hósdagur 12. mars 2020síða 17

FRÍGGJADAGUR 6. MARS 2020 SOSIALURIN 28 17 E in stuttlig pappbók til tey smæstu, ein nem­ andi myndabók eftir Sami Said, sum vitjaði á Bóka­døgum í fjør, eitt inniligt ævin­týr og ein grafisk skaldsøga um at vera ung undir seinna heims­bardaga. Bókadeild Lærarafelags hev­ ur útgivið fýra nýggjar bøkur til børn og ung. »Hvalurin fer í bað« er ein stór og fitt pappbók um hvalin, sum fer í bað. Men so vilja øll hini djór­ini eisini sleppa í bað, og at enda verður tað alt ov trongt í baði­karinum. Susanne Strasser skrivaði og myndprýddi. Bókin er 22 síður, og til tey umleið 0-2 ára gomlu. »Eta gras« er fitt, stuttlig og nem­andi søga um smágentuna Imani, sum býr í einum landi, har tað viðhvørt regnar alt ov illa, og viðhvørt er turkur. Sami Said skrivaði, og Sven Nordqvist mynd­prýddi.  »Jørundur og drekin« er eitt inni­ligt ævintýr eftir Ulf Stark og við myndum eftir Annu Høg­ lund. Áðrenn pápi Jørund doyr, gevur hann honum eini ráð: lurta eftir hjartanum og ger tað, ið tað ræður tær til. Við hes­um ráðnum fer Jørundur út í verðina at leita eftir sínari dreyma­prinsessu. »Hvíti fuglur« er grafisk skald­søga um lívið hjá ommu Julian, ið sum ung genta krógvaði seg fyri nasistunum undir seinna heims­bardaga í Fraklandi. Rit­høvund­ urin R.J. Palacio hevur skrivað og myndprýtt. Mítt vikuskifti Hvat fert tú at gera um vikuskiftið? –  Hetta vikuskiftið skuldi eg vera við at frumframføra eina ballet á Kgl. Teatrinum í Keypmannahavn. Tónleikurin er frá triðju symfoni av Gustav Mahler. Fyrst var ætlanin at spæla fyri hálvum sali orsaka av corona vandanum, men hóskvøldið varð framførslan avlýst, eftir at danska stjórnin setti strong fyribyrgjandi tiltøk í verk. Eg havi sjáldan frí um vikuskiftini, men hetta verður eitt frívikuskifti. Hvønn vikuskiftisdag dámar tær best? – Sunnudagurin er góður. At fara í kirkju, eta ein góðan døgurða og so hyggja at fótbólti – tað er ein góður sunnudagur fyri meg. Tað hendir bara ikki nóg ofta. Hvussu dámar tær hesa árstíðina? – Mær dámar væl veturin um jóltíðir, tá er hugnaligt, men eftir nýggjár kann veturin her í Keypmannahavn ofta tykjast langur og gráur. Um tú vildi viðmælt fólki at lurta eftir einari tónleikaútgávu um vikuskiftið, hvør skal tað vera? –  Eg kann viðmæla tvær útgávur. Onnur er »Ókendar leiðir« hjá Rana Nolsøe, har eru góðir sangir at lurta eftir. Hin er »Andalag« hjá Sunleif Rasmussen –  tað er góður tónleikur, sum Aldubáran og Jákup Lützen spæla. Bókadeild Lærarafelags hevur útgivið fýra nýggjar bøkur til børn og ung Í 2009 gjørdist Dagfinn Joensen ­úr Funningsfirði sangari í danska rock­ bólkinum Fate, men nú gevst hann í bólkinum. FATE var partur av lívliga altjóða rock­ pallinum í áttati árunum, og teir høvdu okkurt hampuligt hitt. Miðskeiðis í níti árunum gavst bólkurin at spæla, men teir fóru aftur at spæla í 2005, og í 2009 varð Dagfinn Joensen partur av bólkinum. Dagfinn hevur spælt nógvar konsertir við Fate kring Europa, og hann hevur sungið á tvemum útgávum hjá bólkinum. – Tað er nakað síðani, at eg gavst í Fate, men av tí at bólkurin meira ella minni fór í dvala eftir tað, er tað ikki komið alment fram fyrr enn nú, sigur Dagfinn Joensen. – Eg tók avgerðina av ymiskum orsøk­ um. Vit vóru ósamdir um ymiskt, bæði um tónleik og um framtíðarætlanir. Har­ afturat var tað trupult promovera bólkin ordi­liga, soleiðis at vit kundu fáa fleiri kon­sertir at spæla. Vit noyddust sjálvir at gera hetta arbeiðið, og tað var tungt, sigur hann. Gevandi Dagfinn Joensen heldur, at tíðin sum sangari í Fate var sera góð og gevandi. – Eg havi fingið nógvar møguleikar, sum eg annars ikki hevði fingið. Vit hava spælt konsertir kring alt Europa, kanska minst í Dan­mark, og vit hava bæði spælt á smærri spæli­støðum og á størri festivalum. Tað hevur verið bæði spennandi og rúsandi at skula spæla konsertir eftir bólkar sum Megadeth, Steel Panther, Queensryche og Saga, sigur hann. –  Vit spældu á Summarfestivalinum í 2012, og tað var kanska ein av teimum bestu upplivingunum, eg hevði í bólki­ num. Tjaldið var á tremur við fólki, og stemn­ingurin kann ikki forklárast. Vit høvdu eisini eina sera góð konsertferð í Spania, har stórur áhugi var fyri okkum millum fólk, sum sungu við til næstan allar sangirnar, bæði teir nýggju og gomlu, sigur Dagfinn Joensen. Hann hevur eisini verið í studio við Fate. – Tað var sera læruríkt at skriva og inn­ spæla tær báðar útgávurnar, sum eg eri við á. Eg hevði ikki nógvar royndir í studio, áðrenn eg fór upp í Fate, so har havi eg fing­ið góða barlast, sigur Dagfinn Joensen, sum er virkin í øðrum tónleikabólkum. Eftir tvær útgávur og nógvar konsertir hevur Dagfinn Joensen takkað fyri seg sum sangari í kenda danska rockbólkinum Fate Lagt til rættis: Eyðun Klakstein – Tíðin í Fate var sera góð og gevandi, sigur Dagfinn Joensen Páll Sólstein Dagfinn Dagfinn gevst í Fate gevst í Fate Fýra nýggjur bøkur á føroyskum máli til børn og ung Inniligt ævintýr og grafisk skaldsøga