fríggjadagur 16. august 2019síða 15

FRÍGGJADAGUR 16. AUGUST 2019 SOSIALURIN 93 15 Fara ikki í samgongu sum luktar av fullveldi Sambandsflokkurin er opin fyri øllum samgongumøguleikum, tá ið valúrslitið er klárt 31. august – Vit eru ikki útihýstir av nøkr­ um og vit ætla okkum ikki at útihýsa nakran. Vit fara í ta samgongu, har vit fáa ført okk­ara politikk, segði Bárður Nielsen. Hann vildi ikki siga, hvørt hon­um dámdi betur at sam­ starva tann reyða ella bláa veg­ in, men hann váttaði kortini, at tað ikki kemur upp á tal at fara í eina samgongu, ið ynskir full­ veldi.  – Vit eru opnir fyri øllum møgu­leikum, men vit fara ikki í eina samgongu, ið luktar av full­ veldi, segði formaðurin, Bárður Niel­sen. Hann vísti eisini á, at tað er týdningarmikið at fáa eina meiri­lutasamgongu, sum er arbeiðsfør. Sambandsflokkurin stillar við einum liði á 29 valevnum. 19 menn og 10 kvinnur. Tunnilsgjald skal ikki vara ævigt Borgarstjórin í Vága kommunu, Eyðdis Hartmann Niclasen, vil arbeiða fyri at fáa tunnilsgjaldið avtikið og at fáa skipað ferðavinnuna FRANTS JENSEN – Eg varð spurd um at stilla upp fyri flokkin. Nú eg havi sitið sum borgarstjóri í góð tvey ár, kenni eg eitt sindur meira til politiska spælið, so helt eg, tað vera upplagt at royna hetta eisini, sigur Eyðdis Hartmann Niclasen. Hvørji eru tíni hjartamál? – Tað er millum annað samferðslukervið. Vit mugu arbeiða víðari við viðlíkahaldi av vegakervinum og tunlum. Tað hevur verið nakað av kjaki av niðurgjaldi av Vága- og Norðoyatunlunum. Eg haldi ikki, at vit skulu hava eitt ævigt gjald á teir undirsjóvartunlar, ið hava verið boraðir og verða boraðir. Eg haldi, at vit skulu hyggja eftir norska modellinum, har tað var greitt, at útjaðarin hevði eina trupla farleið, og at landið visti, at tað ikki hevði ráð til at gera hesar tunlarnar. Avtalað varð so gjørd um, at til bar at fáa ein tunnil, um staðbundna økið við tunnilsgjaldi var við til at gjalda lánið niður í mesta lagi yvir 15 ár. Hetta eigur eisini at verið galdandi í Føroyum. Nú er landið rættiliga væl útbygt, men tunnilsgjald skal ikki vera ein nýggj inntøkukelda hjá landinum. Borgararnir skulu hinvegin fáa loyvi at búseta seg har, sum teir vilja, og arbeiða har, teir vilja, uttan at tílíkar forðingar sum eitt ævigt gjald verður hangandi, sigur valevni hjá Sambandsflokkinum. Hevur tú onnur hjartamál? – Tað er ferðavinnan. Tað er ikki minst, tí at eg havi arbeitt innan ferðavinnuna í nógv ár. Nú vit fáa so nógv ferðafólk til landið og út í náttúruna, mugu vit fáa viðurskiftini við at ferðast í náttúruni upp á pláss. Eg haldi, at Trælanípan og skipanin har er eitt fyridømi, hvussu hetta kann gerast. Her hevur verið eitt samstarv millum kommunur, jarðareigarar, Visit Faroe Islands, ferðavinnuaktørar og onnur, og nú veita Nípufólkini góða tænastu til ferðafólk. Eg veit ikki, um vit skulu fara inn við lóg at skipa ferðavinnuøkið. Eg haldi, at vit mugu hava eitt samstarv við allar partar og við góðum samskifti ber til at fáa loysnir. Tað hevur riggað í okkara kommunu, og eg rokni við, at tað eigur at bera til aðrastaðni eisini, sigur Eyðdis Hartmann Niclasen, valevni hjá Sambandsflokkinum. Fiskivinnunýskipanin Viðvíkjandi fiskivinnunýskipanini so ynskir Sambandsflokkurin, at fleiri tillagingar verða gjørdar. – Vit løgdu eitt uppskot fram, sum hevði eina uppsagnartíð upp á átta ár, at tað skuldi vera eitt yvirskotsbaserað tilfeingisgjald á vinnuni. Tað er nógv eftir at seta í verk av tí, sum verandi samgonga hevur gjørt á fiskivinnuøkinum. Men tað skulu nógvar tillagingar gerast, segði Bárður Nielsen. Hann helt millum annað, at verandi útluting við eini óheftari nevnd var alt annað enn óheft. – Talan hevur verið um pol­ itiska útlutan. Til dømis vórðu Eyst­uroy og Norðoyggjar úti­hýst­ ar politiskt. Tað er ikki nøktandi, segði Bárður Nielsen. Hann vísti eisini á, at av tí at tað eru ótryggir karmar, vera nýíløgur ikki gjørdar. – Vit síggja, at vinnan ongar íløg­ur hevur gjørt síðstu 12 árini í nýggj skip. Tað er bara tað eina skipið, ið er komið, men tær ætlanirnar vóru lagdar framm­ an­undan. Tað kunnu vit sum politisk skipan ikki standa modell til. Tí mugu vit fáa eina skipan við tryggum kørmum, soleiðis at nýíløgur aftur verða gjørdar í fiskivinnuna, so at vit ikki sigla afturút og missa kappingarføri. Ný­íløgur betra eisini um um­ hvørvi, segði Bárður Nielsen. Cpr-nummar Sambandsflokkurin hevði eis­ini nógv annað á valskránni, mill­um annað at fáa fjølbroyttari bústað­ armøguleikar kring alt landið, at leigubústaðir verða bygd­ir kring landið, at vinnan fær kapp­ ingarførar karmar at virka undir, at KT-økið verður raðfest, at tað skal vera javnstøða á arbeiðs­ markn­aðinum, at Talgildu Før­ oyar verður stuðlað, at vit fáa fleiri útbúgvingar á Setrinum, at heilsuverkið verður dagført og ment, at likam- og sálarheilsa skal líkastillast, at diabetessentur skal stovnast, at vit fáa fleiri ser­ læknar, at vit fáa fría atgongd til ES-marknaðin, at vit fáa betraða atgongd til sendistovukervið um allan heim, at mótrokningin fyri arbeiðsinntøku hjá pen­ sjón­istum skal avtakast, at vit fáa eina skipaða ferðavinnu, at vit taka undir við teimum burð­ ardyggu heimsmálunum hjá ST, at Tjóðsavnið fær betri hølis­um­ støður og at mentanar- og ítrótt­ arøkini verða raðfest. – Vit skulu eisini hava cpr- nummar til allar føroyingar. Eg hoyrdi eina søgu ein dagin, at ein føroyingur ikki kundi keypa sær einar brillur á Strøgnum í Keypmannahavn, tí at hann ikki hevði nakað danskt cpr- nummar. Tað ber ikki til. Við cpr- nummari renna vit okkum ikki inn í líknandi trupulleikar, og vit fáa eisini nógvar aðrar fyrimunir, segði Bárður Nielsen, formaður í Sambandsflokkinum. Bárður Nielsen, formaður í Sambandsflokkinum Mynd: Álvur Haraldsen Eyðdis Hartmann Niclasen, valevni hjá Sambandsflokkinum Mynd: Álvur Haraldsen