hósdagur 23. januar 2020síða 19

FRÍGGJADAGUR 24. JANUAR 2020 SOSIALURIN 10 19 T eitur Lassen er kendur heima og burturi sum tón­leikari. Hann ferðast víða og javnan við sínum tónleiki, og hann hevur eisini latið fleiri tónleikaútgávur frá sær uttanlands. Teitur skal í mars mánaði á konsertferð í Týsklandi, og eftir tað skal hann hava seytjan konsertir í Dan­mark – fleiri teirra eru longu út­seldar. Um vikuskiftið fáa nøkur ung­fólk í aldrinum 14 til 24 ár møgu­leikan at fara á filmsskeið hjá Teiti á Velbastað. Teitur fer at greiða frá, hvat sam­band er millum film og tón­leik. Hann fer at greiða frá, hvussu hann sigur søgur við tón­leiki og yrkingum, og hvussu hann skipar sítt arbeiði. Eisini fara luttakararnir at gera tónleik til filmsbrot. Bert seks ungfólk sleppa til skeið­ið, sum varðar fimm tímar leygar­dagin. Tað er Klippfisk, sum skipar fyri. Mítt vikuskifti Hvat fert tú at gera um vikuskiftið? – Vikuskiftið er sjálvandi merkt av tónleiki, men júst hetta vikuskiftið er eitt sindur øðrvísi, tí fríggja­ kvøldið havi eg bjóðað teim­um tónleikararnum, sum spæla saman við mær, heim til tað, vit kalla «ROX- jóla­borðhald«. Á skránni er góð­ur matur, undirhald, sum vit fyriskipa sjálvir, og annars gott lag. Hetta er nakað, sum vit hava gjørt í fleri ár, og tað er ómetaliga hugna­ligt. Leygardagin tørni eg til aftur Hvussu er at arbeiða nógv vikuskifti? – Tað er ein lívsstílur at ar­beiða um vikuskiftin, og tey hevði ikki borið til uttan góðan stuðul frá konu og børnum. Eg spældi øgiliga nógv, tá eg og konan komu saman, men minni, tá børnini vóru smá. Sum tey eru vaksin til, eru spælingarnar øktar aftur. Konan plagar at siga, tá hon verður spurd, um tað ikki er keðiligt, at eg eri út hvørt vikuskifti, at hon kennir ikki til nakað annað. So eg eri kanska eitt sindur sjómansligur í so máta. Hvønn vikuskiftsdag dámar tær best? Sunnudagurin er meira ró­ lig­ur, og sum oftast skulu vit ikki nakað ávíst. Sunnu­ morgun kenni eg ikki nógv til, tí tá sovi eg, men vit eta ein góðan døgverða, tá eg havi fingið eygu. Eg plagi at verða stadion-speakari til heimadystirnar hjá EB/ Streymi, so tað fyllir nakað, tá kappingin koyrir. Spæl­ ingar sunnukvøld sigi eg kon­sekvent nei til, uttan so at tað er nakað heilt serligt. Um tú skuldi viðmælt fólki at lurta eftir einari tónleikaútgávu um vikuskiftið, hvør skuldi hon verið? Eg viðmæli »Abbey Road« hjá The Beatles frá 1969. Tað er also ikki uttan orsøk, at ein tónleikaútgáva megn­ar at liggja nummar 1 í 1969 og so eisini í 2019 - 50 ár sein­ni! Teitur hevur filmsskeið Leygardagin hevur Teitur Lassen filmsskeið fyri ungfólki U m tvær vikur hevur rock­ bólk­urin Týr tríggjar út­ seldar konsertir saman við Føroya Symfoniorkestri í Norður­landahúsinum. Nú seinastu fyri­ reikingarnar verða gjørdar til hesa fram­ førslur, hevur Týr skift gittarspælara. Ungverski Attila Vörös kom upp í Týr, tá ið Terji Skibenæs fór úr bólkinum í 2018, men nú hava teir aftur skift upp um pláss. Attila Vörös boðaði herfyri frá, at hann fór úr Týr, tí hann var ikki samdur við hinar í bólki­num um, hvørja leið bólkurin skuldi fara. – Eftir konsertferðina í desember tóku vit saman við Attila avgerðina um at enda sam­starvið millum Týr og hann. Tað var av tí orsøk, at vit ikki hava somu vónir og ætlan­ir fyri framtíðina, hvørki um tón­ leika­stíl ella ætlanir sum heild, sigur Heri Joen­sen, sangari og oddamaður í Týr. Rockbólkurin hevur ikki fingið fastan av­loysara fyri Attila, men komandi vikur­ nar skal Terji Skibenæs aftur taka sær av gittarspælinum í Týr. – Vit heittu á Terja um at traðka til aftur, og hann játtaði at vera við í eina tíð. Hann verður ikki fastur limur í Týr aftur, men hann verður við til framførslur komandi mánaðirnar. Fyrst í Norðurlandahúsinum og síðan í Týsklandi, Onglandi, Australia, Ný Sælandi, Japan, Kina og aðrastaðni. Á kom­andi konsertferðini í USA og Kanada í apríl heita vit helst á onkran gittarleikara, sum vit kenna í USA ella Kanada, sigur Heri Joensen. Týr spældi sínar fyrstu tónar í Keyp­ mannahavn í 1998, og føroyingar lærdu veruliga bólkin at kenna í Prix Føroyar tón­leikakappingini í 2001, tá ið »Ormurin Langi« varð eitt risahitt. Síðan 2002 hevur Týr útgivið átta plátur – tann seinasta, »Hel«, kom í fjør á Napalm Records. Týr man vera tann før­ oyski tónleikabólkurin, ið hevur selt flest­ ar plátur. Týr hevur eisini verið sera virkið við fram­førslum í útlandinum og hava nógvar spenn­andi uppgávur fyri framman. Føroyingar fáa um tvær vikur høvi at hoyra bólkin spæla sínar rocksangir saman við Føroya Symfoniorkestri. Ungverskur gittar­ spælari er farin úr rock­bólki­num Týr, og tí má gamal kenningur traðka til, nú Týr hevur stórfingnar kon­ sertir fyri framman Týr skiftir út Lagt til rættis: Eyðun Klakstein Terji Skibenæs er aftur gittarspælari í Týr, sum hevur spennandi uppgávur fyri framman Teitur Lassen hevur um vikuskiftið skeið fyri ungfólki Signar í Homrum