hósdagur 19. mars 2020síða 10

FRÍGGJADAGUR 20. MARS 2020 SOSIALURIN 34 10 ANNIKA KUNOY IM S íðani Løgmaður á tíð­ inda­fundi hósdagin í síðstu viku boðaði frá, at Føroyar nú skulu niður í ferð fyri at fyribyrgja, at koronasmittan ovbyrðar heilsu­verkið, hevur Kringvarp Føroya, millum annað sum liður í tilbúgvingini, tikið eitt stórt tak við fleiri eyka tíðindasendingum og tilfari á øllum pallum. Semja tykist vera um, at toymini í Kringvarpinum hava megnað at savnað saman Føroya fólk í eini krepputíð, tá kunning kann verða lívsneyðug. Serliga er tað stjørn­an á skíggjanum í høvuðs­tíð­inda­ sendingini hjá sjónvarpinum, John Johannessen, sum hevur fingið rósandi orð úr øllum heraðshornum. Á sosialu miðlunum, á blogg­ um og millum manna verður fólksligi verturin kallaður tann nýggi føroyski Mr. News. Seinasta vikan hevur verið ser­støk. Tað hevur hon verið kring alt landið – og meðan tey flestu seta ferðina niður, arbeiða tíð­indafólk undir hátrýsti. Tíð­ indi um koronasmittuna fylla lættliga heilar-, longdar- og eyka tíðindasendingar. Í slíkum tíðum hyggur almenningurin sama veg – hesaferð á sjónvarpsskíggjan, har John Johannessen stend­ur klárur við nýggjastu dag­før­ing­ unum. Kringvarpið hevur sjálvsagt eina serliga ábyrgd, tá ein slík kreppa herjar. Hetta er ein serlig støða, hyggjaratalið er langt omanfyri miðal, og nógv fólk fylgja við, greiðir hann frá. Tað byrjaði mikukvøldið 11. mars, tá Mette Fredriksen, danska forsætisfrúa, á tíð­inda­ fundi boðaði frá, at Danmark komandi tíðina fór at seta ferðina niður. – Vit høvdu varhuga av, at okkurt var ávegis í Føroyum eisini. Eg var redaktørur og vert­ur í Degi og Viku, tá hetta hendi og føldi, at tað kom ov lít­ ið av upplýsing frá føroyskum myndugleikum og miðlum, sigur John Johannessen. – Hósmorgunin var eg aftur til arbeiðis sum redaktørur, og tá varð avgerð tikin saman við leiðsluni um at gera eina eyka tíð­indasending seinni tann dagin, tá landstýrið gjørdi av at steingja partar av føroyska samfelganum, sigur hann. – Tað hevur verið umráðandi, at vit hava havt meir enn eina dagliga tíðindasending í sjón­ varpi­num. Tí gjørdu vit eisini send­ingar bæði leygar- og sunnu­dagin í síðstu viku, leggur hann aftrat. Síðani eyka tíðindasendingina hós­dagin í síðstu viku hevur Dagur og Vika, við John Johanne­ssen í miðdeplinum, havt fleiri eyka tíðindasendingar og vanligar tíðindasendingar við perspektivering og barna­ tíðindum. – Vit eru farin at gera meir per­spektiverandi innsløg sum liður av nýggja Degi og Viku konseptinum, sum kom í heyst. Tað dámar mær væl, sigur hann. – Hugskotið til Dag og Viku í barnahædd kom, tá ein vin­ maður mín ringdi og spurdi, um tað ikki hevði verið eitt gott hugskot at havt okkurt til børnini. Tað tók leiðslan undir við, tí tað er ein ótti í luftini hesar dagarnar, og tann óttan kenna børnini eisini. Eitt toymi, sum arbeiðir við barnatilfari í Kringvarpinum gjørdi inn­ sløgini, sigur hann. Geri bara mítt arbeiði Spurdur um, hvussu tíðin í sjón­varpinum hevur verið hesa vikuna, síðani landið fór niður í ferð, sigur hann lítillátin, at hann bara hevur gjørt tað, sum hann er settur í starv til at gera. – Eg geri bara mítt arbeiði. Og tað, sum eg haldi er umráðandi við einum starvi sum hesum er at minnast til, at vit bert eru til fyri hyggjaran, staðfestir hann. Og soleiðis ber eisini til at orða tað, tá ið ein stendur frammanfyri eini tjóð, har hvør sum ein hava eyguni vend sama veg. Røddirnar, sum í almenna rúminum hava rópað hart við hvøssum kritikki mótvegis public service stovni okkara eru ikki líka hvassar um dagarnar, og í almenna rúminum eru fleiri rósur enn vanligt. – Leiðslan hevur gjørt eitt flott arbeiði og hevur lagt ar­ beiðið hjá tíðindafólkum, vert­ um, myndafólki og hinum í toymi­num væl til rættis við arbeiðs­bólkum. Leiðslan hevði var­huga um, hvønn veg, ið tað bar, og at vit vóru á veg í eina kreppustøðu. Álvarsemi hevur verið væl kunnað til stavsfólkið. Eisini hevur starvsfólkið kýtt seg til at geva sakliga, skjóta og kritiska upplýsing. Hetta hevur savnað Føroya fólk, sum hesar dagarnar hevur vitað, at Kring­ varpið er har við neyðugi upp­ lýsingini, sum tey bíða eftir. Tað er kanska tí, at vit merkja hesa nøgdina í fólkinum, sum vit jú eru til fyri, sigur hann umhugsin. – Vit eru eitt toymi, og øll løgdu seg í selarnar beinanvegin og fóru at framleiða tilfar, vóru klár at dagføra og traðka til. Fólk hava ikki hugsað um vaktarskipanir og vanligar arbeiðs­tíðir, men tað merktist, at øll veruliga ynsktu at geva nakað eyka allar hesa dagarnar. Og tí skulu vit minnast til, at rósandi orð­ini mugu galda fyri øll – eisini tey, sum ikki eru beinleiðis á skerminum. Tað eru tey, sum syrgja fyri innsløgunum, sigur John Johannessen. – Vit skulu minnast til, at tað ber ikki til at fáa eina sjón­varps­ sending í luftina uttan dugna­ ligar fotografar, fram­leiðarar, ljóð­fólk, makeup-artistar og onn­ur. Uttan tey, var eingin send­ing, sigur hann. – Eg ivist tó ikki í, at kritisku rødd­irnar nokk skulu vakna aftur, leggur hann skemtandi aftrat. Fólksligi verturin Í Degi og Viku seinastu vikuna hevur hann fleiri ferðir tosað beinleiðis til hyggjaran og biðið um umbering fyri smá mis­tøk og tekniskar fleilir, sum kunnu koma fyri, tá ein sending verður sett á beinini upp á so stutta tíð. Eisini hava vit sæð vertin sprittað borðið og sett fram vatn­gløs til gestirnar í sjón­ – Eg geri bara mítt arbeiði. Og tað, sum eg haldi er umráðandi við einum starvi sum hesum er at minnast til, at vit bert eru til fyri hyggjaran, sigur fólksligi verturin í Degi og Viku, John Johannessen, sum hevur vunnið fólksins tokka hesar dagarnar landið sameint hevur leitað til Kringvarpið eftir dagføringum, nú samfelagið liggur í tvungnum dvala vegna koronasmittuna TEMA: Koronasmittan Koronasmittan FØROYA NÝGGI FØROYA NÝGGI MR. MR. Vanliga brúka vit nógva orku upp á, at fáa sjónvarp at vera flott, men í hesum tíðum vinnur innihaldið á innpakninginum. Tá eg eri í studio undir slíkum umstøðum, taki eg tað, sum tað kemur. Tað geri eg altíð. Tú mást viðganga, at tú einans er eitt menniskja, og tá verður sjónvarpið fólksligt og sameint