hósdagur 14. november 2019síða 23

FRÍGGJADAGUR 15. NOVEMBER 2019 SOSIALURIN 132 23 GREINARØÐ: Dagstovnaøkið hjálpar­fólk á stovnunum, ið eru støðug, og sum gera eitt gott arbeiði. - Námsfrøðingar hava eina út­búgv­ing og eina vitan, sum eigur at avspegla, at tað eru útbúgv­in fólk til arbeiðis. tað eigur eisini at merkjast í, hvussu børnini verða møtt og hvussu tey verða rúmaði. Hevur tú ikki útbúgvingina, so møtir tú børn­ unum við tí, sum tú hevur og ikki við eini fakligari bakgrund. Tað er ikki skeivt í sjálvum sær, men hitt eigur at tryggja, at øll børn verða møtt við teimum avbjóðingum, sum tey hava, og at tey verða sædd og vird við teimum meiningunum, sum tey hava, sigur hon. Mátin børnini verða møtt uppá myndar teirra sjálvsfatan. Og verður tú ikki møttur við tí til­feingi tú hevur, og at tú kanst geva til felagsskapin, so kann tað ávirka sjálvsvirði hjá barninum, sigur hon. Granskingin sigur, at børn eru ikki fødd við at duga at liva seg inn í støðuna hjá øðrum. Hetta er nakað, sum tey læra frá øðrum frá tí løtuni, tey eru borð­in í heim. Tí er umráðandi, at tey eru saman við vaksnum, so tey kunnu læra at vera saman við øðrum og at knýta vinabond við onnur. Tað eru faktorar, ið eru um­ ráð­andi fyri menningina, og sum tú skalt brúka alt títt lív, sigur Jórun Niclasen. Trýstið ávirkar børnini Krøvini og trýstið á náms­frøð­ ing­ar­nar í dagstøvnunum kring landið er økt nógv seinastu árini, og nú gera námsfrøðingar aðrar skrivligar uppgávur og arbeiða við meir torgreiddum av­ bjóðingum, enn teir gjørdu fyrr. - Dagsstovnurin eigur ikki at vera statiskur. Hann er broyti­ ligur, tí tað er lív í, og børnini mynda gerandisdagin, og tað sum stovnurin stendur fyri, sigur Jórun Niclasen. Vit hava í longri tíð hoyrt um trýstið, sum liggur á dag­ stovnaøkinum. Náms­frøð­ingar gera vart við ótolandi arbeiðs­ um­støður, starvsfólk og leiðarar verða strongd og fleiri uppsagnir hava verið. Jórun Niclasen heldur eisini, at trýst og stongd ávirkar arbeiðsorkuna hjá starvs­fólkunum á stovnunum, og er arbeiðsorkan ikki til staðar, so ávirkar tað sjálvsagt eisini børnini. - Tað sama hendir eisini, tá starvs­fólk eru nógv sjúk, og nógvir vikarar koma inn. Tá kann man ikki halda tað støði, sum man hevði ynskt, sigur hon. Sjálvsagt er tað ringt at siga, hvørja ávirkan vánalig nor­mer­ ing kann hava á menningina hjá børnunum. Foreldur og onnur hava eisini ein týðandi leiklut í lívinum hjá børnunum, og í dag ferðast børn á so ymiskum pallum, men læra børnini ikki grundreglurnar um, hvussu tey eru millum onnur, so kann hetta ávirka tey seinni í lívinum - Tí er tað týdningarmikið, at tey vaksnu eru sjónlig og veg­ leiða børnini, tá ein negativur at­burður ger seg galdandi. Tey eiga at hjálpa børnunum at seta orð á negativa atburðin, so barn­ ið sær, at tað er atburðurin og ikki einstaklingurin, ið er trupul­ leikin, sigur hon til endans. ANNIKA@SOSIALURIN.FO Tað snýr seg heldur ikki bert um at fylla fólk inn á stovnarnar, tí vita tey ikki, hvat tey skulu gera, so er spurningurn, hvussu nógv tað gagnar Karmurin rundanum dagstovnarnar er dagsstovnalógin, kunngerðin um virksemi á dagstovnum og dagrøktum og námsfrøðiligu stevnumiðini. Hesi áseta, hvat dagstovnarnir skulu og hvat endamálið er. FAKTA Endamálið hjá dagsstovnunum er, at børnini mennast, læra og luttaka í felagsskapinum. FAKTA Tað er einki minsta mark fyri, hvussu normering á stovnunum eigur at vera. Kommunurnar hava ein býtislykil at ganga eftir, men hann er ymiskur frá kommunu til kommunu. FAKTA Vil man hava námsfrøðiliga dygd á stovnarnar, so má tíð setast av til námsfrøðiliga arbeiði, sigur Jórun Niclasen