hósdagur 30. januar 2020síða 48

24 El-trukkar slóðaðu fyri el-bilunum - Vit hava havt ein el-trukk til umvælingar, sum var frá seinnu hálvu av sekstiárunum. Tað var trupult at arbeiða upp á henda trukkin, tí hann var so kompliseraður. Okkurt var galið við battaríinum. Vit fingu eykalutir, sum kundu tilpassast, og síðan koyrdi trukkurin aftur, sigur Piddi Klein hjá KJ á Skarðshjalla, sum selur nógvar el-trukkar til føroyskt vinnulív K J á Kambsdali eigur eisini fyritøkuna á Skarðshjalla í Havn - KJ Tórshavn - sum eitt nú selur entreprenørmaskinur, lyft­ir, vognar, trukkar og ymiskt annað. Kendastu merkini av entre­pren­ør­ maskinum eru JCB og Hyundai, men fyri­tøkan umboðar eisini onnur merki. Trukkarnir eru av kenda merkinum, Linde, sum hevur nógv ár á baki í Før­oyum. Í vikuni vitjaðu vit inni á gólvinum hjá KJ á Skarðs­ hjalla, og her skiftu vit orð við Pidda Klein, sum starvast á deildini. Vit spurdu serliga um el-trukkarnar, og hvussu sølan av teimum gongur í mun til søluna av diesel-drivnu trukk­ un­um. Piddi Klein byrjaði hjá KJ fyrstu ferð í 2007. Seinni var hann eitt skifti niðri í skúla, og síðan byrjaði hann aftur hjá KJ. - Vit selja nógvar trukkar av merkinum Linde, og ein vanligur trukkur liggur millum 2,5 og 3 tons, sum vit rópa teir. Vit hava bæði el-drivnar trukkar og diesel- drivn­ar trukkar, men sølan av el-trukkum er størri enn sølan av teimum diesel-drivnu. Piddi Klein vísir á, at tað eru fleiri fyritøkur, sum hava bæði el-trukkar og dieseldrivnar trukkar, men tað eru eisini nógvar fyritøkur, sum bara hava el-trukkar. - Tað er í flestu førum ikki loyvt at brúka diesel-drivnar trukkar innandura, og hetta hevur verið galdandi í nógv ár, sigur hann. Einki útstoytsgass Sosialurin hevur hugt í kunngerð nr. 76 frá 11. august 1999 um koyring innandura við trukki, og her verður víst til løgtingslóg nr. 58 frá 24. mai í 1976 - við seinni broyt­ingum - um arbeiðaravernd. Her stendur stutt og greitt í grein 1, at ”… tað er for­ boðið at nýta trukkar og onnur akfør við brenni­evnis­mot­ or­um innandura..” Arbeiðseftirlitið kann veita undantak frá grein 1, tá tal­an er um – • trukkar, sum lyfta meir enn 4 tons • trukkar, sum koyra í goymslu- og móttøkuhølum • onnur akfør, sum ikki fáast uttan við brennievnis­ mot­orum. Lagt verður aftrat, at undantaksloyvi til innandura­koyr­ ing verður bert veitt, um Arbeiðseftirlitið fær váttan um, at útluftingin í hølunum er so góð, at persónar, herundir før­arin, ikki verða útsettir fyri heilsuskaðiligum árini av út­stoytingsgassinum. Kunnu koyra úti Piddi Klein vísir á, at tað er einki til hindurs fyri, at el- trukkur eisini kann koyra úti, men hinvegin er vanligt, KJ rekur sítt virksemi við entreprenørmaskinum, trukkum og øðrum á Skarðshjalla í Havn TEKSTUR VILMUND JACOBSEN MYNDIR KJ