hósdagur 24. oktober 2019síða 14

FRÍGGJADAGUR 25. OKTOBER 2019 SOSIALURIN 123 14 MENTAN - Um mann í Føroyum ynskir, at Føroya Symfoniorkestur skal mennast og lyftast upp á eitt enn hægri støði, so noyðist størri fígging til, sigur saxofonisturin Hans Petur í Brekkunum, sum tekur við sum nýggjur stjóri í Føroya Symfoniorkestri eftir nógv ár, har hann ikki hevur verið so virkin við tónleikinum PÆTUR HJALMAR EVENSSON Í síðstu viku gjørdist greitt, at 46 ára gamli Hans Pet­ur í Brekkunum verð­ur nýggj­ ur stjóri í Før­oya Sym­foni­ orkestri. Talan er um ein mann við hollum roynd­um, sum hevur fingist við tón­leik alt sítt lív. Hans Petur í Brekk­un­um er upprunaliga útbúgvin í saxo­fonspæli frá Det Jyske Musik­kon­serva­torium í 2000, og hann hevur bæði verið tónleikalærari og yrkistónleikari í fleiri ár. Seinastu 12 árini hevur hann tó ikki fingist so nógv við tónleik, sum hann plagdi, tí hann hevur havt úr at gera sum leiðari í Før­ oya­húsinum á Vesturbrúgv í Keyp­mannahavn. Men nú leitar hann aftur til tónleikin sum stjóri í Før­oya Symfoniorkestri, og hetta fell­ir honum sera natúrligt. - Eg havi fleiri ferðir fangað meg í sjálvan í støðum, har eg byrj­aði at sakna tónleikin. So hugs­aði eg, at tað kanska hevði verið stutt­ligt at farið tann vegin aft­ur og yvir­ høvur vitað, um tað bar til. Hetta var heilt víst ein av or­søk­un­um til, at eg søkti starvið, sigur Hans Petur í Brekkunum, sum hevur stóran tokka til tónleik. - Um tað er nakað, sum rørir meg reint kensluliga, so er tað tón­ leik­urin. Tónleikur kann ofta geva mær gásarhold. Tá tónleikurin hev­ur eina so stóran ávirkan á meg, sjálvt um eg kanska onkuntíð ikki havi verið tilvitaður um tað, so má hann onkursvegna vera rætti­liga týdningarmikil fyri meg, sig­ur hann. Flytir heim til Føroya Sum leiðari í Føroyahúsinum hev­ ur Hans Petur í Brekkunum staðið á odda fyri dagliga virkseminum har, umframt at hann hevur styrkt fíggjarliga grundarlagið hjá húsinum, sum júst er blivið høv­uðs­umvælt. Hann hevur ikki búð í Føroyum, síðan hann var heilt ungur, men í sambandi við nýggja stjórastarvið flytir hann langt um leingi adressu heim til Før­oya aftur. - Eg havi leingi hugsað, at tað hevur verið upplagt at flyta heim til Føroya. Eg havi eitt stórt netverk har og eisini familju, so - EG HAVI SAKNAÐ TÓNLEIKIN Hans Petur í Brekkunum: