hósdagur 30. januar 2020síða 44

20 TEKSTUR ÁRNI GREGERSEN MYND ÁLVUR HARALDSEN Nú síggjast teir á vegnum Elbilarnir eru komnir og nú síggjast teir eisini millum allar hinar bilarnar í Føroyum Í fleiri ár hava vit í sambandi við umhvørvisdálking tosað um, at vit eiga at fáa okkum elbilar, tí teir dálka minni enn vanligu bilarnir, sum vit annars brúka. Millum fólk, sum hava áhuga fyri slíkum, er tað vorðið eitt slag av religión um elbilarnir dálka meira ella minni enn vanligu bensin- ella dieselbilarnir. Men tað kann staðfestast í dag, at elbilarnir eru líka góð­ir sum aðrir bilar og at við galdandi reglum um av­ gjald, so loysir tað seg í dag at keypa ein elbil, tí hann er mun­andi bíligari í rakstri. - Ja, tað er onki at ivast í, at tann elbilurin vit hava í okkara familju er munandi bíligari at brúka enn diesel­ bil­urin, sum vit eisini hava, sigur Jónheðin Tróndheim, sum bæði er útbúgvin bilmekanikari umframt at hann hevur stóran áhuga fyri bilum og tí menning, sum fer fram av elbilum. Elbil í eitt ár Jónheðin Tróndheim og konan hava seinata árið koyrt í ein­um elbili, sum Nissan Leaf. Fyrst og fremst er hann brúktur í høvuðsstaðarøkinum, har konan fyri tað mesta hevur brúkt hann. - Hon vil fegin heldur brúka tann bilin, tí hann er so lætt­ur at koyra og so friðarligur. Har er ongin larmur, sum tað annars er í vanligum bilum, sigur Jónheðin Trónd­heim. Hann hevur seinastu árini sjálvur koyrt til arbeiðis av Argjum og inn á Skálafjørðin. Hann koyrir oftast í einum Mercedes við stórum dielsel­motori, men tað vísir seg, at tað er lættari og bíligiari at koyra ímillum við elbilinum. - Hann hevur góða kraft og hann hevur ongar trupul­ leikar við. at tað ikki er nóg mikið av streymi á til túrin á Skálafjørðin og aftur á Argir. Hann koyrir millum 200 og 250 kilometrar uppá eina løðing – alt eftir hvussu lýtt ella hvussu kalt tað er í veðrinum, sigur Jónheðin Tróndheim. Færri avgjøld Við elbilum er tað soleiðis, at avgjøldini eru munandi minni enn tey eru á vanligum bilum. Politiskt er hetta gjørt fyri at fáa tey sum hava bil, at skifta frá teimum bilum, sum vit hava kent í eini 98 ár her í Føroyum, til elbilar. MVG verður borið aftur, ongin vegskattur verður goldin og tað ber tio at gera tað soleiðis, at streymurin til elbilar er bíligari enn tann prísurin vit vanliga gjalda fyri streymin. Til tess at fáa tann prísin, so er tó neyðugt at seta ein serligan málara upp heima við hús. - Tað hava vit ikki gjørt, tí bilurin ikki brennur so nógv. Vit løða hann um náttina og um eg skal vera heilt erligur, so ger tað ikki tann stóra munin á elrokningini, sig­ur Jónheðin Tróndheim. - Vanliga verður Nissan Leaf-bilurin løddur tvær ferðir um vkuna heima við hús á Argjum. Eftir at hava havt ein elbil í eitt ár ivast Jónheðin Trónd­heim ikki í, at hetta er framtíðin. Bilarnir rigga væl og livitíðin á battarínum gerst alt longri. - Menningin gongur við rúkandi ferð og longu í ár og næsta ár fara nógvir nýggir, serliga týskir elbilar, at koma á marknaðin. Bilídnaðurin í Týsklandi arbeiðir í fullari ferð við at umleggja produktiónina frá vanligum bilum til elbilar, sigur Jónheðin Tróndheim. Hann leggur afturat, at elbilarnir krevja munandi minni viðlíkahald enn vanligu bilarnir gera. Til dømis sigur han, at meðan tað í vanligum bilum eru einir 2000 lut­ir í bilinum, sum skulu flyta seg undir koyring og á tann hátt slítast, so eru bert einir 50 slíkir lutir í einum elbili. Harumframt skulu elbilar ikki skifta olju. Har verður als ikki brúkt olja til elmotorin sum drívir bilin. - Í veruleikanum er tað soleiðis, at hyggur tú í mask­ in­rúmið í bilinum hjá okkum, so sært tú fyrst eina teldu, áðrenn tú sært elmotorin í bilinum, sigur Jónheðin Trónd­heim.