hósdagur 19. mars 2020síða 12

FRÍGGJADAGUR 20. MARS 2020 SOSIALURIN 34 12 ANNIKA KUNOY IM T að fylgir eisini nakað positivt við hesum, sum nú hendir í al­ heims­sam­felagnum. Vit fáa tíð til hugdýpan og har­ við at fordjúpa okkum í onkr­um, sum vit hava hug til at gera. – Tað skal okkurt líknandi til, at fáa okkum at steðga á og hugsavna tankarnar. Hetta er ein gyltur møguleiki, sigur lista­ kvinnan Maria Mørkøre, sum valdi at nýta høvið hesa tíðina sam­felagið er farið niður í ferð at bjóða undirvísing í tekning og máling á netinum. Hon boðaði frá á Facebook, at hon fór at hava eitt skeið, og eftir einum tíma var fult teknað, fleiri standi á bíðilista, og hon hevur eisini fingið fleiri fyrispurningar um at byrjar eitt online skeið til børn. Hon greiðir frá, at hon fer at skipa skeiðið á einum Face­book bólki, har hon fer at leggja út undirvísingar tilfar og bjóða luttakandi at luta sítt arbeiði, sum síðani eisini fær aftur­meld­ ing­ar og vegleiðing. – Vit vera ikki so nógv í bólki­ num í senn. Tey luttakandi kunnu spyrja, og leggja tað út, sum tey arbeiða við. So síggja hini tað, og vit eru saman og hjálpa hvørjum øðrum. Eg komi eisini við viðmerkingum og millum annað støddarforhold og vinklar, og leggi okkurt av tí út, sum eg sjálv tekni. Eisini havi eg hugsað um at leggja videobrot út og skriva eitt sindur og geva teimum luttakandi uppgávur, sigur hon. Flytur fokus – Eg rokni við, at hetta er ein lættur máti at undirvísa upp á. Og tað er stuttligt. Tað kann gott vera, at hetta fær meg at hugsa um onnur ting, og at eg fari at fáa nógv burtur úr sjálv, leggur hon aftrat. – Eitt slíkt skeið tekur fokus­ ið hjá okkum burtur frá korona­ smittuni eina løtu, og tað kann minka um óttan, sum fleiri hava viðvíkjandi hesi smittuni. So skjótt, sum tú gert okkurt ann­ að enn at lesa tíðindi um korona, flytur tað fokus. Eisini var hetta ein gyltur møguleiki til at at fara í gongd við okkurt skapandi, sigur Maria Mørkøre. Hóast Maria Mørkøre er roynd listakvinna og hevur undir­víst í 15 ár, hevur hon ikki roynt fjarundirvísing áður. Hon hevur tó ætlað sær at roynt hendan undirvísingarháttin í longri tíð, og nú samfelagið á nógvar mátar liggur stilt, valdi hon at royna. – Eg geri eina royndarkoyring nú, og bjóði skeiðið bíliga, so tað ikki verður ov bindandi. Hetta er eisini ein møguleiki at royna okkurt nýtt, tí tað er í kreppu­ tíðum, at man verður kreativur, sigur hon, og hugleiðir um danska heimspekingin Søren Kierke­gaard, sum gjørdist so glaður, tá Knippelsbrugvin í Keyp­mannahavn fór upp, tí so steðgaðu fólk eina løtu á at bíða og hugsa. – Tá kunnu vit vera kreativ, staðfestir hon. Hon leggur aftrat, at í hesum korona­døgum eru skeið á neti­ num ein gyltur møguleiki hjá fleiri at fordjúpa seg í tí, sum tey hava áhuga í, og hon umhugsar ikki bert at undirvísa á netinum men eisini at luttaka á onkrum skeiði sjálv. – Eg hevði væl tímað gingið til okkurt sjálv. Mær dámar væl at ganga til skeiðir. So eg vóni at fleiri, sum hava vitan innan ymisk øki fara at bjóða okkurt hes­ar dagarnar. Tað kann gott vera, at onkur hevur hug at geva av sær sjálvum, sigur hon. ANNIKA@SOSIALURIN.FO 52 ára gamla listakvinnan Maria Mørkøre hevur í mong ár havt skeiðsvirksemi og undirvísing í tekning og máling fyri børnum og vaksnum. Nú landið er farið niður í ferð, og tey flestu í størstan mun halda frástøðu frá hvørjum øðrum, er einki skeið á skránni, og hon hevur tí fyri fyrstu ferð roynt tað, sum hon ofta hevur ætlað: at hava tekni- og máliskeið á netinum KORONA ER KORONA ER EIN MØGULEIKI EIN MØGULEIKI TIL HUGDÝPAN TIL HUGDÝPAN TEMA: Koronasmittan Koronasmittan