hósdagur 20. februar 2020síða 14

FRÍGGJADAGUR 21. FEBRUAR 2020 SOSIALURIN 22 14 TEMA: Starvslønir 2020 Starvslønir 2020 Rógvi á Rógvu er føddur í 1968 og er av teimum flestu kendur sum ein av dugnaligastu trummuleikarum í Føroyum. Rógvi á Rógvu hevur gjøgn­um árini sitið handan trummu­settið í rættiliga nógv­um bólkum. Úr rúgvuni kunnu nevnast Plúmm, Terji og Føstufressar, GoGo Blues og Headache Blues Trio. Har­um­framt hevur Rógvi á Rógvu sein­astu árini eisini verið maðurin handa Rógvi Kvintet og einum brass-band við sjey blásarum og trumm­um. Rógvi á Rógvu undirvísti á Tórshavnar Musikkskúla í nógv ár, men nú gongur tón­leika­ frálæran fyri seg á frískúlanum Lítlaskúla, sum Rógvi á Rógvu eisini tók lut í at seta á stovn. Umframt tónleikin eigur og rekur Rógvi á Rógvu eisini jazz­barrina Blábar saman við tví­burðabeiggjanum Mortan Zachariassen. Starvslønin á seks mánaðir skal ikki nýtast til nakra ein­ staka verkætlan, sigur Rógvi á Rógvu. Heldur hevur hon til enda­máls at at virka sum støði undir fleiri verkætlanum. – Eg havi altíð nógvar verk­ ætlanir í tonkunum, nógv hug­ skot. Nógv er í gongd, og nógv liggur á láni. Ætlanin er at skriva tónleik, eitt nú til mína kvintett og bigband, men eg havi eisini onnur hugskot, sigur Rógvi á Rógvu. – At skriva og arrangera tónleik er tíðarkrevjandi, og tílíkur stuðul fer oftani ikki til eina verkætlan, men fleiri, sigur Rógvi á Rógvu og leggur aftrat, at komandi tíðin skal millum annað nýtast til at fáa fleiri verk liðug, sum leingi hava ligið á láni. – Samstundis vil eg arbeiða víðari við nýggjari hugskotum og seta í gongd onnur, sum eru spildurnýggj. Og peningaliga ískoytið til listuna er kærkomið, heldur Rógvi á Rógvu. – Tílíkur stuðul er fantast­isk­ ur, og eg unni øllum hann. Tað ger, at tú kanst arbeiða burturav við listini í eitt tíðarskeið. Sjálvt um eitt hugskot ella verkætlan ofta tekur ár, so er hetta við til at gera, at tú kanst fokusera upp á tað í eitt longri tíðarskeið, og tað er neyðugt, sigur Rógvi á Rógvu og vísir á, at nú er arbeiði, frí­tíð og ítriv smeltað saman á tann hátt, at alt fer til tónleikin. – Eg eri takksamur fyri, at hetta ber til. Hetta er ein góð íløga í listina, sum landið ger. Hetta er løn til fólk, sum fáast við list. Ein bílegging frá landinum og løn fyri hart ar­ beiði, sum tó ikki bert fer fram, meðan almenna lønin verður út­ goldin, men alt lívið, sigur Rógvi á Rógvu. Fleiri verkætlanir í gongd Arnbjørn Ólavsson Dalsgarð var hesaferð einasti persónur, ið fekk 1 ára starvsløn. Arnbjørn Ó. Dalsgarð er rit­høvundur og bókavørður, og hann starvast sum leiðari á Býarbókasavninum í Havn. Arnbjørn Dalsgarð er føddur í 1971, er uppvaksin á Velbastað og býr í Havn. Saman við Oddfríða Marner Rasmussen er Arn­ bjørn Dalsgarð ritstjóri á bók­ menta­tíðarritinum Vencil, har fleiri av stuttsøgum hansara eisini eru útgivnar. Eisi­ni var Arnbjørn Ó. Dals­garð formaður í Rit­høvunda­felag­ num frá 2007 til 2009. Arnbjørn Ó. Dalsgarð hevur síðan 2005 latið úr hondum hóp­in av stuttsøgum, og hann hevur eisini útgivið tvey stutt­ søgusøvn, So hon starir inn í veggin (2015) og Albert (2016). Við stavslønini hesaferð fer Arn­bjørn Dalsgarð at royna nakað nýtt. – Eg siti og arbeiði við tveim­um skaldsøgum. Annað hand­ritið er í grundini liðugt skrivað, men tað skal gjøgnum­gangast, og kanska skal okkurt leggjast aftrat. Tað var í grundini ætlanin, at hon skuldi koma út í fjør, men har vórðu rættiliga nógvar bøk­ur útgivnar í fjør, so eg gjørdi av at bíða - so verður hon kanska eisini tað betri. Vænt­andi kemur hon út í ár ella í næsta ár, sigur Arnbjørn Dals­garð. Arnbjørn Dalsgarð er eisini farin í holt við eitt handrit aftrat, sum skal vera ein krimi­ søga, tá hon er liðug. Arnbjørn Dalsgarð vil ikki siga alt ov nógv um innihaldið í skaldsøgunum báðum, men hann ger greitt, at onnur skald­søgan er ein krimisøga, meðan hin er ein nútíðar skald­søga, sum fyrigongur í Før­oyum. – Eg haldi sjálvur, at hon er skrivað á einum nokk so gerandis­ligum máli, sum fólk vón­andi kenna seg aftur í og tíma at lesa. Arnbjørn Dalsgarð hevur skrivað rættiliga nógvar stutt­ søgur, men yvirhøvur hevur tíðin verið ov avmarkað til at fara í holt við skaldsøgur. – Eg havi júst havt fast starv mest sum alt mítt lív, og eg havi ikki havt stundir til at skriva hesar størri tekstirnar. Tí hevur tað fyri tað mesta verið stuttsøgur. Men fyri hálvumøðrum ári síðani fór eg frá sum býarbókavørður í Havn, sigur Arnbjørn Dals­ garð, sum hevur brúkt ein part av tíðini síðani upp á hand­ ritini bæði. Sum rithøvundur merkist tað væl, tá tú fært játtaða starvs­løn, og starvslønin merk­ir, at tú hevur stundir til at hugsavna teg um tað listar­ liga, heldur Arnbjørn Dals­ garð. – Hjá mær merkist tað øgi­ liga nógv, serliga tá starvslønin er á hesari støddini. Tú fært brúkt meira tíð til at skriva. Eg havi fingið starvsløn fyrr, og seinast eg fekk starvsløn var í eitt hálvt ár. Tá fekst eg mest við stuttsøgur, men eg byrjaði upp á skaldsøguskrivingina tá. Tað gav mær tann friðin, sum skal til, sigur Arnbjørn Dals­garð. – Eitt er tað, at tú fært frið at skriva. Men tað merkir eisini nógv, at tú ikki ert órógvaður økonom­iskt. Tú fært frið til tað listarliga. Tvær skaldsøgur í væntu Rógvi á Rógvu, tónleikur Arnbjørn Ólavsson Dalsgarð, bókmentir