg, sigur Beinta M. Pedersen, forkvinna í KRIS PÆTUR HJALMAR EVENSSON PATURE@SOSIALURIN.FO T ann í dag 56 ára gamla Beinta M. Pedersen bleiv sum smágenta kynsliga misbrúkt av einum konufólki. Ágangurin gekk fyri seg í fleiri ár, og lagnan vildi tað, at ein maður eisini gjørdi seg inn á hana, soleiðis at hon hevði tveir skemmarar. Beinta M. Pedersen var sera ávirkað av áganginum, og hetta kom millum annað til sjóndar í barna- og ungdómsárunum, har hon lýsir seg sjálva sum villa og droyða. Tá hon bleiv vaksin, flýggjaði hon frá veruleikanum til rúsin, hon fekk úr fløskuni. Beinta fortaldi ikki nøkrum um kynsliga ágangin, men tá hon fekk kenning, hevði hon lyndi til at tosa hart um myrku síðuna av sínum uppvøkstri. Tosið bleiv tó ikki ordiliga tikið fyri fult, tí tað ljóðaði mest sum fullamannatos og tvætl. - KRIS hevur havt alt at siga fyri meg Tá Beinta M. Pedersen var 36 ára gomul, átti hon dóttrina, og tá kom alt loyndarmálið fram. Hon fortaldi sínum kæru um tað, hon var fyri sum barn, og tá gjørdi hon av at leita sær hjálp hjá KRIS. Har hitti hon fyri fyrstu ferð Gvøðbjørg West, og tær báðar høvdu nógv long prát um stóra loyndarmálið, sum Beinta hevði dult fyri alt sítt lív. - KRIS hevur havt alt at siga fyri meg, sigur Beinta M. Pedersen. Støðan hevur nevniliga verið ring hjá Beintu. - Eg var á veg at gera sjálvmorð í Saksun, men kom tíbetur ikki so langt. Tá eg kom heim aftur, vísti systir mín mær okkurt, sum hon hevði sæð í Sosialinum um KRIS. Hon meinti, at tað kundi hjálpa mær, og eg tók hana upp á orðið og ringdi so inn til KRIS. - Eg tosaði við Gvøðbjørg, og hon spurdi, um eg vildi hava onkran við, sum hevði verið kynsliga misbrúktur. Tað vildi eg fegin. Men eg stólaði yvirhøvur ikki uppá nakran tá og gekk sum ein illur úlvur aftur og fram inni har. Tað var ikki lætt at tosa um sovorðið tungt við fremmandafólk, minnist Beinta aftur á. Tordi ikki at fortelja tað Tá Beinta fyrstu ferð fortaldi sínum foreldrum um sítt loyndarmál, búði hon í Danmark. Tað kravdi nógv dirvi at fortelja teimum tað, og hon tordi ikki at fortelja tað yvir telefon. - Eg skrivaði tað til tey, og so ringdu tey meg upp aftaná. Teirra fyrsta reaktión var, at tað kundi ikki passað. Tað var tað ringasta, tey kundu fáa at vita. Men aftaná hetta kom hol á búldin, og so byrjaði alt. Ofta angraði eg, at eg nakrantíð hevði sagt tað, tí tað var so ræðuliga hart. - Eg eri heppin Í sambandi við at KRIS eisini bjóðar hjálp til avvarðandi, var familjan hjá Beintu eisini inni og tosaði við ráðgevan Gvøðbjørg West. - Hon fortaldi teimum, hvussu fólk við seinárinum vanliga hava tað , og tað var ein góður máti, helt eg. Tað hjálpir sera væl, tá mann hoyrir sovorði frá onkrum øðrum, sigur Beinta M. Pedersen. - Aftaná hesa samrøðuna kundu familjan og eg tosa meira opið um tað. Eg havi fingið ótrúliga góðan stuðul, tí eg havi eitt so gott bakland. Tað eru ikki øll, sum hava tað, so har eri eg heppin. - Eg føli tað frá hjartanum Beinta M. Pedersen er væl vitandi um øll tey seinárinini, sum kunnu standast av kynsligum ágangi, tí hon hevur sjálv nøkur eyðkenni. - Eg fái sjálvandi niðurtúrar av og á, men fari ongantíð so langt niður í kolkjallaran sum fyrr. Men tá eg eri einsamøll, kann eg finna uppá at skriva, rópa og gráta fyri at koma út við øllum. Men sum heild hevur Beinta tað gott, og hennara máti at geva okkurt aftur til samfelagið uppá er at hjálpa øðrum, sum hava verið fyri kynsligum ágangi. - Eg føli tað sum eina frígering, hvørja ferð, eg hoyri dømi um fólk, sum hava fingið tað gott aftur, aftaná at hava verið fyri tí sama sum eg. Eg føli tað jú frá hjartanum sjálv, sigur Beinta M. Pedersen. Soleiðis sær út uttan fyri KRIS á Toftum. Myndin við einum persóni í reyðum klæðum og hinum í hvítum súmboliserar, at 1 út av 10 í Føroyum eru fyri kynsligum ágangi TEMA: kynsligur ágangur